Flug á mávunum

Brighton byrjar þetta með látum - takk fyrir Doncaster teknir í nefið.  Þeir komust yfir en mávarnir létu það ekki slá sig útaf laginu og bættu í og lönduðu góðum heimasigri í fyrsta leik á nýjum magnaða nýja Amex leikvangi. William Buckley kom inná og setti 2 kvikindi á síðustu 7 mínútunum. Yfir 20 þúsund áhorfendur á heimaleik hjá Brighton og það hefur ekki gerst síðan á gamla góða Goldstne Ground - ja hérna hér - bara glæsilegt

Óskabyrjun hjá Ívari með Ipswich

Athugasemdir

[Andrés Kristjánsson, 6.8.2011 kl. 18:17]

Ég er að velja leik til að sjá með Ipswich Town í þetta sinn á útivelli.  Ætlaði að sjá West Ham eða Southampton en báðir eru á þriðjudegi.  Þannig að líklegast verður Brighton í febrúar fyrir valinu. 

[Gísli Foster Hjartarson, 6.8.2011 kl. 18:39]

Það væri vel valið Andrés. Áreiðanlega ekki leiðinlegt að koma á nýja leikvanginn. Hafði nú ætlað mér að kíkja á leik í vetur. Veit að maður verður að vera snemma á ferðinni því það er nánast uppselt á alla heimaleikina nú þegar. fóru hátt í 18 þúsund miðar sem ársmiðar og styrkarmiðar, held ég að megi kalla það.

[Andrés Kristjánsson, 6.8.2011 kl. 19:50]

Ég sá fréttina um ársmiðasöluna, magnað.  Ipswich stuðningsmenn fjölmenna yfirleitt á leiki á suðurströndinni og eru 2500 miðar fyrir okkur.   En ég veit að menn eru strax farnir að skoða þennan leik.

Það eru góðar líkur á að maður nái ekki miðum og þá er að skoða Millwall leikin á the den.   Ekki viss að maður þori.

Kæmi mér ekki á óvart að þið yrðuð klúbburinn sem kæmi á óvart í ár.