Ja hérna hér ....eða hvað

Ekki eru þetta nú úrslit kosninganna. Ég veit að fylgi Sjálfstæðisflokksins er því sem næst múslimatrúarbrögð í þessu kjördæmi, allavega í mínu bæjarfélagi, og því er ég kannski ekkert hissa á því en ég er alveg gáttaður á því hvað flokkur með Björgvin G Sigurðsson, ex-bankamálaráðherra, í fyrsta sæti,  sem by the way hefur ekki sést í baráttunni - og hefur því væntanlega ekkert fram að færa, skorar hátt.

Það er ekki að sjá á þessum tölum að þjóðarskútan sé strand í Þykkvabæjarfjörunni og alls óvíst hverju af farminum tekst að bjarga, mikið af honum er reyndar þegar farið í sjóinn, ekki nóg með það heldur var búið að gefa það sem verðmætast var áður en að þeir sem voru undir áhrifum sigldu skútunni í strand - það er klárlega aukaatriði -

Það ber líka að hafa í huga að þessi kreppa hefur ekki skollið eins harkalega á Eyjum t.d. eins og hún hefur gert á Suðvesturhorninu en það kemur - þó höggið verði kannski ekki eins slæmt enda voru ekki margir sem gjörsamlega misstu sig hér um slóðir. En Reykjanesið er inni í þessu þar er mikið atvinnuleysi og þar vill mikið af fólki álver og styður því bláa liðið, fólk getur ekki horft framhjá því heldur.

En þetta er bara könnun það verður forvitnilegt fyrir áhugasama að sjá hvað kemur upp úr kössunum aðfararnótt sunnudags, öðrum er væntanlega slétt sama.

Hræðsluáróðurinn er í hámarki núna og það er varla orðið farandi inn á síður eins og Facebbok fyrir skeytasendingum, aðallega frá Íhaldinu. Svo ramt kveður af þessu að ég er búin að fela marga vini mína fram yfir kosningar þar sem lítið annað kemur frá þeim en áróður - he he - opna fyrir þá aftur á sunnudag......

D og S listi stærstir

Athugasemdir

[Sigurður Þorsteinsson, 20.4.2009 kl. 17:01]

Sæll Gísli

Finnst þér ekki vanta uppá að stjórnmálaflokkarnir upplýsi okkur um hvaða leiðir það sér til þess að koma þjóðarskútunni af standstað? Ef við ætlum ekki að hefjast handa,  getur það orðið of seint að hefja björgunaraðgerðir. Vel á minnst, mig grunar að með því að setja stórgrýti í lestarnar, með 15,5% stýrivöxtum, sé ekki rétta leiðin.

[Gísli Foster Hjartarson, 20.4.2009 kl. 17:09]

Sæll Sigurður

Ég er alveg sammála þér það hefur ekki mikið borið á alvöru lausnum hjá flokkunum og því er margt fólk alveg óákveðið, eða heldur sig bara við sitt "gamla góða" -alveg sama hvaða flokkur á í hlut.  EN það virðist samt vera í þessu kjördæmi eins og víða annarsstaðar að Vinstri Grænir styrkjast.

[Sigurður (IP-tala skráð) 20.4.2009 kl. 17:44]

Sæll

Ég verð að segja eins og er. Ég var ekki Sjálfstæðismaður fyrir bankahrunið og hef aldrei kosið Sjálfstæðisflokkinn.

Hins vegar finnst mér eini flokkurinn sem er með viti í dag vera Sjálfstæðisflokkurinn. Mér þykir það leitt að þurfa að segja þetta en Sjálfstæðisflokkurinn er bara eini flokkurinn sem er með frambærilegan leiðtoga og er ekki að boða skattahækkanir út um allar tryssur. Ég bara trúi því ekki að Íslendingar vilji hærri skatta.

Ég er með mínar föstu tekjur á mánuði. Eftir hrunið náum við hjónin rétt svo endum saman. Næ að borga að bílnum, húsinu og get keypt í matinn. Meira get ég ekki leyft mér. Ef að það á að fara að skerða launin mín enn meira með meiri skattheimtu þá sé heimilisbókhaldið bara ekki ganga upp. :(

Svo var Sjálfstæðisflokkurinn sá sem harðast stóð að baki því að Helguvíkurálverið verði reist og svo framvegis.

Ég verð bara að segja eins og er. Eins lítill Sjálfstæðismaður og ég er þá verð ég nú samt að setja X við D. Þetta er eini flokkurinn sem boðar alvöru atvinnusköpun, ekki bótavinnu á vegum ríkisins, og ekki skattahækkanir.

Kv. Sigurður

[Gísli Foster Hjartarson, 20.4.2009 kl. 18:48]

Skil þína afstöðu vel Sigurður - það verður hver og einn að vega og meta þetta út frá eigin forsendum, og allt er skárra í mínum huga en að kjósa sömu gömlu blikkdósina aftur og aftur alveg sama hvað er í boði.

Það sem að ég hræðist mest af öllu er að það er ekki en búið að segja okkur alla söguna og að staðan verður verri en okkur er sagt þegar uppi verður staðið - og þar eru allir flokkar janfslæmir ef að þú spyrð mig.