Margt brallað í Eyjum...

...þessa dagana.

Gott að það er einhver drift í samfélaginu, gaman að sjá að bærinn er að reyna að vera í fararbroddi, kreppan er ekki komin af fullum þunga hingað en ég hef ekki áhyggjur af því að hún líti ekki við, spurningin er bara í hvaða mæli það verður en bærinn er að reyna að spyrna við því, sem er vel á margan hátt.  Sjávarútvegurinn í landinu er skuldsettur og breytingar á afurðaverði og öðru munu hafa áhrif þar á næstunni og það gæti haft slæm áhrif hér í Eyjum, ég reyndar veit ekki heildarstöðu útgerðarinnar í Eyjum en reikna með að hún sé ögn skárri en víða annarsstaðar - en geri ráð fyrir því að samt sem áður megi menn ekki við miklum skakkaföllum á þeim bænum, og þá erum við ekki í góðum málum..

Athyglsivert er að menn virðast ætla að ná að fá út þá peninga semá sínum tíma var lofað í menningarhús en menn hafa ekki getað komist að niðurstöðu varðandi þessa byggingu. Skondið líka að ríkið skuli vera að dreifa þessum peningum núna þegar ríkiskassinn er galtómur, en okkur var veitt vilyrði fyrir þessum peningum á sínum tíma, eins og áður sagði.

En þá er það nýr Herjólfur, sem er nú sennilega mun mikilvægara málefni en menningarhús á þessum tímapunkti, hvað ætlar ríkið að gera varðandi það? Ætli afstaðan breytist með breyttri ríkisstjórn, hin var búin að frysta þær væntingar sem að menn höfðu um nýtt skip.

 

Eyjamenn reisa menningarhús

Athugasemdir

[Stefán Þór Steindórsson, 10.2.2009 kl. 22:12]

Hvað með að byggja nýjann Herjólf sem þjónar svo bænum sem menningarhús þegar hann er bundinn við bryggju. Ég tel að við getum falið nýjan Herjólf undir þvíumlíkri reddingu....

Annars verð ég nú að kanna þetta menningarhús betur enda er ég með ákveðnar hugmyndir um þessa framkvæmd.

[Gísli Foster Hjartarson, 10.2.2009 kl. 22:21]

Sæll Stebbi minn

He he líkar þessi hugmynd, en hef ekki lagst mikið yfir hinar hugmyndirnar varðandi þetta hús, er miklu meira fyrir Eldheima verkefnið enda í nefndinni þar, enn.  En það er klárlega kominn tími á einhverjar framkvæmdir varðandi ýmsa svona hluti í bæjarfélaginu eins og t.d. í sambandi við Náttúrugripasafnið.  Er alltaf tilbúinn að sjá frá þér hugmyndir varðandi hina og þessa hluti. Þætti t.d. vænt um það ef að þú gætir komið með teikningu af nýrri stúku við Hásteinsvöll og látið fylgja því framkvæmda og kostnaðaráætlun - sendir reikninginn svo bara á bæinn!!!