Svo gott sem gefins

EInhvern tíma hefði manni þótt þessar tölur háar, og þær eru þó nokkuð háar, en bara dropi í hafið miðað þvið það sem kosta á til við að reisa tónlistahús fagurgalanna við Reykjavíkurhöfn.

Þetta verður mikil samgöngubót fyrir okkur Eyjaskeggja, já og ekki aðeins fyrir okkur Eyjaskeggja heldur líka fyrir þá er hingað vilja koma, og þeir eru víst fleiri en tveir til þrír á ári. Þessi höfn mun hafa jákvæð áhrif hér í Eyjum sem og á Hvolsvelli og sveitunum þar í kring sem er hið besta mál. Það eina sem að ég hræðist er að við Eyjamenn verðum ekki í stakk búnir til að taka á móti mestu álagspunktunum og við þurfum að taka okkur tak í ýmsum þáttum varðandi það eins og til dæmis tjaldstæðum en þar erum við eftirbátar ansi margra byggðarlaga. Við þurfum svo líka að hafa takmarkað framboð á miðum í Herjólfsdal til þess að geta tekist á við hlutina ef verður gerast válynd, við munum að sjálfsögðu leysa þetta allt en mér finnst við svolítið sein af stað.

Landeyjahöfn kostar 3,5 milljarða

Athugasemdir

[Vigfús (IP-tala skráð) 10.11.2009 kl. 21:40]

he, he ég var smá tíma að átta mig á hvað álgaspunktur er.

[Gísli Foster Hjartarson, 10.11.2009 kl. 22:19]

He he Takk Vigfús - lagaði þetta

[Ólafur Þórðarson, 11.11.2009 kl. 00:30]

Já ég held þetta verði Vestmannaeyjum til framdráttar. Nú aukast líkurnar á að ég láti verða af því að koma í heimsókn. Fæ ég kaffi hjá þér, Gísli?

Einu neikvæðu áhrifin eru fyrir Þorlákshöfn, sem mun dofna svo um munar. 

[Gísli Foster Hjartarson, 11.11.2009 kl. 07:36]

Já ekki málið vertu í bandi þegar þú nálgast og þér verður boðið í kaffi og jafnvel eitthvað með því ekki málið

Já áhrif á vini okkar í Þorlákshöfn verða sennilegast neikvæð og er það miður.

[Haraldur Pálsson, 11.11.2009 kl. 14:57]

Alveg rétt Gilli, það er almennt mikil óánægja með tjaldstæða aðstöðu heima fyrir og er það helsta ástæða þess að þeim heimsóknum hefur ekki fjölgað í Eyjum líkt og víða annarsstaðar.
Fatta ekki alveg afhverju þetta þarf að vera svona erfitt að hafa aðstæðuna sambærilega því sem þekkist á tjaldstæðum annarsstaðar á landinu.