Einleikur....

...það verð ég að segja þessum frábæra leikmanni Gerard til hróss að það er stundum eins og um einleik sé að ræða þegar maður horfir á Liverpool spila - hann einhvern veginn er allt í öllu og rúmlega það er uppi um alla veggi og ég veit ekki hvað, held að það væri meira að segja hægt að selja manni að hann seldi leikskrár í stúkunni fyrir leik svo mikilvægur er hann Rauða hernum. Held að engin geti í raun sekkt sig á því ef að hann verður kosinn leikmaður ársins slíkt er mikilvægi þessa pilts.

Hins vegar get ég alveg sagt fyrir mig að ég myndi ekki gráta á koddann ef að meistari Ryan Giggs yrði kosinn leikmaður ársins, því þarna er á ferðinni einn magnaðasti leikmaðurinn í sögu ensku knattspyrnunnar, já ég geng svo langt, stórkostlegur leikmaður, og fyrirmynd fyrir ungu kynslóðina, en það er svo sem ekki nóg að vera fyrirmynd það er dæmt eftir afrekum á vellinum.  Ætli tveir geti hreppt titilinn?

Benítez segir Gerrard leikmann ársins

Athugasemdir

[Nonninn (IP-tala skráð) 26.3.2009 kl. 17:05]

Ég yrði meira en sár ef Vidic yrði ekki kosinn leikmaður ársins enda er hann búinn að vera stórkostlegur í nánast öllum leikjunum nema á móti Liverpool á Old Trafford. Því miður verður að segjast alveg eins og er að fólk sér einfaldlega ekki, sem horfir á ensku knattspyrnuna, hvað varnarleikur skiptir miklu máli. Ekki nóg með að Vidic hafi verið stórkostlegur í vörn á þessari leiktíð þá hefur hann skorað nokkur mörk og mörg af þeim mikilvæg. En ef að varnarmaður gerir mistök taka allir eftir því enda leiðir það oftast til þess að mótherjarnir skora eða fá dauðafæri. En miðjumenn og sóknarmenn mega klúðra heilu leikjunum án þess að nokkur taki mikið eftir því. Þess vegna myndi ég velja Vidic og vona svo sannarlega að hann vinni þennan titil. Þegar maður heldur hreinu er nóg að skora eitt mark, gefur augaleið en má svo sannarlega minnast á það oftar en einu sinni. Áfram Man Utd!

[Gísli Foster Hjartarson, 26.3.2009 kl. 18:01]

Víst hefur Vidic staðið sig vel, rétt eins og vörn liðsins. Aldrei skal vanmeta öfluga varnarmenn rétt er það. Ég held bara að valið verði pólitískt og því verði annar þessara tveggja sem að ég nefndi valinn, Vidic hefur ekki verið lakari en Giggs, sennilegast betri ef eitthvað er í vetur - hef bara ekki séð mikinn fjölda af leikjum liðsins til að vera fullkomlega dómbær á það - en þetta er kannski meira svona tilfinnngalegt með að velja Giggs.  Ég get ekki greitt atkvæði í valinu - he he - en giska á Gerrard sem sigurvegara.