Suddaleg viðureign

Það verður eitthvað þegar Celtic og Arsenal leiða saman fáka sína í baráttunni um sæti í riðlakeppni Meistaradeildarinnar. Það verður væntanelga stríðsástand á landamærum Skotlands og Englands yfir þessari viðureign. Hef nú þá trú að Arsenal ætti að hafa þetta, en mér finnst samt eins og það sé einhver losarabragur á umgjörð liðsins og það gæti orðið þeim til trafala svona snemma á tímabilinu. Skoski boltinn bíður eftir tækifæri til þess að sýna að hann sé skör ofar þeim íslenska og því verður öllu tjaldað og svei mér þa ef hörðustu Rangers aðdáendur munu ekki halda með Celtic í þessum leik bara til að geta ullað á ensku úrvalsdeildina í 5 mínútur. 

Arsenal mætir Celtic í Meistaradeildinni

Athugasemdir

[Siggi (IP-tala skráð) 7.8.2009 kl. 12:08]

Ég stórlega efast um að einver Rangers maður muni halda með Celtic.

Ekki útaf rígnum, heldur vegna sambands Rangers og Arsenal. Rangers er eina liðið sem á hlut í Arsenal, að vísu ekki nema 1,5% en þetta er hlutur sem Arsenal gaf Rangers þegar þeir voru í fjárhagsörðugleikum.

Bæði þegar farið er á leiki með Rangers og Arsenal þá er hægt að fá tugi tegunda af barmmerkjum þegar sem búið er að sjóða saman Rangers og Arsenal lógóið.

Það eru ennþá fullt af fólki sem tala um Arsenal og Rangers sem bræður. Bara mismunandi hvoru megin við landamærin þú ert hvor er stóri bróðurinn.

[Júlli Inga (IP-tala skráð) 7.8.2009 kl. 12:57]

Ég ætlaði einmitt að kommenta á þetta samband milli Rangers og Arsenal en sú saga nær langt aftur á síðustu öld og hefur haldist síðan þá.  Held að Rangers aðdáendur komi frekar til með að flykkjast á bak við bræður sína í suðri en að standa með svörnum óvini sínum í Glasgow borg.  Sjálfur var ég reyndar alltaf veikari fyrir Celtic, veit ekki af hverju...

[Þorkell Sigurjónsson, 7.8.2009 kl. 13:30]

Sæll Gilli.  Við sem dáum Arsenal viljum audvitad fá thá áfram í, Meistaradeildinni.  Kvedja frá Sveden.

[Gísli Foster Hjartarson, 7.8.2009 kl. 13:55]

Nei strákar ég er ekki viss þó tengslin séu vissulega sterk, spurningin snýst líka um að skosku liðin sýni að þau hafi eitthvað fram að færa því þau dreymir um að komast að í ensku toppdeildunum, og málstaður þeirra verður veikari fyrir, þannig að undirniðri held ég að það geti togast á. - Menn vilja varla alltaf vera flokkaðir sem 2. flokks? EN vissulega er saga samstarfsins feyki sterk. Júlli þú ert væntanega eins og margir aðrir  í þessu bæjarfélagi litaður af Týs og Þórs rígnum - he he - sjálfur var ég nú svo grillaður að ég tók upp á því að halda með Partick Thistle.

[Guðni Þór Björnsson, 7.8.2009 kl. 14:43]

Það yrði sárt ef Arsenal kæmist ekki áfram, en þó ákveðin skilaboð til Wengers. Það þarf að finna einn annan varnarmann fyrst Kolo fór og svo varnarsinnaðan miðjumann. Áfram Arsenal

[Siggi (IP-tala skráð) 7.8.2009 kl. 22:22]

Rangers fer beint í riðlakeppni Meistaradeildarinnar. Þeim gæti ekki verið meira sama um Celtic ;-)