Dóri frændi með pennann á lofti

Alltaf gaman af því þegar Dóri frændi tekur sig til og lemur inn greinarkorn á tölvuna sína - oft gaman að frænda. - Leyfi mér að segja þetta þó svo að ég þekki hann litið. EN vil samt koma hér að einni til tveimur athugasemdum, ef þýðing blaðamanns er rétt:

Hann segir að stefna ESB gæti helst gagnast á því að taka þrennt upp frá Norðurlöndunum. Í fyrsta lagi leggur hann til bann við brottkasti, stefnu sem verði til þess að öllum afla sé landað.

Nú er þetta ekki við lýði á Norðurlöndunum t.d. - ja allavega ekki miðað við sögurnar sem að maður heyrir, getur verið að þetta sé í lögum en það táknar ekki að eftir því sé endilega farið. - það þarf þá fyrrverandi sjávarútvegs-, utanríkis- og forsætisráðherra að láta laga í sinni heimabyggð (Íslandi) áður en hann bendir öðrum á að taka til hjá sér.

Mér hefur einmitt oft fundist frekar áberandi þegar maður sér myndir frá erlendum mörkuðum með fisk að þar megi koma að landi með þær bröndur er veiðast og þetta hef ég svo sem upplifað margoft þegar ég var starfsmaður á svona mörkuðum þó langt sé um liðið.

Í öðru lagi að kerfið byggist á því að ákveðnum réttindum sé úthlutað til útgerðarfyrirtækja. Svo sem réttinum til að veiða ákveðið heildarmagn af fiski og réttinum til að veiða áákveðnum svæðum. ,,Réttindi sem tengjast útgerðarfyrirtækjunum geta haft jákvæð áhrif á þróun flotans, afkomu fiskistofnanna og arðsemi iðnaðarins,” segir Halldór í greininni.

Í þriðja lagi segir Halldór að samvinna sé mikilvæg, þ.e. að útgerðarmenn taki þátt í ákvarðanatökuferlinu. Sem dæmi nefnir hann þátttöku sambands norskra útgerðarmanna í því að gera tillögur um útdeilingu veiðiheimilda.

Einnig segir hann að styrkir til útgerða séu útbreitt vandamál, sem stuðli að ofveiðum og offjárfestingu í greininni. Þá segir hann að ákvarðanataka megi ekki vera í Brussel, heldur á lægra stigi stjórnsýslunnar og nær viðkomandi svæðum, þar sem meiri meðvitund er um aðstæður á hverjum stað.

Ég veit ekk i hvað öðrum finnst en er það ekki hellings styrkur við útgerð ef henn er rétt bara ákveðið magn til að veiða? Það hefði ég haldið! Ég er hræddur um að ég myndi gleðjast ef einhver kæmi bara hér inn a´golf í prentsmiðjunni og rétti mér kannski 800 verk upp í hendurnar til að vinna úr og kæmi svo aftur um næstu áramót og svo framvegis. Það hlýtur að mega líta á það sem styrk. Ef öllum verkefnum er útdeilt á þennan hátt hvernig eiga þá ný fyrirtæki að komast inn í greinina? Mun ekki bara áhuginn á greininni dvína með tímanum? Ja ekki nema að menn geri það þannig að ný fyrirtæki sæki um að fá einhver verkefni við næstu úthlutun - það gæti virkað! Höfum við t.d. notað það við úthlutun á kvótanum hjá okkur? Þarna eru kannski tækifærifyrir áhugasama að riðja sér til rúms í greininni - auðvitað þyrfti að setja upp reglur varðandi þetta en það hlýtur að vera hægt.

Sé ekkert að því að útgerðarmenn fái að hafa aðkomu að ákvörðunartökuferlinu, alls ekkert, svo framarlega sem menn eru í þessu af heilum hug. Það sama á við um ákvörðunartökuna  sem hann segir ekki mega vera í Brussel hún getur verið hvar sem er ef þeir sem henni eiga að sinna eru með kollinn í lagi og sinna störfum sínum af alúð og festu - það er mikilvægara en hvar skrifstofan er staðsett.

 

Brottkast verði bannað í ESB

Athugasemdir

[joi (IP-tala skráð) 24.11.2009 kl. 17:51]

Getur það verið satt að árið 2009 sé brottkast enn löglegt skv. fiskveiðistefnu ESB? Hvað hefur þetta samband verið að hugsa síðustu áratugina ef svo sé?

Ef brottkast rúmast innan fiskveiðistefnu ESB, þá hugsar maður með hryllingi hvaða subbuskapur fyrirfinnist þarna að auki?

 Það er þó gott að Halldór sé kominn á þá skoðun að ESB aðild sé ekki fyrir Ísland, úr því þriðja atriðið sem hann bendir á, að ákvarðanaferlið eigi ekki að vera í Brussel, heldur á Íslandi, þá er hann farinn að tala gegn ESB aðild, loksins myndu margir segja.

[Gísli Foster Hjartarson, 24.11.2009 kl. 18:43]

Ég veit ekki með eða á móti hverju Dóri frændi talar, eða hvort hann vill í ESB eða ekki. Er ekki alveg eins líklegt að hann langi í ESB þegar hann er að reyna að ráða þeim heillt við að koma á svipuðu kerfi og hér er, ef það gerist er hann ekki þá líklegri en ella til að tala hreint út?

Brottkast löglegt eða ekki hef ekki hugmynd um það - vitna í pistil minn - geri ráð fyrir því ða það sé ólöglegt hér samkvæmt þér. Miðað við það sem að maður heyrir þá hlýtur að vera ansi mikið um lögbrjóta við Íslandsstrendur þá, sé brottkastið banað.