Ragnheiði í stað Þorgerðar....

...það verð ég að segja að persónulega myndi ég glaður vilja sjá þessar 2 skipta um stöðu innan flokksins.

Góður vinur minn sem lést af völdum krabbameins fyrir nokkrum árum þekki Geir vel og bar honum alltaf vel söguna og sagði mér að fylgjast með honum því þarna færi góður piltur og það er ein af ástæðunum fyrir því að mér hefur alltaf verið frekar hlýtt til Geirs. Ég tel þó að hann hefði átt að vera búin að sparka Þorgerði Katrínu og Árna Matt út fyrir löngu, en það er annað mál. Vona að aðgerðin á honum gangi vel og óska honum og fjölskyldu hans alls hins besta í þeirri baráttu sem þau eiga fyrir höndum.

Nú reynir á Sjálfstæðismenn og hvernig þeir ætla að takast á við að stokka upp innan flokksins og koma skútunni á flot til móts við það sem margir kalla hið nýja Ísland.

Sjálfstæðismenn í sjokki

Athugasemdir

[corvus corax, 23.1.2009 kl. 15:13]

Það væri stórsigur andstæðinga sjálfstæðisflokksins ef annað hvort af heimskustu fíflunum í sjálfstæðisflokknum yrðu gerð að formanni, Þorgerður Katrín Gunnarsdóttir eða Árni Mathiesen. Þegar Geir hættir sem formaður er farinn úr eldlínu sjálfstæðisflokksins sennilega einhver heiðarlegasti og hæfasti formaður flokksins fyrr og síðar. Versnandi pólitíska staða hans innan flokksins að undanförnu má sennilega skrifa á drenglyndi hans og hrekkleysi þar sem hann veður ekki áfram af ósvífni, frekju og ódrenglyndi eins og t.d. forveri hans, Dabbi drulluhali Oddsson sem er líklega verst innrætti formaður sjálfstæðisflokksins fyrr og síðar.

[Gunnar O. Jónasson (IP-tala skráð) 23.1.2009 kl. 15:44]

Geir er góður maður.  Sennilega alltof góður fyrir stjórnmálin. 

Ragnheiður Ríkharðsdóttir er mun betri varaformaður heldur en Þorgerður.  Þorgerður er búin að vera.   Ragnheiður er mikill skörungur og hörkudugleg.

Ég óska Geir skjóts og góðs bata.

Það sem við þurfum núna er að þjóðin standi saman sem einn maður í að koma Íslandi á réttan kjöl.  Nú ættu allir að leggja niður deilur um kosningar strax, Evru strax og ESB strax.  Nú þurfa allir að leggjast á árarnar.

[Ólafur Ingi Hrólfsson, 23.1.2009 kl. 23:12]

Gunnar - Ragnheiður er ekki varaformaður Þorgerður Katrín er varaformaður.

Hvernig má það þá vera að Ragnheiður sé betri varaformaður ??

Tek undir samstöðuhvatningu þína -

Corvus corax - eftir að hafa starfað með Geir undanfarin ár tek ég undir það sem þú segir um hann. Það er mannbætandi að fá að vera samskipa slíkum manni.

Veikur eða ekki veikur - hann ber samt af.

Ólafur I Hrólfsson