Ég veit ekki en....

....stundum finnst mér eins og fólk sé bara að bíða eftir því að tekin verði upp blýantur og strikað yfir eitthvað af skuldunum hjá fólki!!! Eins og það sé líklegt.

Auðvitað er staðan víða slæm, jafnvel skelfileg, en það er vonandi að þessar aðgerðir sem hafa verið boðaðar og boðið er upp á hjálpi sem flestum að halda sínu og að þeir sem eru í vandræðum banki upp á hjá þeim sem eiga að hjálpa til við að leysa vandann og láti heyra í sér.

Aðgerðirnar eru taldar duga flestum

Athugasemdir

[Skaz, 9.5.2009 kl. 19:43]

Ég held að flestir séu að bíða líka eftir einhverjum svona aðgerðum svo að fleiri þurfi ekki að fara þessa leið. Landið er í einhverskonar lágdeyðu þar sem hlutirnir batna ekki, fólk eyðir sparifé og séreignarsparnaði í von um að ástandið fari að batna og að erfiðasti hjallinn sé búinn.

En þessi hjalli er bara engan endi að taka og bráðum verður spariféð og séreignarsparnaðurinn búinn...hvað tekur við þá? Fara allir í gegnum greiðslujöfnun og þann pakka? Er það raunhæft að allt landið verði í einhverskonar nauðasamningum við ríkisbankanna eða skuldaeigenda sína?

Í alvöru þetta gengur ekki lengur, það þarf óhefðbundna lausn á þessu óhefðbundna vandamáli og hætta að reyna að troða þessum vanda í einhverskonar módel sem hann passar ekki í, enda er þetta ólíkt öllu sem okkar kerfi hefur nokkurn tímann tekist á við. Kerfislausnir virka ekki.

[assa (IP-tala skráð) 9.5.2009 kl. 19:47]

Ég er búin að banka uppá, verður gaman að sjá hvort þeir komi til móts við mig. Ég fór fram á frystingu lána, komin vika síðan og hef ekkert heyrt enn....Ég hef staðið í skilum í 100 ár, borgað alla mögulega verðtryggingu og okurvexti, en nú þarf ég á að halda biðstöðu með þetta.....verður forvitnilegt að sjá hvort þeir neyði mig til að enda í ölmusubiðröðinni hjá Jóhönnu......

[Hörður Einarsson, 10.5.2009 kl. 00:10]

Útgreiðsla séreignarlífeyrissparnaðar og fleira, ættu að duga flestum til að komast yfir erfiðasta hjallann, að mati Hrannars B. Arnarssonar, aðstoðarmanns forsætisráðherra.

Hann ætti kanski að kenna okkur hvernig á að komast hjá því að greiða virðisaukaskatt, og komast upp með það.