Leiksýningin hafin

Gaman að lesa öll þessi blogg um ágæti eða löst forseta vors Ólafs Ragnars Grímssonar - það virðist allt ráðast af undirritun eður ei. Skúrkur eða hetja? Margir sem telja hann hetju telja hann það en og þeir sem hafa talið hann skúrk eru en áþeirri skoðun.

Eins er gaman að sjá hjá þeim er segja að þetta sé leiksýning til að koma hrunaflokkunum að á ný. Þeim sem eru í raun stór þáttur í því að við erum í raun að takast á við þennan andskota, þeim er hleyptu öllum úlfunum úr búrinu og sögðu þeim að nærast á því er þeir fyndu, sem þeir og gerðu. Úlfarnir ganga en lausir og líka þeir er slepptu þeim út en margir einstaklingar eru nú komnir í búr, þar sem að villidýrin hafa en aðgang að kræsingum.

Það er skítt að þjóðin skuli þurfa að vera að taka á sig allar þessar byrðar og mikið skil é fólkið sem er að mótmæla þessu. Spurning er hvort við erum að opna hurðir fyrir þjóðina eða loka með því að samþykkja eða hafna þessum lögum. - Tíminn mun leiða það í ljós, hvort að maður verður hér þá mun tíminn líka leiða í ljós.

Ljóst er líka í mínum huga að tiltektinni eftir óráðsíu síðustu ára er langt frá því lokið, og ekki hefur en verið skotið á úlfana þó þeir hafi sært stofninn illa og þeir hafa því tekið sér stöðu á ný.

Afhenda forseta undirskriftir

Athugasemdir

[Gunnlaugur B Ólafsson, 2.1.2010 kl. 12:35]

"þeim er hleyptu öllum úlfunum úr búrinu og sögðu þeim að nærast á því er þeir fyndu¨ -gullkorn. Mbk, G

[hilmar jónsson, 2.1.2010 kl. 13:14]

Úlfarnir bíða slefandi eftir því að komast aftur að kjötkötlunum til þess að geta hafið nýjann hrundans. Guð hjálpi Íslandi.

Megi herra Ólafur hafa sterk bein.