Hver er í raun staða íslenskrar knattspyrnu?

Þetta er svakalegur rassskellur, það er ekkert flóknara en það. Við erum að tala um að Fimleikafélagið var á heimavelli, liðið sem er með yfirburðastöðu í íslensku deildinni.

Keflavík átti ekki séns gegn Maltverjum, Kasakkarnir rassskella Íslandsmeistarana, Framarar komust jú áfram á móti liði frá Wales,KR-ingar taka á móti frændum Zorba á morgun - hvað ætli þeir geri á heimaveli.

Ég í raun og veru velti bara fyrir mér hver staða boltans er á alþjóðagrundvelli í dag, mér finnst eins og við förum neðar og neðar eftir því sem árin líða, sem er döpur staðreyns þegar öll umgjörð hefur verið aukin í boltanum, ekki vantar kröfurnar úr Laugardalnum, og laun leikmanna hafa hækkað verulega á síðustu árum - fyrir hvað eru félögin að borga?

Þurfum við að fara að skoða þetta allt frá byrjun á ný bæði séð út frá félögum og sambandinu sem og þjálfun?

Athugum að við erum skráðir í 94 sæti á heimslistanum í maí en Kasakkarnir í 137 sæti, þeir eru 7 lélegasta þjóð Evrópu samkvæmt listanum

FH-ingar teknir í kennslustund í forkeppni Meistaradeildar

Athugasemdir

[Friðrik Friðriksson, 15.7.2009 kl. 22:03]

Eg var einmitt að hugsa um það sama,þvílík niðurlæging var þetta og það á heimavelli!

[Einare (IP-tala skráð) 15.7.2009 kl. 22:50]

Tek undir þessi sjónarmið. Íslensk knattspyrna er einfaldlega á mjög lágum standard.

Ef menn skoða úrslit í bikarkeppni KSÍ þá má sjá að lið í úrvalsdeild og 1.deild voru að merja sigur á firmaliðum í 3.deild. Það sem skildi liðin af var að liðin í efri deildunum voru að vinna þessa leiki á síðustu mín. þar sem þau voru í betra formi. Sjáum Íslandsmeistarana vinna rétt 3-0 sigur á utandeildarliðinu Carl!!!. 

Held að lið í úrvalsdeild ættu að hætta borga þessum wannabe atvinnumönnum í efstu deild og 1. deild peninga fyrir að vera spila fótbolta með liðum sínum og láta frekar peningana renna í uppbyggingu yngri flokka. Ef menn þurfa endilega að fá peninga fyrir að spila fótbolta þá geta þeir reynt fyrir sér erlendis, á Íslandi eiga menn að vera í þessu til að hafa gaman að þessu.

[Úlfur Karlsson (IP-tala skráð) 15.7.2009 kl. 23:03]

Ok,þessi úrslit voru með öllu óásættanleg.Ég verð þó að viðurkenna að það hlakkar aðeins í mér við það að sjá fh inganna flengda svona.Sveo mér þá ef blái risinnn sé þó ekki að vakna við og þá á ég auvitað við FRAM.

[Sigurvin (IP-tala skráð) 15.7.2009 kl. 23:33]

Miðað við úrslitin í þessum evrópuleikjum hefur íslenskur fótbolti sennilega aldrei staðið veikari fótum. Eina liðið sem kemst áfram var Fram, á móti liði frá Wales - nota bene bestu liðin í Wales spila í Ensku deildinni og hafa sjaldan verið mikil fyrirstaða fyrir íslensk lið. Og sigurinn úti hefði auðveldlega geta lent hinu megin miðað við umfjallanir um leikinn. Svo eiga menn ekki breik í Maltneskt og Kasakst lið, sem fyrirfram ætti að vera 50/50 dæmi.

Spurning hvort íslensku liðin séu ekki bara að súpa seiðið af útrás íslenskra knattspyrnumanna undanfarin ár - án þess að maður sé að halda því fram að landsliðið standi eitthvað betur.

[FH -ingur (IP-tala skráð) 16.7.2009 kl. 00:02]

Þrátt fyrir þessi úrslit má ekki gleyma því að FH hefur gert mikið fyrir íslenskan fótbolta síðustu ár, hefur náð lengst allra íslenskra liða í Evrópukeppninni hingað til sem kemur íslensku liðinum í betri styrkleikaflokk þannig að þau eru ekki að mæta allra lélegstu liðunum í fyrstu umferð eins og liðum frá Færeyjum. Enda byrjar FH í 2. umferð forkeppninnar.

[Einar (IP-tala skráð) 16.7.2009 kl. 12:59]

sammála sem þarna er skrifað. Íslenska knattspyrnan er á ansi lágum standard.

 Gleymum samt ekki einu...um leið og leikmenn fara að geta eitthvað þá eru þeir farnir í aðrar deildir í Evrópu. Svo koma þeir oft heim í restina svona eins og fílarnir þegar þér fara á fæðingarstaðina til að deyja.

Landsliðið hjá Kökkunum er mun neðar en okkar en ætli það sé ekki mun hærra hlutfall leikmanna þar sem spila í heimalandinu sínu. Íslenska landsliðið væri nú ekki veglegt ef við myndum bara velja úr strákunum sem eru hérna heima, án þess að ég sé eitthvað að drulla yfir þá.