Erfitt að semja um eitthvað....

...sem ekki er til!!! Þessir flokkar hafa nú ekki sigrað neinar kosningar en sem komið er og engin veit hvaða atkvæðamagn þeir fá, ef nokkuð!!! - segi svona.

EN þessi umræða segir mér bara allt um það hvað er að gerast í samfélaginu - það er engin áhugi á að leysa hin raunverulegu vandamál sem við er að glíma þessa dagana það virðast allir vera komnir í einhverjar kosningapælingar og hvað gerist eftir þær - bull er þetta

Það sér hver heilvita maður hvert verkefnið verður eftir kosningar - einfaldlega það sama og það er núna að rembast við að rétta af þjóðarskútuna. Fannst skondið að sirka þrem dögum eftir að ríkisstjórnin sprakk þá kom Geir H Haarde fram og sagði að efnahagsástandið væri ekki slæmt og menn vildu vera láta - hverslags bull er það eiginlega - hver batt eiginlega fyrir augun á honum?  Ekki skánar ástandið á skútunni núna á næstunni ef að t.d. afurðaverð fyrir sjávarafurðir á erlendum mörkuðum heldur áfram að lækka - hvernig ætlar skuldsettasta atvinnugrein landsins að takast á við það? - og í framhaldi af því þjóðarbúið?  Auðvitað eigum við að vera bjartsýn - hjól atvinnulífsins hérna í Eyjum t.d. snúast en, en hversu lengi í viðbót ef að það fer að þyngjast róðurinn hjá sjávarútveginum? Bjartsýni er allra góðra gjalda verð en raunsæi er það sem mun skila okkur íhöfn á endanum.

Mér finnst stundum eins og fólk á hinu háa Alþingi gleymi að það er búið að skuldsetja það eins og okkur hin og það sem bitnar á okkur hinum mun á endanum bitna á þeim sjálfum - fílabeinsturninn mun gefa sig.

Skilaboðin frá megin þorra þjóðarinnar eru skýr endurnýjun er nauðsynleg á Alþingi - Össur þarf að skoða sinn gang líka - skilaboðin til framtíðar þingmanna hljóta að eiga að vera þau að ef að þú stendur þig ekki þá mun þjóðin sjá til þess að þú starfið ekki í umboði hennar lengur - þetta fólk sem hefur setið þarna og margt hvert æði lengi þarf að skoða sig og sínar gjörðir ofan í kjölin - gagnrýnum augun - mörg munu þau þá sjá ljósið ef að svo má að orði komast.

Ekki verið samið um framhald