Áfram Óli Adólfs

Það vona ég að Ólafur Adólfsson berjist áfram í málinu gegn þessari mafíustarfsemi virðist vera í gangi þarna. Vona líka að hann nái fullnaðarsigri í málinu. Þarna er greinilega verið að reyna að níða af honum takkaskóna og það með því að leika ekki eftir reglum leiksins - slíkt er óþolandi

Útilokar ekki einkamál

Athugasemdir

[Kristinn Sigurjónsson, 26.2.2010 kl. 11:53]

Það sem kemur mér alltaf mest á óvart, hversu margir styðja fákeppni og einokun.  Því hún nýtur stuðnings allra þeirra sem eiga viðskipti við þau fyrirtæki sem henni beita

[Sveinn Elías Hansson, 26.2.2010 kl. 12:17]

Kristinn.

Hvar á almenningur með lítil fjárráð að versla? Þar sem það er dýrast?

Það segir sig sjálft, almenningur er NEYDDUR til viðskipta við þessa svikara, hvortb sem það er á lyfja, matvöru eða einhverjum öðrum markaði.

[Einnar línu speki, 26.2.2010 kl. 12:36]

Lyfja og Lyf&Heilsa eru alls ekki ódýrastir.

[Sveinn Elías Hansson, 26.2.2010 kl. 12:40]

Kanski ekki í Reykjavík.

[Bjarni G (IP-tala skráð) 26.2.2010 kl. 12:49]

Sko samkeppniseftirlitið. Ég var farinn að halda að svona nokkuð væri ekki hægt á Íslandi án þess að menn flæktu sig í allskyns lagaflækjum og -krókum og allt félli svo um sjálft sig á formsatriðum. Þetta tók að vísu tvö ár, en hafðist á endanum. Áfram Óli Adolfs!

[Gísli Foster Hjartarson, 26.2.2010 kl. 13:34]

Er nokkur spenntur fyrir fákeppni Kristinn? Auðvitað vilja allir fá hlutina sem billegasta. En við erum lítið samfélag og því oft erfitt fyrir samkeppni að fóta sig. Gott að það var tekið á þessu máli.

[Sigurbjörg Kristmundsdóttir, 26.2.2010 kl. 14:05]

Má ég benda á að það er ekki dýrara að versla í Apóteki Vesturlands en í öðrum apótekum, reyndar hefur það komið ódýrar út í öllum þeim tilvikum sem ég hef skoðað. Tekið skal fram að ég hef ekki gert  neina sérstaka úttekt, heldur bara tékkað á þeim vörum sem ég hef þurft að kaupa.

[Axel Jóhann Axelsson, 26.2.2010 kl. 15:13]

Þetta er mikill sigur fyrir Óla, enda var hann ekki sáttur við tapleiki þegar hann var í boltanum.

Auðvitað á ekki að versla við þessi fyrirtæki, hvorki lyfjakeðjurnar né Bónus.  Þessir aðilar pína birgja til að hækka verð til annarra en sjálfra sín, þannig að nánast ómögulegt er fyrir nýja aðila að koma inn á markaðinn, eins og sést nú síast á þeim kjörum, sem íslenskir birgjar bjóða Kosti.

Ef alvöru samkeppni milli verslana ætti að ríkja, þá verður að skikka birgjana til að selja öllum verslunum vörurnar á sama (lága) verðinu og láta þær svo keppa á jafnréttisgrundvelli.

Gamla klisjan um að stóru keðjurnar kaupi svo mikið af birgjunum og þess vegna sé mikill "afsláttur" til þeirra réttlætanlegur, er ekki gild, þar sem þetta fyrirkomulag útilokar allar smærri verslanir á markaði og þar fyrir utan kaupa keðjurnar vörurnar alls ekki, því þær heimta skilarétt á öllum vörum, sem ekki seljast fyrir síðasta merkta söludag.  Litlu verslanirnar fá ekki einu sinni að sitja við sama borð í þessu efni.

Meðan þetta kerfi er óbreytt, verður engin alvöru samkeppni á markaðinum.

[Kristinn Sigurjónsson, 26.2.2010 kl. 16:20]

Það er einmitt málið Axel,  samkeppniseftirlitið á að tryggja það að allir sitji við sama borð hjá byrgjum , þá væri stórum áfanga náð í að jafna hlut keppinautanna.

Mér þykir það auðveld afsökun að segja að maður verði að kaupa hjá þessum einokunaraðilum af því að það munar um það og menn séu neyddir til þess vegna peningalega stöðu sinnar.   Vissulega getur þetta átt við einhverja, en miðað við aflann fjöldann sem annar vegar styður þetta lið með sínum viðskiptum og hins vegar upplýsingar í samfélaginu um almenna velmegun, eins og bílanotkun, utanlandsferðir svo ég tali nú ekki um blómakaup, þá er lítið samband þarna á milli, og tel að þeir sem neyðast til að styðja þessa einokunaraðila, ættu ekki að láta sjá sig við óþarfa munað eins og versla í sjoppum vídeoleigum að annar staðar þar sem neyslan er algjörlega óþörf.   Þessir aðilar sjá til þess að verslun hjá öllum örðum er dýrari en ella og það er fásinna að telja nokkrum manni í trú um að þeir hafi lækka vöruverð.    Af hverju versla menn t. d. ekki hjá Kostum.

[Sveinn Elías Hansson, 26.2.2010 kl. 16:32]

Kristinn.

Ert þú að halda því fram að Bónus hafi ekki lækkað vöruverð á sínum tíma?

Öryrkjar og aldraðir sem eru stór hópur viðskiptavina lyfjaverslana, munar um hverja krónu, og verslar þar sem það er ódýrast, en það er að sjálfsögðu ekki alltaf í Lyf og heilsu, eða lyfju.Og svo borgar sig ekki alltaf að sækja aurinn yfir lækinn, því það kostar stundum margar krónur.

Aðrir hafa ekkert val, úti á landi. Landinu er skipt í tvennt, lyfja og lyf og heilsa eru nánast aldrei með útibú á sömu stöðum.

[María (IP-tala skráð) 26.2.2010 kl. 17:29]

Hvernig væri að einhver tæki sig til og hafi uppi áróður gegn umbúðafarganinu sem lyfin umlykja. þetta eru álþynnur þá upplýsingaseðill uppá 1 -2 metra,síðan pappakassi minnst 2 límmiðar annar með nafni hinn með verðinu,síðan bréfpoki þá plastpoki.Og til að kóróna allt þá eru oftar en ekki aðeins 20-30 töflur innaní öllu saman. Þegar tekið er til í kassa fyrir öldung þá er bréfakarfan meira en full af umbúðum. Og verðið það er í hæðstu hæðum. Sama væri mér þótt ég fengi lyfin í kramarhúsi,bara ef þau virka og eru ekki framleidd af glæponum.

Niður með verðið það er hér einokun.

[merkúr (IP-tala skráð) 27.2.2010 kl. 01:12]

Ég skal segja ykkur að apótek fá yfirleitt ekki að skila lyfjum sem renna út. Ekki keðjurnar heldur. Það er búið að banna heildsölum að gefa apótekum afsl. af lyfseðilskyldum lyfjum, þess vegna hefur afsláttur apóteka lækkað. Ath. ríkið ætlaði að banna apótekum að gefa afsl. af föstu lyfjaverði sem lyfjaverðlagsnefnd ákveður, en hætti við. Í mörgum löndum er lyfjaverð fast eins og lækniskostnaður. Það yrði laglegt ef maður þyrfti að hringja milli margra lækna til að sjá hver gæfi mestan afslátt frá föstu gjaldi. Vegna athugasemda Maríu vil ég segja eftirfarandi: Umbúðir um lyf eru ekki snobb eða til að hækka verð, þynnur eru öruggari en dósir á margan hátt t.d. gagnvart litlum börnum, verja lyfin hnjaski og raka. Fólk sem á til að gleyma að taka lyfin sér oft á þynnunni hvort það var búið að taka lyfið eða ekki, það ætti hinsvegar að endurvinna svona þynnur eins og gert er í Þýskalandi. Íslenskir fylgiseðlar þóttu mikil framför á sínum tíma og oft hefur það komið í veg fyrir óhöpp að fólk hefur lesið fylgiseðil og áttað sig á aukaverkunum eða því að það má ekki taka sum lyf saman eða að sumir geyma lyf lengur en góðu hófi gegnir og muna þá ekki við hverju það er. Þó seðlarnir séu á netinu eru ótrúlega margir ekki með aðgang að því, en það þarf ekki að vera mikið mál að láta aðeins þá sem vilja fá fylgiseðla, það gæti þó tafið afgreiðslu. Það er öryggisatriði að sumum lyfjum má ekki ávísa nema 20 eða 30 stk. í einu. Það er sjálfsagt að setja lyfin í poka þannig að aðrir sjái ekki hvað er verið að afgreiða því það að virða einkamál afgreiðslu í apóteki er ekki orðið sjálfsagt eins og afgreiðslu í banka, þar sem allir eru löngu búnir að læra að troða sér ekki fram fyrir eða inn í miðja afgreiðslu. Reyndar er það nú svo að margir biðja um plastpoka utan um einn Paratabs pakka og þá er orðið við því. Útilokað er að sleppa að merkja lyf með nafni neytanda fyrir utan að á lyfjaumbúða-miða eru öryggisnúmer, dagsetning, læknanúmer og fleira. Pokamiða ættu flestir að vilja fá til að geta séð hvað lyfin kosta og  hvernig kostnaður skiptist á milli TR. og neytanda. Lyf eru ekki ,,bland í poka''. Það verða mörg slys á hverju ári þar sem smábörn og óvitar sturta í sig úr lyfjaglösum eða ,,fullvita" fólk tekur óvart vitlaus lyf, enginn vil hætta á að fjölga þeim slysum. Betra væri að huga að forvörnum og minka þannig lyfjainntöku og kostnað bæði neytanda og sjúkratrygginga sem við berum jú öll sem eitt. p.s.Gísli, fyrigefðu þetta á víst ekki beint við þín skrif, heldur athugasemdirnar.

[Gísli Foster Hjartarson, 27.2.2010 kl. 16:00]

Merkúr þetta var nú bara holl og góð lesning með fullt af fyrirvörum og ábendingum, sem skýra margt.

Auðvitað væri best að hafa samkeppni í öllu eins og ég sagði en því er því miður ekki alltaf við komið. Stundum er það svo þannig að ef að maður ætlar að panta hlut sem er ódýrari að þá er hann mun dýrari kominn í hús. það er ekki ókeypis að senda á milli staða á landinu.