Skandall

Ekkert meira um þetta að segja

Trulli og Glock dæmdir úr leik

Athugasemdir

[Jón Garðar (IP-tala skráð) 28.3.2009 kl. 13:19]

Þeir voru sem sagt ekki dæmdir úr leik eins og blaðamannsfíflið segir í fyrirsögn heldur dæmdir til refsingar og gert að færast í síðustu 2 sætin.

[Sverrir Einarsson, 28.3.2009 kl. 15:13]

Gísli : Ég sé ekki skandalinn, þeir gátu bara notað harðara efni, sem þolir vind.

Jón Garðar : Er þetta ekki í fyrsta skipti sem þetta gerist hér á Mbl.is, að fyrirsögn og frétt passa ekki saman?

Mér finnst að Mbl.is ætti nú að færa sig skör upp á bekkinn og ráða fólk sem er komið á þann aldur að því finnist "smáatriðin" skipta máli, meira en að vera fljótastur að koma fréttinni á netið (réttri eða rangri).

[Ágúst Ásgeirsson, 28.3.2009 kl. 17:00]

Má ég biðja Jón Garðar og Sverri að kynna sér málið ögn betur áður en þeir kalla mig fífl o.s.frv. Reyndar kippi ég mér ekki upp við það, enda við aldur og verið blaðamaður í 33 ár!

Það má sosum hafa fleiri orð yfir örlög Toyotamanna. Til dæmis "útskúfaðir úr tímatökunum" eða "árangurinn ógiltur" eða eitthvað álíka. Þeir teljast faktískt ekki með. Dómararnir refsuðu þeim með útskúfun og því má alveg nota mannamál og segja að þeir hafi verið dæmdir úr leik í tímatökunum. Það var það sem gerðist! Punktur og basta.

Samkvæmt reglum fá þeir að vera með á morgun en verða byrja aftast. Hefði átt að leyfa þeim að keppa???

Reyndar fá þeir það væntanlega ekki takist liðinu ekki að gera vængbitana nógu stífa fyrir morgundaginn.

Já, og Sverrir. Það er skörin sem færist upp í bekkinn, samkvæmt máltækinu, þegar  keyrt þykir úr hófi fram. Það færir sig enginn "skör upp á bekkinn" . . . 

Mér þykja þessi örlög Toyota miður þvi ég held mikið upp á liðið og heimsótt m.a. hina miklu bílsmiðju þess í Köln.

[Einar Steinsson, 28.3.2009 kl. 18:15]

Ágúst er ekki einn um að nota þetta orðalag, víða í erlendum miðlum er talað um "disqualification" eða "thrown out of qualifying" og það er ekkert annað en brottrekstur. Þessi brottrekstur gildir hins vegar bara í tímatökunum ekki keppninni. En væntanlega gildir það sama í keppninni ef þeir laga ekki vænginn.

[Sverrir Einarsson, 28.3.2009 kl. 19:40]

Eigi veit ég það svo gjörla Ágúst, en hitt veit ég að af tók fót um öxl!!!

Rétt er það að skörin færist upp á bekkinn. Það sem ég átti við er að MOGGINN ætti að færa skörina sína upp á bekkinn. Illa orðað rétt, enda ætla ég ekki Ágúst að deila við þig um rithátt. Hitt er annað mál ég var að "fletta" Mbl.is og sá þessa fyrirsögn, vitandi það að formúlan er að byrja, fylgist ekki svo mikið með hvort það eru æfingar, tímataka eða annað og með það bak við eyrað fór ég að lesa hvort þeim væri meinuð þátttaka. Ekki það að ég sé sérstakur aðdáandi þeirra, þá vil ég hafa Toyota liðið með því mér persónulega (mitt sér álit) hefur fundist þetta lið alltaf hafa verið að vaxa undafarnar keppnir. Vont hefði mér þótt að þeir fengju ekki að taka þátt þó þeir séu aftastir þá eru þeir þó með. Meira segja "minn maður" fær að vera með ég hélt á tímabili þegar ég var að hlaupa yfir fréttina að hann væri bara ekki með (Hammilton er minn keppandi) Mitt lið er hins vegar Ferrari liðið, skrítið finnst einhverjum en svona er þetta nú samt. (vona bara að hann gangi í rétt lið sem fyrst).

Hvað varðar fyrirsagnir og innihald frétta á Mbl.is, þá finnst mér OF oft áberandi missögn þar. Sem oft eru leiðréttar seinna þegar farið er að gera grín að þeim t.d. á blogginu eða einhver sendir póst á blaðamann og bendir honum á. Annars gæti ég tekið langa umræðu með dæmum um það en læt hér staðar numið.

Annars er ég bara býsna góður og bið að heilsa Pétri hjólakappa bróður þínum.