Fyrirgreiðslupólitíkusinn

Guðlaugur Þór hlýtur að íhuga stöðu sína nú - reynir á siðferði kappans -  var hann ekki að segja okkur í gær að hann vissi ekkert um málið og væri ekkert inni í fjármálum flokksins - ég veit ekki en hann er farinn að líta út eins og pappakassi blessaður drengurinn?  - fréttin hér að neðan er af visir.is í gær

Guðlaugur Þór: Ekki inn í fjármálum flokksins

Guðlaugur Þór Þórðarson var formaður stjórnar Orkuveitu Reykjavíkur þegar FL Group styrkti flokkinn um 30 milljónir.

„Ég er ekki inn í fjármálum flokksins," segir Guðlaugur Þór Þórðarson, þingmaður Sjálfstæðisflokksins varðandi þrjátíu milljóna króna styrk sem FL Group veitti Sjálfstæðisflokknumi lok desember 2006.

Þá var Guðlaugur Þór formaður stjórnar Orkuveitu Reykjavíkur en FL Group í félagi við Glitni og verkfræðistofuna VKG-Hönnun, stofnuðu Geysi Green Energy í byrjun árs 2007, sem ætlað var að fjárfesta í verkefnum tengdum sjálfbærri orkuframleiðslu víða um heim.

GGE varð síðan mikill örlagavaldur þegar þeir urðu hluti af REI-málinu umdeilda sem felldi að lokum borgarstjórn Sjálfstæðisflokks og Framsóknar.

Guðlaugur segist ekki hafa vitað af styrknum þegar hann var veittur flokknum, hann hafi legið á spítala með brunasár á sama tíma, „líkt og alþjóð veit," bætir Guðlaugur við.

Aðspurður nákvæmlega hvenær hann vissi af styrknum svarar Guðlaugur: „Ég man ekki hvort það hafi verið í gær eða nokkrum dögum áður."

Síðan bætti Guðlaugur við að hann væri ekki með puttana í bókhaldi flokksins, þingmönnum hafi hingað til verið hlíft við því.  

 

Guðlaugur Þór hafði forgöngu um styrkina

Athugasemdir

[víðáttu vitleysingur? (IP-tala skráð) 9.4.2009 kl. 10:01]

Almáttugur hvað þessir stjórnmalamenn eru aftarlega á merinni. það er eins og þeir haldi að ennþá sér árið 1801 þegar tæknin bauð ekki upp á upptökur og endurspilanir orðrétt á öllu sem þeir segja. Eða halda þeir að allir íslendingar séu víðáttu vitleysingar með stokkhólmssyndrom.