Spurning um að hafa vinnu eða ekki

Það er nú svo sem löngu orðið tímabært að þetta uppgjör komi á íþróttahreyfinguna, og þá sérstaklega fótboltann þar sem launagreiðslur hafa oft á tíðum verið með ólíkindum hjá leikmönnum. Ég er hræddur um að öll lið þurfi að skera niður og það ríflega sum, eins verður gaman að sjá hvernig mönnum gengur að gera upp yfirstandandi tímabil. Hef enga trú á öðru en að leikmenn taki vel í þessar málaleitanir félaganna, þeir hugsa kannski til þess að flestir sem eru að safna fyrir laununum þeirra eru að gera þetta í sjálfboðavinnu og leggja dag við nótt svo að leikmenn geti fengið borguð laun fyrir að gera það sem þeim finnst skemmtilegast.

Þessi umræða á örugglega eftir að koma upp aftur í vetur og það verður gaman að sjá hvernig þetta þróast, skyldi t.d. verða ódýrara fyrir ÍBV að fá íslenskan leikmann en erlendan en oft hefur það verið svo hjá okkur að ódýrara er að fá erlenda stráka til að koma að spila en þá íslensku.

Skiptar skoðanir um launalækkun