Klára ferilinn á heimaslóðum!!!

Það held ég að hljóti að blunda í báðum þessum peyjum að klára sinn knattspyrnuferil hjá liðinu sem að þeir hafa þjónað svona lengi og hefur reynst æði gjöfullt. Ferill Giggs er náttúrulega einn sá glæsilegast sem nokkur leikmaður getur átt hjá félagsliði, það má kannski segja að hann sé fórnarlamb þess að vera frá Wales því landslið þeirrar þjóðar hefur ekki riðið feitum hesti frá alþjóðlegum mótum nánast frá því að knattspyrnan var fundin upp, ef undan eru skilin 8 liða úrslit á HM í Svíþjóð 1958. Fyrir utan þetta landsliðsbrölt hans þá held ég að allir knattspyrnu unnendur verði að taka hatt sinn ofan fyrir honum

Giggs og Scholes fá nýja samninga

Athugasemdir

[Óskar Steinn Gestsson, 6.2.2009 kl. 13:13]

Veistu? Sama hvaða lið þú styður, þá er ekki annað hægt en að taka ofan hattinn fyrir Ferguson, hann er án efa klárasti knattspyrnustjóri sögunnar. Nú klykkir hann út með því að halda tveimur máttarstólpum liðsins, áfram þó þeir muni sjálfsagt spila minna næstu ár. Báðir leikmennirnir geta unnið leiki upp á sitt einsdæmi og með svo alla aðra í liðinu, það verður erfitt að sjá önnur lið en United hampa stóru bikurunum þessa leiktíð! Sjálfur held ég með Arsenal og vildi að við hefðum hálfan Ferguson í honum Wenger, því miður virðist Wenger mest vera fyrir unglinga og eins litla reynslu og mögulegt er. Giggs á örugglega eftir nokkur góð ár eftir í boltanum og Scholes er sterkur miðjumaður, sennilega með þeim sterkari í úrvalsdeildinni.

[Páll Geir Bjarnason, 7.2.2009 kl. 01:51]

Ferguson gerir ekkert nema drekka viský og öskra. Þetta er allt aðstoðarmönnum hans að þakka. Ferguson er bara lukkutröll, hefur enginn áttað sig á þessu enn?