Ég ekki fatta.......

Hvað er svona mikið issue þetta EB-dæmi. Er þjóðin í svona góðri stöðu? Hvað er að því að skoða hvað er í boði og leggja það svo í dóm þjóðarinnar hvort hún vill samþykkja samningsdrögin sem koma út úr viðræðunum - maður getur ekki bara skellt öllum hurðum fyrirfram. Ögmundur talaði í dag um lýðræði og að þjóðin skyldi ráða, ætli það sé útaf borðinu núna? Alveg óskaplegur tepru skapur í kringum þessa umræðu, það er ekki eins og þetta sé mál númer eitt, þjóðarskútan er strand og það hlýtur að vera númer 1 að koma henni á flot. Menn þurfa ekki að láta sig dreyma um að fá aðildarviðræður, já eða samning sem eitthvað er spunnið í ef út í það er farið ef að menn eru með allt niður um sig á víðavangi.

Klárið nú þessar viðræður eða hleypið öðrum að og í guðanna bænum berið gæfu til að hafa ráðherra í stjórninni sem ekki sitja á alþingi.

Í Guðs bænum lyftið þessu á hærra plan.

Elítan vill í ESB

Athugasemdir

[Róbert Viðar Bjarnason, 26.4.2009 kl. 22:15]

Hér er ágætis yfirlit, þó ekki frá óháðum aðila, um hvað umsóknarferlið snýst.  Þetta er engar venjulegar "viðræður" heldur verður maður að vera nokkuð viss um að maður vilji inn áður en farið er af stað í þessa vegferð...

http://eyjan.is/goto/kristjan/

Það á alveg eftir að kynna ESB fyrir þjóðinni, síðan ætti að hafa upplýstar umræður um samningsmarkmið og vonandi þjóðaratkvæðagreiðslu áður en sótt er um aðild.  Ef þetta er ekki gert er mikil hætta á því að mjög mikil orka okkar litla stjórnkerfis fari í þessa aðildarumsókn næstu 1-3 árin.  Og hvað gerist síðan ef þjóðin fellir samning?

[Ólafur Tryggvason Þorsteinsson, 26.4.2009 kl. 22:16]

Að mínu viti er afstaða framsóknar sú skynsamlegasta. Setjum á blað hvað er það sem við viljum ekki gefa eftir með neinu móti. Alls ekki. Þegar það er klárt skulum við fara til Brussel og ræða málin. Ef ljóst er að við munum ekki fá þetta lágmark er allt eins gott að pakka saman og fara heim. Aðal atriðið er að láta viðræðurnar ekki taka of langan tíma vegna þess að á meðan þær eru í gangi mun ekkert vitrænt verða gert í endurreisninni á Íslandi. Við verðum föst í einhverjum biðhring bíðandi eftir björgun frá Brussel.

[Gísli Foster Hjartarson, 26.4.2009 kl. 22:56]

Ég hefði haldið Ólafur að skynsamir menn settu eþtta niður fyrir sig áður en þeir legðu af stað, er ég kannski að ætla mönnum of mikið? er þeim ekki treystandi

Róbert umræðan um ESB hefur verið til skammar miðað við það sem er í húfi - sjónvarpsstöðvarnar hafa ekki einu sinni gert alvöru þætti eða haft umræður um þetta til að koma fólki inn í málin - Mogginn reyndar með ágætis umfjöllun, en betur má ef duga skal