Útgönguspár benda til.....

....að niðurstaðan verði þessi

Samfylking 18 menn, Vinstri Grænir 18 menn, Sjálfstæðisflokkurinn 17, Framsókn 6 Borgaraflokkurinn 4.

Þó mér sé ekki vel við það þá er ég hræddur um að Frjálslyndir þurrkist útaf landakortinu. Ný ríkisstjórn verður síðan mynduð af Sjálfstæðisflokki og Vinstri grænum og mesta grýla íhaldsins ever Steingrímur Joð verður forsætisráðherra. Þessi staða yrði náttúruelga kostuleg því íhaldið er búið að eyða þvílíku púðri í að reyna að tala Steingrím Joð og hans fólk útaf borðinu.

Ef þetta verður niðurstaðan, þá held ég að fólk þurfi ekkert að vera að velta fyrir sér Evrópusambandinu heldur miklu frekar að sultarólarnar verði hertar til muna næstu 5-6 árin til þess eins að sjá til sólar!!!

Þetta eru nú bara svona vangavelltur en það verð ég að segja að þó ég geti aldrei hugsað mér að kjósa lista þar sem að Björgvin G er, þá tel ég það glapræði ef að þjóðin ætlar ekki að láta reyna á hverslags samningi við náum við ESB - það er auðveldasta leiðin út úr þessum ógöngum ef að einhver samningsstaða næst.  Við Eyjamenn höldum stunum í umræðunni við aðra Íslendinga að við séum nafli alheimsins, rétt eins og Íslendingar halda stundum að þeir séu nafli laheimsins og bestir og mestir en hvoru tveggja er kolrangt og það er í raun öllum slétt sama um okkur og því er ekki víst að við náum glæsilegri samningsstöðu en það vitum við samt ekki fyrr en á það reynir.

Nú er bara að bíða og sjá hvað setur.