1, 2, 3 ....Hættu að telja...

..þetta er ég!!!

Nú er þetta að verða svona týpískt íslenskt. Með og á móti listi. Einn litur á móti öðrum. Ein hönd upp á móti annarri og allt á netið.

...er alveg hættur að skilja þetta. Ég hefði haldið að með því að setja á laggirnar svona stuðningshóp þá væru menn að kalla á það að það verði þjóðaratkvæðagreiðsla um hlutinn? Ætli Indefenceliðar fari ekki að skrifa þarna líka til að það sé hægt að segja: Við skulum útkljá þetta með almennri kosningu!!!

Auðvitað hefur fólk skiptar skoðanir um þetta eins og öll önnur mál í samfélaginu, það er hið eðlilegasta mál.

Kannski er best að hafa bara þjóðatkvæðagreiðslu um málið. Fara lengri leiðina lengja í ólinni. Það ætti ekkert að trufla ríkisstjórnina, en það gæti tafið það að hér kæmist skriður á ákveðin mál, en so what! Það er þá bara vilji þjóðarinnar. Held að fyrirtækin ílandinu verði ánægð með það.

Hvað sjáum við næst hóp sem segir: Enga skatta takk ....en samt ætlast það fólk væntanlega til þess að öll þjóunsta, samgöngur og skólar t.d. séu af hæsta stigi - það er endalaust hægt að halda áfram svona.

Vona bara að Icesave verði fljótt til lykta leitt, með eða án þjóðaratkvæðagreiðslu,  og lífið í íslensku skuldasúpunni haldi áfram!!!

Skora á forsetann að staðfesta Icesave

Athugasemdir

[hilmar jónsson, 3.1.2010 kl. 15:25]

Þannig er nú pólitík Gísli minn. Sínum augum lítur hver á silfrið..

[Hrannar Baldursson, 3.1.2010 kl. 15:38]

Frá Samfylkingu fyrir kosningar:

http://www.samfylkingin.is/Stefnum%C3%A1l/%C3%81herslur_2009

• Milliliðalaust lýðræði verði aukið verulega á kostnað fulltrúalýðræðisins.

  • Tiltekinn hlutfallsfjöldi þjóðarinnar getur kallað eftir þjóðaratkvæðagreiðslu.

  • Minnihluti þingmanna, t.d. 30 % þingmanna, getur kallað eftir þjóðaratkvæði um samþykkt lög áður en forseti hefur staðfest þau.

  • Reglur um þjóðaratkvæðagreiðslur.

 Frá VG fyrir kosningar:

http://www.vg.is/stefna/malefni/

Tryggjum að tiltekinn hluti þjóðarinnar (t.d. 20%) geti með undirskrift sinni átt frumkvæði að þjóðaratkvæðagreiðslum um öll stórmál eða krafist þingrofs og nýrra kosninga.

[Gísli Foster Hjartarson, 3.1.2010 kl. 15:45]

Já Hilmar svona er þetta.

Er það ekki málið Hrannar, þetta vildu þau og ég hef ekkert á móti, en gaman að sjá að Sjálfstæðisflokkurinn er allt í einu orðinn þjóðaratkvæðaflokkur þeir semskelltu hurðum þegar Þjóðþing og þjóðaratkvæðagreiðslur voru nefndar á nafn - ætliþeir haldi því til streitu ef að þeir eru í ríkisstjórn?
Erum við þá ekki að verða búin að tryggja okkur hér þjóðaratkvæðagreiðslu um málið? Mér líst ekkert illa á það - vil bara fara að leiða þetta Icesave mál til lykta og halda áfram að hræra í súpunni. Það er fullt af öðrum hlutum sem þarf að takast á við líka. Maður ætti kannski að flytja til þín þarna í Noregi? Já og takk fyrir frábæra pistla Hrannar. Þú ert eini bíógagnrýnandinn sem að é gles. Sá gagnrýni eftir annan mann um daginn um Avatar og þá var myndinni ekki lengur skemmtun heldur áróður og pólitík, ekki nenni ég að horfa á svona myndir þeim þreyttu augum. Vil bara geta gleymt mér og látið draga mig inn í einhvern heim þar sem ímyndunaraflið ræður ríkjum - þarf að skella mér á hana. -
bestu kveðjur til ykkar beggja

[Hrannar Baldursson, 3.1.2010 kl. 15:53]

Takk fyrir það Gísli.

Það er ekki auðvelt að flytja á milli landa, en stundum þarf að gera annað en gott þykir. 

Sérstakar þakkir fyrir bíógagnrýnihrósið. :)

Ég á eftir að hamra saman gagnrýni minni um Sherlock Holmes.

[Baldur (IP-tala skráð) 3.1.2010 kl. 16:02]

Þetta er nú bjánalegt, hópur vanvita.  Fíflalegt útspil hörðu ofsatrúar stuðningsmanna ríkistjórnar.  Það veit það hver hálfþenkjandi maður að þessir samningar eru ömurlegir og skammarlegt ef Ólafur samþykkir.  In defence hafa gert afar vel og þessi hópur sem nú er settur til höfuðs þeim er ekkert annað en samansafn af landráðarmönnum, besta falli óvitum

[Þorvaldur Ásgeirsson (IP-tala skráð) 3.1.2010 kl. 16:31]

Það er skrítið hvað þeim sem eru að byðja um þjóðaratkvæði er illa við að hafðar séu uppi aðrar skoðanir. Ég er á móti þjóðaratkvæði um marga hluti t.d. þetta frumvarp vegna þess að það er ekki hægt að kjósa með skuldum.