Bíð eftir yfirlýsingu!

Frá fulltrúaráði Sjálfstæðisfélagssins í Vestmannaeyjum þar sem það fólk lýsir yfir stuðningi við Geir í þessu máli!!! Yfirlýsingar fulltrúaráðsins um daginn minntu mig á hvað það hlýtur að vera erfitt þegar að stjórnmál eru orðin að trúarbrögðum,  en snúast ekki lengur um almenna skynsemi.  Þetta lið er búið að níða skóinn af okkur Eyjamönnum og nú á að halda áfram að níðast á fólki og þá þeim sem minna mega sín í þjóðfélaginu og herða á því fólki sultarólarnar og er þetta ekki gert á sama tíma og stjórnmálaflokkar fá auknar tekjur frá ríkinu - þetta er grátbroslegt ef gert verður og segir manni í hverslags fílabeinaturni þetta lið býr.  

Gaman var líka að sjá fulltrúaráðið hér lýsa yfir fullum stuðningi við þetta lið sem nýverið tók af okkur nýjan Herjólf - frábært - ég bíð spenntur eftir að tekin verði í notkun áttæringur á milli lands og Eyja

Hvenær á svo að fara að byrja að taka til í þessari spillingu sem þarna er í kringum þetta lið allt saman hvar svo sem það stendur - þessi svör ráðamanna eru orðin grátbrosleg og í einu orð sagt barnaleg og það er oft á tíðum ótrúlegt að hugsa til þess að þetta lið er á fullum launum við að bulla svona.

Standa undir gjaldtöku

Athugasemdir

[Aldís Gunnarsdóttir, 26.12.2008 kl. 22:03]

heyr heyr.....þeir sjá algjörlega sjálfir um að ganga frá sér...og það innan frá

[Ragnar Eiríksson, 26.12.2008 kl. 23:24]

Já, það þarf að fá stuðningsyfirlýsingar sem víðast að við þessari yfirlýsingu.     Annars getið þið Vestmanneyingar alveg tekið á ykkur alla skerðinguna fyrir okkur öryrkja og aldraða, þið eruð búin að spara svo rosalega með því að kaupa ekki nýja ferju!

Í alvöru talað annars - ég vil að þið fáið ferju en er ekki svolítið erfitt að kaupa hana akkurat í ár?      Annars mundi ég alveg samþykkja að þessi 1,5 milljarður til varnarmálaskrifstofu væri settur í þetta ( það verður bara að tryggja að fólkið þar verði ekki látið fara í ferjubygginguna.).

 Hef aldrei komið til Eyja en líður samt sæmilega!

Kveðja úr Skagafirði

Ragnar

[Gísli Foster Hjartarson, 27.12.2008 kl. 10:30]

Ragnar - það tekur svolítinn tíma að fá þessa ferju og því hefði svo sannarlega mátt leggja af stað við smíði hennar. En við sjáum hvað gerist í þessum málum. Fólki getur liðið bærilega þó svo að það hafi aldrei komið til Eyja, enda erum við svo sem ekki nafli alheimsins en hér þykir mér, já og fleirum skilst mér, gott að vera og hingað eru allir velkomnir.