Gjaldþrota snillingar??

Það er aldeilis - held að menn ættu þá að nota tækifærið og moka vel út þarna og ráða inn fólk sem er í takt við lífið!!!!  Ef að það er verið að bjarga mönnum svona úr snörunni þá held ég að menn ættu að taka til Þarna og það ærlega.  - Ótrúleg staða

Og að þurfa svo að hlusta á menn eins og Davíð Oddsson og svo væntanlega fleiri í kjölfarið segja í öðru orðinu að ef ekkert hefði verið að gert þá hefði bankinn ekki lifað og svo í hinu að bankinn sé vel rekinn - hvernig getur þetta tvennt farið svona vel saman - mér er spurn?

Ríkið eignast 75% í Glitni

Athugasemdir

[Gáfnaljósið (IP-tala skráð) 29.9.2008 kl. 10:20]

Þvílíkar múmíur sem þetta lið allt saman er, á svo að senda okkar skattborgurunum reikninginn og gefa Glitni á ný þegar nýjir gróðafíklar fara á stjá

[Kjartan Þór (IP-tala skráð) 29.9.2008 kl. 10:22]

Ertu þá að meina að það eigi að moka út núverandi forstjóra og formanni bankaráðs Glitnis? Semsagt fá einhverja í störfin sem telja það ekki vera réttu leiðina í að bjarga fyrirtæki að lækka laun allra stjórnenda og fækka stjórnendum, millistjórnendum og öðru starfsfólki?

Fyrstu verk þessarra manna sem þú ert að tala um að eigi að moka út þegar þeir tóku við starfi voru að lækka eigin laun um helming og fara svo í massífar uppsagnir starsfólks.

[Gísli Foster Hjartarson, 29.9.2008 kl. 11:04]

Já Kjartan ég geng kannski svolítið langt í þessu vissulega voru menn að reyna að stíga á bremsurnar - en hvað með þá sem voru í forsvari áður  og eru aldeilis búnir að maka krókinn. - ég hef alltaf verið þeirrar skoðunar að þegar menn hagnast um of sjálfir þá gleyma þeir að horfa á heildarmyndina því menn sjá bara það sem er sér næst, sumir þessara manna eru jafnvel horfnir á braut núna -þetta er slæmt - en við höfum eignast banka núna.

[haha (IP-tala skráð) 29.9.2008 kl. 11:04]

Einmitt, velrekinn þýðir fastar feitar innkomur frá íslenskum launþegum sem láta allt yfir sig ganga. En fénu var bara dælt jafnharðan út í bílhlössum í ofur launum, byrjunarsamningum og starfslokasamningum. Geta menn verið dæmdir fyrir landráð ef þeir gera aðför að krónunni eða tala niður viðskiptalífið og hvað um að að einkavæða allt og gefa bönkunum veiðileyfi á íslensku þjóðina???

[Jón Óskar Þórhallsson (IP-tala skráð) 1.10.2008 kl. 13:19]

Ég held að Þorsteinn Már og Lárus hafi skorið hressilega niður í bankanum og í raun unnið ágætlega í málum, en við erum að vakna upp við það að það dugir hreinlega ekki til.  Það þurfti að grípa inní fjármögnun félagsins og menn völdu að taka þátt í þeirri áhættu með hlutafé, en ekki lánsfé, og treysta núverandi stjórn bankans, sjálfsagt vegna þess að þeir hefðu byrjað á að opna lánalínur á sjálfa sig.  Er bara ekki komið nóg af slíku ?  Ég bara spyr...