Afhverju miða menn við bullárið 2007?

Afhverju að miða við árið 2007 þegar bullið var hvað mest í geiranum og bankar og fasteignasalar búnir að sprengja fasteignaverð upp úr öllu valdi, svo með ólíkindum þótti.  Sérstaklega hjá okkur á landsbyggðinni sem fylgdumst með af hliðarlínunni, enda kom það í ljós að innistæðan fyrir þessu var ekki mikil. Toppurinn á þessu í mínum huga gerðist þó eftir hrun þegar formaður félags fasteignasala fór að tala um hin o gþessi vandræði á þeim nótum að manni átti í raun að vorkenna henni. Kona sem tók þátt í að keyra bullið áfram og hugsa aðeins um eigin buddu meðan á því stóð, það er ég nokkuð viss um.  Auðvitað fellur markaðurinn þegar svona gerist fasteignamarkaðurinn hlýtur eins og aðrir almennir markaðir að fylgja lögmálinu um framboð og eftirspurn. Fullt af íbúðum til sölu en lítil hreyfing þá er nú lækkun ekki óeðlileg, ja allavega þætti mér sérstakt ef svo væri ekki á þessum markaði.

Áfram dauft á markaðnum

Athugasemdir

[Halli (IP-tala skráð) 24.12.2009 kl. 10:23]

Það voru nú ekki fasteignasalar sem keyrðu þessa fasteignabólu af stað það voru fyrst og fremst bankarnir.  Auðvitað dönsuðu salarnir með og græddu vel á öllu saman og alveg óþarfi að vorkenna þeim neitt.  Annars er ég alveg sammála þér að það er fullkomlega óeðlilegt að vera með einhvern samanburð við árið 2007 nær væri að miða við meðal fjölda samninga gerðra á árunum 2000-2006 eitthvað svoleiðis.