Engar áhyggjur.....

...á meðan launin eru í lagi!

Get bara ekki að því gert að ég sé ekki Wayne Rooney fyrir mér að spila í deildarkeppni í öðru landi. Það kæmi mér virkilega á óvart ef að þessi rauði djöfull færði sig um set og hyrfi á braut frá Englandi.  Það er ekkert lið í Englandi sem að gæti nælt í hann held ég. Ja nema að það kæmi eitthvað svakalegt upp á hjá United. Sé bara Rooney ekki fyrir mér í einhverjum dúkkulísu bolta á fögrum grasbölum í einhverju öðru landi en Englandi.

Færi hann t.d.til Madrid þá er ég hræddur um að það yrði sjokk fyrir leikmenn Real að fá þennan kraft í æfingarnar. Held að þar yrði tuðað meira en nú er. Kannski að Milanóliðin á Ítalíu gætu tekið hann eða Juve en sé þau bara ekki eitthvað sem ættu að heilla hann, eins og staðan er. Kannski að Barca eigi séns ...efast samt um það. Held því að hann og Coleen muni ekki flytja burt frá Englandi fyrr en þá eftir að ferli hans lýkur sem knattspyrnumanns.

Rooney segist ekki á förum