Er að verða alveg.....

...eins og Villi vasaklútur - karlgreyið gerir ekkert nema að væla í hvert sinn er hann kemur fram, í einu skiptin sem að svo er ekki er þegar að hann sér að hann geti makað krókinn sjálfur. Það er í góðu lagi að skoða þetta kerfi og sjá hvort ekki er hægt að bæta það. Hann ætti að prófa að reka fyrirtæki í annari grein en sjávarútvegi. Það er kominn tími á nýjan talsmann fyrir LÍÚ einn sem hefur búið á meðal almennings í landinu.

Ekki hyggindi að slátra mjólkurkúnni

Athugasemdir

[Einar Solheim, 10.5.2009 kl. 21:43]

Talsmaður LÍÚ getur aldrei gert annað en talað fyrir sérhagsmunum gegn almannahagsmunum. Hagsmunir LÍÚ og almennings fara einfaldlega ekki saman og er því sorglegt hvernig LÍÚ hefur náð að setja samansem merki hjá þjóðinni á milli stöðu sjávarútvegs og velferð aðildarfélaga LÍÚ. Þegar þeir segja "rústa sjávarútveginum", þá trúir fólk því að verið sé að rústa sjávarútveginum, en ekki bara að gera eitthvað á kostnað þeirra fyrirtækja sem í dag eru að auðgast á því sem þeir vilja meina að sé varanleg eign á veiðiheimildum.

[Guðmundur (IP-tala skráð) 10.5.2009 kl. 23:24]

Já hann verður nú að geta lætt fram nokkrum krókódílatárum líkt og forveri hans Kristján Ragnarsson. Sá gat nú aldeildis spilað með bæði þjóð og ráðamenn þegar hann var í forsvari fyrir LÍÚ. En að sjálfsögðu verða þeir að vinna fyrir sína umbjóðendur og það þýðir að halda verður fram stóryrtum yfirlýsingum um ágæti kerfisins eins og það er í dag. Búið að afhenda fáum mönnum kvótann, afhenda mönnum heimildir til að veðsetja kvótann, leyfa frjálst framsal og sölu á kvóta sem hefur keyrt verðið upp í skýjahæðir og þeir sem tóku lán til að kaupa kvóta munu líklega aldrei nokkurn tímann geta greitt það til baka, þrátt fyrir yfirlýsingar LÍÚ um nauðsyn þessara aðgerða til að hagræða í útgerðinni.