Ekki öllum illa við okkur!!

Það er ég smeykur um að þessi lækkun sé bara hið besta mál. Það hlýtur að vera fínt að fá þessa lækkun upp á um 60 milljónir á ári, þ.e.a.s. ef að menn halda þessu til haga á sama hátt áfram. Hér haf menn verið að kvarta undan alls kyns niðurskurði og því er þetta jákvætt. - greinilega ekki öllum illa við okkur Eyjamenn!!!

Fasteign lækkar leiguverðið

Athugasemdir

[Elliði Vignisson (IP-tala skráð) 25.11.2009 kl. 13:35]

Sæll Gísli

Skemmtilegur útreikningur hjá þér.  Svona svipað og þegar bankarnir skiluðu alltaf hagnaði ;) Færð bara hörku gróða út úr þessu. Minn útreikningur sýnir nefnilega að við þurfum að borga milli 30 og 40 milljónum meira í leigu árið 2010 en 2007.  Heildar leiga 2007 var 108 milljónir, heildar leiga 2010 verður skv. áætlun ca. 150 milljónir (eftir ákvörðun um lækkun).  Sem sagt 38% hækkun.

Það er bara verið að skila smá til baka, væntanlega lækka svo arðgreiðslur til okkar á móti.

Þetta hefur reyndar ekkert að gera með að einhverjum sé illa við okkur.  Ef einhverjum er illa við okkur þá er það alls ekki EFF.  Við erum með stærstu eigendum að félaginu og eigum í öllum tilvikum gott samstarf við þá sem stýra fyrirtækingu, bæði stjórn og starfsmenn.  Það er ekki við þá að sakast þótt hrunið hafi þessi áhrif.

[Gísli Foster Hjartarson, 25.11.2009 kl. 14:38]

Sæll Elliði

Takk fyrir að vera á vaktinni.

Útreikningurinn hlýtur að miðast við daginn í dag, getum ekki miðað við eitthvað sem var 2007, ja eða fyrr ef það á við. Eru gjöldin sem ég borga bænum þau sömu í dag og þau voru árið 2007? Bærinn gefur mér staðgreiðsluafslátt út frá því sem ég er rukkaður fyrir í dag, og ég fagna því á ég að hengja haus og segja þetta er svona mikið meira en 2007? Samkvæmt þessu liggur það á borðinu að þetta sé 60 milljónum minna en stefndi í - ekki hengjum við haus yfir því.

Við hljótum að gleðjast þó svo geti verið að þetta séu arðgreiðslur greiddar út snemma, ef svo má að orði komast.

Ég veit að þetta hefur í raun ekkert með það að gera að einhverjum sé illa við okkur, en mér heyrist svo oft orðið upp á síðkastið að ríkinu sé eitthvað í nöp við okkur og vilji skera hér allt í ræmur - það var nú þess vegna sem að ég skaut þessu að. Þóttist svo sem vita að þessar miklu hækkanir væru hrun tengdar eins og svo margt annað - og en ganga helv.....hrunmeistararnir lausum hala.

[Elliði Vignisson (IP-tala skráð) 25.11.2009 kl. 14:55]

Alltaf á vaktinni og missi ekki af skrifum þínum ;)

Aftur ósammála forsendum þínum.  Leysum það yfir kaffibolla.