...sonur Ííslands

Fosterinn - var, er og mun verða - Hausmynd

19.8.2009 | 16:25

Ævintýri Íslendinganna heldur áfram og nú er verið að reyna að ná í peninga til að rétta af slæma fjárhagsstöðu West Ham United, sem margir vilja kalla Íslendingalið, en árangur liðsins inni á vellinum hefur verið með miklum ágætum þó fjármagn hafi verið af skornum skammti síðustu misseri. Væntanlega eru menn að einhverju leyti að finna upp í það sem kallað hefur verið í Englandi heimskulegu fjárhæðir sem West Ham reiddi af hendi til leikmanna í tíð Eggert Magnússonar, en á þeim tíma segja menn að menn hafi látið eins og þeir prentuðu bara peningana sjálfir svo mikið var ausið úr kistum félagsins (Neil, Boa Morte, Ljungeberg og fleiri). Á þeim tímum varð Matthew Upson tengdasonur Íslands en varð svo allt í einu sonur Íslands þegar Straumur í eigu ríkisins tók yfir rekstur liðsins - jebb þjóðin á liðið. Nú stefnir í að Upson og jafnvel fleiri leikmenn renni íslensku þjóðinni úr greipum og verði eign annarra, allt til að létta á skuldum félagsins og hjála til við að reka þetta íslenska fyrirtæki réttu megin við núllið. ....en svo kemur á móti að lið sem er slakt selst fyrir minni pening en kannski verð menn búnir að koma skuldastöðunni í þokkalegt stand þegar það gerist, með sem minnstum skaða fyrir liðið.

Það var í blöðunum úti um helgina að Gianfranco Zola gæti vel hugsað sér til hreyfings ef eigendurnir halda áfram að vilja selja leikmenn frá félaginu.