Hvað meinar hann?

Það vantar ekki að Geir er á tánum þegar kemur að kvennalandsliðinu okkar - skil hann samt ekki alveg. Hann segir samkvæmt þessu.

„Ég tek bara þjálfarann á orðinu. Hann segir að markmiðið sé að komast upp úr riðlinum. Það eru háleit markmið en ég vona að það takist. Við eigum mjög gott lið og ég held að stelpurnar hafi alveg burði til að standast þeim bestu snúning,“

Þarna talar hann um háleit markmið og hann HELDUR að stelpurnar hafi burði til að standast þeim bestu snúning!! Ég sem hélt að þær væru búnar að sýna það margoft, og þær eru komnar í þessa úrlsitakeppni af því að þær hafa sýnt hvers þær eru megnugar - höfum það á hreinu.

„...... Íslenska kvennalandsliðið er stolt okkar og hin jákvæða ímynd knattspyrnunnar hér á landi byggist að miklu leyti á kvennalandsliðinu í dag,“ sagði Geir Þorsteinsson.

Hér kemur aftur að þætti sem hann virðist ekki hafa á hreinu og það er varðandi ímynd knattspyrnunnar á Íslandi. Hin jákvæða ímynd íþróttarinnar á landinu í dag er kvennalandsliðinu að þakka. Aldrei heyra menn sögur af vadnræðum með leikmenn liðsins eftir leiki á knæpum eða öldurhúsum eða neitt í þá áttina held að karlpeningurinn sem stundar tuðruspark á landinu, sem og erlendis,  ætti að taka sér þessar elskur sér til fyrirmyndar.

Ég veit að það verður í nógu að snúast hjá Geir, starfsfólki KSÍ og stelpunum í Finnlandi. Óska þeim alls hins besta og ég veit að liðið og fylgifiskar þess verða sambandinu og þjóðinni til sóma. Sömu kveðjur til þess fólks sem ætlar að fylgja liðinu til Finnlands - eigið ánægjulegar stundir í þúsund vatna landinu.....farið samt varlega í Vodkann!!!

Áfram Ísland alltaf alls staðar.........

,,Ekkert verið til sparað að undirbúa liðið sem best“