Eyjamenn engum líkir....

...nema sjálfum sér!!!

Það er ekki í hverju bæjarfélagi þar sem: Jói í Lifró heldur á hamri meðan Siggi Gumm situr á kamri. Elliði bæjó leikur Jón spæjó. Kristín Jóh. og Maggi skó fara fer helst ekki á sjó. Halli er kenndur við bedda. Kiddi Gogga, Ingó Arnars og Frikki Sæ stofna Gospel-kór og vekja bæjarbúa með englasöng á sunnudagsmorgnum ......á ég að halda áfram?

En tek heilshugar undir þarna með Kristínu margir hafa sýnt þolinmæði mikla varðandi málefni Landeyjahafnar, en sumir hafa þó misst sig gjörsamlega á götum úti. Sorglegast er þó að sjá fólk missa sig í umræðunni í þau skipti er skipið fer ekki og fremst fer þá jafnan fólk sem ætlaði ekki með skipinu þann daginn!!! - Legg nú bara traust mitt á skipstjórnarmennina, þeir bera ábyrgðina á skipinu og eru fyllilega færir um það. 

Ég reyndar ekki frægur fyrir að æsa mig yfir þessu enda sjaldnast á ferðinni - heimakær með eindæmum - en málið snýst ekki bara um mig - sem betur fer. En það er fullt af fólki sem vill ferðast hér á milli, og að sjálfsögðu vill maður að það verði svo gott sem hnökralaust og í föstum skorðum að ferðast þetta.

....vonandi sjáum við fram á bjartari tíma. Við fundum öll fyrir því hér í Eyjum í fyrra hverslags slagkraftur kom með opnun þessarar hafnar, nú erum við farin að sakna hans.

Áfram Ísland

Eyjamenn sýnt langlundargeð

Frábærar fréttir?

Einhversstaðar heyrði ég að það  væri skref í rétta átt ef að mönnum tækist að koma rafmagni á kjarnaofnana. Það væri þá von um að menn næðu tökum á kælingu og öðru sem þessu bákni tilheyrir - vona svo sannarlega að það sé rétt - nægar eru jú hörmungarnar fyrir. Tek það fram að ég er ekki sérfræðingur í þessum málum en heyrðist á einhverri erlendu sjónvarpsstöðinni í kvöld að það gæti verið gott og mikið skref í rétta átt að koma rafmagni á - vona að svo sé.

Tókst að tengja rafmagn við Fukushima

....og heimurinn horfir á

Alltaf umdeilanlegt hvenær grípa á inn í ákveðin ferli, en andskoti er ég hræddur um að karlinn linni ekki látum fyrr en búið verður að þurrka liðið útaf kortinu.  ......ef umheimurinn gerir ekkert núna þá þegir hann í smástund, en byrjar svo að kaupa af Gadaffí olíu og selja honum vopn!!!!!

Hótar árásum á Benghazi í nótt

Til hamingju Gunnar Heiðar

Það verð ég að segja eins mikið og mig langaði til að sjá kauða í ÍBV-búningnum í sumar að þá "lýst mér betur" á þetta. Það er ekki hægt að vera að koma heim að spila þegar svona möguleikar standa manni til boða. Vona bara að allt gangi vonum framar í búningi félagsins. Sá kappann spila með Halmstad þegar best lét á sínum tíma, árið eftir að ég náði samkomulagi við Halmstad um söluna á honum þangað, vona bara að svipaðir tímar snúi aftur fyrir þig á sænskri grundu. Gott líka ef þjálfarinn þekkir þig og veit hvað í þér býr, það hjálpar.

Megi þér ganga sem allra best. ÍBV er ekki að fara neitt, þannig að þú kemur bara til okkar eitthvað síðar á ferlinum, og verður velkominn.

Gunnar Heiðar samdi við Norrköping

Óþarfa panik!!!!

Í guðanna bænum farðu nú ekki að draga hina pólitísku panik inn í íþróttahreyfinguna Ívar. Við töpuðum og við unnum. Það gerist. Þetta var ekki okkar dagur þarna í Þýskalandi. Liðið er gott það vitum við en þeir sem draga vagninn verða ekki yngri með árunum og kannski þarf að fara að spila öflugu B-liði í nokkra leiki svona til hliðar við A-liðið til að móta menn fyrir framtíðina. Svo gæti farið að við misstum af bæði EM og Ólympíuleikunum en ég hef þá trú að við missum í versta falli af ólympíuleikunum. Við vinnum þessa 2 leiki sem að við eigum eftir í riðlinum fyrir EM og það mun koma okkur áfram. Í úrslitakeppni EM þurfum við svo að taka með okkur 4-5 yngri spilara sem eiga að taka svo við kyndlinum.

Förum ekki á taugum  - það er ekki sjálfgefið að við séum alltaf á meðal þeirra bestu, öll lið ganga í gegnum lægðir.

Hvað er á seyði hjá íslenska landsliðinu?

Ský fyrir sólu

Það er ekki mikil birta frá mínum mönnum þessa dagana. Það eina jákvæða við leikinn í gær var að Steve Nash kom aftur inn í liðið. En tap og menn komnir í 50/50 hlutfall og því en á brattann að sækja ef að menn dreymir um úrslitakeppnina. Hornets einmitt síðasta lið inn ef ég man rétt, eins og staðan er núna,  og með þessum sigri bættu þeir bara stöðu sína. Held að mínir menn geti farið að huga að því hvað þeir ætli að gera þegar sumarleyfin hefjast já þeim liðum er ekki komast í úrslitakeppnina.

Allt í sóma í Oklahoma

Góðir hlutir gerast hægt!

Þetta verður allt í lagi þegar fram sækir. Menn þurfa bara að sýna örlítið meiri þolinmæði, veit að það er erfitt hjá mörgum, sérstaklega þeim sem stöðugt er á þvælingi milli lands og Eyja en fyrir mig sem fer þetta kannski 2-3 á ári þá veldur þetta ekki miklum truflunum. Hef einu sinni notað höfnina fram og til baka og þvílíka bótin sem þetta er, ég ætla ekki einu sinni að reyna að lýsa því. Bið fólk að sýna örlítið meiri biðlund, vera í góðu skapi og vera tilbúið að takast á við framtíðin í samgöngumálum okkar Eyjamanna með bros á vör. - það er svo miklu auðveldara.

Bjartsýni ríkir um Landeyjahöfn

Sir Shut your mouth!!!

Hefði nú ekki búist við svona hörðum dómi, en kannski er það
réttlætanlegt var hann ekki á skilorði? Þetta kennir karli kannski að
hafa hægt um sig á næstunni, þó ég sé ekkert sérstaklega að reikna með
því.  Einn skrautlegasti gaurinn á svæðinu sir Alex og aldrei lognmolla í
kringum hann. Er þegar farinn að kvíða þeim tíma þegar karlinn sest í
helgan stein.

Ferguson úrskurðaður í fimm leikja bann

Van der Sar ótrúlegur

Það verð ég að segja að ég er mest hissa á að hann skuli bara ekki fara fram á að liðið fái að sitja hjá!!!! Hélt að hann vildi vera öruggur áfram í keppninni þá er nú um að gera að fá Tottenham eða Chelsea í 8 liða úrslitunum.  Annars held ég að United fá lið frá austur-Evrópu í þessum drætti.

Van der Sar: Ekki Chelsea eða Tottenham

Sveðjur og spjót

Það er ég ansi hræddur um að allskyns svona yfirlýsingar eigi eftir að koma í bakið á mönnum í Evrópu, já og víðar, þegar um allt losnar í þessum löndum. Vesturlandaþjóðir búnar að moka í hina og þessa sjóði hjá valdhöfum, sem kúga fólkið í sínu landi, og jafnvel einhverjir af valdhöfunum lagt eitthvað á móti í sjóði eins og þarna um ræðir. Það gæti því margt miður skemmtilegt, ja allavega fyrir suma, átt eftir að koma fram í dagsljósið á næstunni.

Segir að Líbía hafi fjármagnað kosningabaráttu Sarkozy

Spurning um að finna.....

....númerið hans og hafa í simaskránni svo menn geti hringt í hann þegar næst á að boða saman landsliðshópinn. Hlýtur að vera svigrúm fyrir ný andlit eftir skandalinn í Þýskalandi um síðustu helgi

Enn einn stórleikurinn hjá Gunnari

Engin trú!

Hef enga trú á árangri að þessu hjali í stjórnarráðinu svona snemma morguns. Hef trú á því að vasaklúta safn Villa vasaklúts klárist  að fundi afloknum. Svo er nú líka málið að það má ekki bara horfa á ríkisstjórnina, þó hún sé mikilvæg. Ég er ansi hræddur um að fólkið í landinu vilji sjá alvöru hækkanir á launum í kjölfar þess sem á undan er gengið.

Ganga á fund ríkisstjórnarinnar

Eiður fær ekki byr í seglin

Óli Jóh. fyrrverandi þjálfari Skallagríms í Borgarnesi sleppir því að velja Eið Smára þar sem hann hefur átt erfitt uppdráttar í vetur, já og reyndar síðustu 2 vetur þar á undan. Ætli það verði til að auðvelda Eiði Smára baráttuna hjá Fulham að vera ekki valinn í landsliðhópinn hjá þjóð sem er númer 100 og eitthvað á heimslistanum?  Kannski að það hefði hjálpað Eiði Smára að vera valinn, fá að spila og öðlast smá trú á sjálfum sér.

En hlakka mikið til að sjá hvernig liðinu gengur í þessum leik ákaflega mikilvægur leikur fyrir okkar menn. Megum alls ekki tapa þessum leik.

Ólafur: Eiður hefur átt erfitt uppdráttar