Afhverju....

Fyrir hrun erum við með einhver skuldugustu heimili í hinum vestræna heimi - Hvað var í gangi? Afhverju spennum við alltaf allt upp í topp? Kunnum við okkur aldrei hóf, nánast í sama hverju það er

Í hópi skuldugustu heimila fyrir hrun

Athugasemdir

[Baldvin Johnsen (IP-tala skráð) 22.8.2009 kl. 09:08]

Hluti skýringarinnar er eflaust að finna í því að víðast hvar í Evrópu er fasteign eitthvað sem fólk leigir en kaupir ekki þannig að skuldsetning vegna fasteigna bjagar þessa mynd eitthvað. Niðurstaðan kemur manni samt ekki á óvart.

kv

Baldvin

[Katrín Jóns (IP-tala skráð) 22.8.2009 kl. 11:18]

Við erum bara búin að vera of gráðug - viljum fá allt en ekki þurfa að hafa fyrir því........ er það ekki málið.

Katrín.

[Sigurður #1 (IP-tala skráð) 22.8.2009 kl. 11:46]

Verðtrygging?

Nokkuð sem hvergi viðgengst í hinum löndunum sem við berum okkur saman við.

Erlendis lækka lánin þegar það er greitt af þeim, en hérna hækka þau út í hið óendanlega.

Hér hækkuðu öll húsnæðislán um 20% í fyrra.

Það var ekki vegna græðgi, eða óreiðu lántakandans.

Nei, það var reyndar öfugt.

Það var vegna græðgi og óreiðu bankans sem lánaði lánið.

En samt er lántakandum kennt um, og flatskjárkaup talin skýringin á greiðsluerfiðleikum á þessari vitleysu.

[Meinhornið, 22.8.2009 kl. 11:56]

Verðtrygging, vanþróaður leigumarkaður. Þetta er sáraeinfalt, ef þú vilt lifa á Íslandi þá þarftu að taka stórt, síhækkandi lán fyrir fasteign.

[DanTh, 22.8.2009 kl. 12:51]

Katrín, Gísli. 

Það er einhver nettur fáránleiki í þessari umræðu hérna. 

Hvernig fáið þið það út að skuldastaða heimilanna sé einungis óráðsía og græðgi þar sem við kunnum okkur ekki hófs?  Erum við ekki að standa okkur og hafa fyrir lífinu þegar við tökum lán á þeim kjörum sem eru í boði og stöndum í skilum?  Ef greiðslugeta lántakenda stendur undir heilbrigðum útlánum, hvað er þá vandamálið?  Hvar liggur skilningur ykkar á norminu í þessum málum?  Ég fór ekki í spilavíti þegar ég tók mín húsnæðislán.  Ég lagði traust mitt á banka sem ég taldi að starfaði innan ramma heilbrigðs viðskiptalífs.   

Það var fyrir löngu ljóst að bankarnir unnu gegn íslensku krónunni í mörg ár.  Þeir beittu þar einbeittum brotavilja, til þess að skaða hagkerfið sér í hag en lántakendum til tjóns. 

Nú heimilin eru ekki á vonarvöl vegna þess að þau gátu ekki staðið undir gerðum samningum.  Sökin liggur hjá bönkunum, þeir tjónuðu lántakendur með glæpsamlegum starfsháttum sínum.  Þeirra fall varð okkar fall, ekki öfugt. 

Ég minni svo á að það er talið að um og yfir 90 % lána hafi verið í skilum þegar bankarnir féllu.   Lánakrísan og skuldavandi heimilanna er því ekki vegna óvarkárni í lántökum heimila og fyrirtækja, heldur vegna þess að bankarnir unnu gegn hagsmunum viðskiptavina sinna.  

.   

[Gísli Foster Hjartarson, 22.8.2009 kl. 16:06]

Sigurður, Dan - ég er er alveg samma´la með að t.d. verðtryggingin er eitt það fáranlegasta sem látið er ganga hnökralaust yfir íslenska þjóð - hata hana, sennilega eins og flestir aðrir - en ekkert er gert í afnema þennan skratta - er ekki kominn tími á það.

Vissulega eiga bankarnir sitt í þessu, stærstan hlutan, en ég held því fram að fólk hafi  - jú að vísu kannski ígóðri trú - gengið eins langt í að fá eitthvað að láni á meðan þess var nokkur kostur, ekki bara fyrir þaki yfirhöfuðið. Ég er ekki hissa þ´fólk hafi gengið lang menn eins og þáverandi forsætisráðherra, þessi krullaði sem fót í Seðlabankann,  í sífellu talandi um að í landinu ríkti góðæri!!! ..verð að segja að ekki varð ég var við allt þetta góðæri í kringum mig nema að litlu leyti, einn keypti sér jú þyrlu hér í Eyjum, en aðrir voru frekar spakir.

Ber okkur þá ekki að þeirri umræðu að hvað er að gerast með allt þetta bankalið sem að laug að þjóðinni, tók hana í rassgatið - ef svo má að orði komast - og óð yfir hana á skítugum skónum við hvert tækifæri og hrynur svo á kostnað okkar. Þarf ekki að fara að koma böndum á sumt af þessu bankaliði, stjórnmálamönnum og útrásarvíkingum? KOma hér upp regluverki og skilvirkum lagabálkum sem taka á þessu, svo að við fetum ekki þetta einstigi aftur.