Nú er ég hissa...

Sumarlok ÍBV voru haldin um daginn og eins og vera bera á slíkum lokahófum voru afhent verðlaun fyrir hitt og þetta sem og sem og ræður um hitt og þetta. Ég átti því miður ekki heimangengt á þetta kvöld, þann 2. október.  Var ánægður að sjá að það átti að heiðra minningu þess að 30 ár eru liðin frá því að ÍBV varð Íslandsmeistari í knattspyrnu karla í efstu deild, fyrst liða udan Faxaflóasvæðisins. Þetta var ótrúlegt afrek að því er manni fannst á þeim tíma, og þykir reyndar enn, og þarna komst ÍBV svo sannarlega í sögubækurnar sem eitt af "liðunum" sem talað er um og en þann dag í dag, 30 árum síðar, eru það aðeins ÍBV (3 sinnum) og KA (1 sinni) sem hafa fengið að fara með Íslandsmeistaratitilinn út fyrir Faxaflóasvæðið, þ.e.a.s. til að geyma hann. Mér fannst eþtta vel til fundið að boða þessar kempur á skerið og hylla þær á þessum tímamótum. Þetta eru kappar sem allir sem einn mörkuðu djúp spor í sögu félagsins og þetta því vel við hæfi. Ég hélt í einfeldni minni að það ætti að sæmi liðið allt silfurmerki félagsins sem hefði svo sannarlega verið vel til fundið á þessum tímamótum en svo var ekki og þeim var víst afhent einhver mynd, sem mér var sagt að væri samskonar mynd og þeir höfðu fengið afhenda áður, hef reyndar ekki hitt neinn leikmann til að spyrja en dapurt er það ef svo er.

Finnst hreinlega bara dapurt að ekki skuli hafa verið nælt silfurmerki félagsins í menn við þetta tækifæri. - en það hafa ekki allir sömu skoðun á þessu frekar en öðru - sem betur fer kannski!

Athugasemdir

[Ragna Birgisdóttir (IP-tala skráð) 12.10.2009 kl. 19:09]

Já þarna er ég sammála þér frændi.Flestir þessara fyrrum leikmanna ÍBV eru þar að auki hoknir af reynslu af vinnu fyrir félagið sitt,en það skiptir greinilega ekki máli.

[Gísli Foster Hjartarson, 12.10.2009 kl. 22:01]

Það sér hver heiminn með sínum augum -

Renndi yfir listann yfir þá sem heiðraðir hafa verið og af leikmönnum liðsins á þessum tíma hafði enginn fengið viðurkenningu frá félagainu, ef að ég sá rétt - fyrr en Viðar Ella fékk silfurmerki þarna um daginn. Fannst þetta einhvern veginn bara liggja í loftinu að kapparnir yrðu heiðraðir á þennan hátti.

[Elías Stefáns., 13.10.2009 kl. 00:33]

Var ekki gamla myndin orðin upplituð hjá flestum?

[Ragna Birgisdóttir (IP-tala skráð) 13.10.2009 kl. 22:09]

Við skulum ekki heldur gleyma því að nokkrir af þessum leikmönnum urðu líka bikarmeistarar 1981 silfur í bikarkeppnninni 1982 og 1983 ,Íslandsmeistarar eldri leikmanna 1991 að ég held.Það eru dágóðir titlar.