Setjum við heimsmet?

Maður veltir fyrir sér hvort að þjóðin muni ná að setja heimsmet í mótmælum þetta árið! Þessi rólega og yfirvegaða þjóð sem loksins sprakk og sprengingarnar halda áfram og lítið lát virðist á. Við ættum að geta sett mótmælaheimsmet miðað við höfðatölu - þá sígildu íslenska mælieining þegar met skulu sleginn og kassinn þaninn. 

Ég hef nú samt meiri áhyggjur, mitt í þessu sem virðist vera eitthvert mesta fjármálahneyskli Evrópu, af því að engin verði sekur um eitt né neitt og í ljós komi að allt hafi bara verið í "gúddý" þrátt fyrir að allar siðferðisreglur sem fólki eru kenndar hafi verið mölbrotnar og lög sum staðar líka. Ætli niðurstaðan að hálf yfirvalda verði ekki baa á þessa leið: Má nokkuð bjóða þér lakkrís?

Mótmælt við stjórnarmyndun

Athugasemdir

[Jón Á Grétarsson, 29.1.2009 kl. 19:37]

Vonandi að það verði hægt að dæma þetta út frá "siðferðislegu" mati þó að samkvæmt bókstafnum hafi ekki verið hægt að dæma viðkomandi.

[Gísli Foster Hjartarson, 29.1.2009 kl. 20:52]

Erum við kannski búin að dæma megnið af þessu liði út frá "siðferðislegu" mati - er það ekki, erum við ekki flest búin að því, en gremjan mun koma í ljós þegar að það verður eini dómurinn sem að margir fái og þá gætu ýmsir misst sig. Maður heyrir af fólki sem hefur tekið sitt eigið líf - ekki mikið sem betur fer - kannski dettur einhverjum í hug að það sé eina leiðin til að "ná árangri" þ.e.a.s. að ganga frá mönnum.