Rykið dustað af.....

Get ekki sagt að þetta komi mörgum á óvart. Það verður forvitnilegt að sjá hvernig Dalglish tekst að mótivera mannskapinn fyrir leikinn gegn Man. utd. Skammur tími en fyrsti leikur eftir skipti er oft góður - reynir kannski meira á karakterinn í liðinu en stjórann í þessum leik.

Mér hefur alltaf þótt einn merkasti árangur Dalglish þegar hann gerðir Blackburn Rovers að meisturum, maður er ekki að sjá marga leika slíkt eftir. Vonandi gengur þessum mikla meistara betur en vini mínum Roy Hodgson. Kannski að hann taki starfið til frambúðar?

Hodgson farinn - Dalglish tekur við

Er þetta ekki sama og sagt.......

...var annarsstaðar þar sem svona stofnfjáraukningar áttu sér stað? Menn lánuðu stofnfjáreigendum á kostakjörum, sem jafnvel hinn almenni viðskiptavinur fékk ekki og svo framvegis Menn voru um það bil að detta í lukkupottinn. Enginn er þó ábyrgur fyrir þessum gjörðum. Auðvitað verður hver og einn að taka ábyrgð á sínum gjörðum, spurnignin er kannski frekar hversu heiðarlegur var aðdragandinn og uppbyggingin af hálfu þeirra er fóru með ferðina. ...eða voru þeir alveg blindir á hvað var að gerast í kringum þá?

Sagt nánast áhættulaust

Kommúnistaríki?

Maður veltir þessu fyrir sér að hér tala menn alltaf um svona eftirlitsþjóðfélög sem kommúnistaríki. Er USA að verða eitt af þeim? Eða er hættan af orðum Birgittu slík að hún jaðrar við þjóðaröryggi?Get ekki ímyndað mér það og orð einhverrar konu á íslandi geta vart orðið kjarninn í svona máli. Trúi því ekki að yfirvöldin í landinu sem segist vera fánaberi réttlætis og tækifæra til handa öllum gangi svona langt.

Svona umræða minnir mig oft á það sem sagt er hér í Eyjum: Ekki gagnrýna íhaldið þú færð það í bakið. Hef aldrei skilið þetta svo hafa þóst getað bent á eitthvað hér eða þar. Það skondna við þetta er að hingað í smiðjuna kom brottfluttur sjálfstæðismaður í vikunni og sagði að Eyjar væru mesta kommúnistabælið á landinu!! Skondið hvernig menn sjá oft hlutina öðruvísi úr fjarlægð - en þetta er útúrdúr.

En það er með Birgittu eins og t.d. Geir H Haarde vegna Landdóms,  ef að þetta fólk hefur ekkert að fela þá á það ekki að hræðast það að einhverjir skoði þeirra orð og gjörðir. Er ekki gott að fá andrúmsloftið bara hreinsað í eitt skipti fyrir öll og standa uppi sem sigurvegari. Eða er það svo að þetta fólk treystir ekki réttarkerfinu?

Twitter gert að afhenda öll skilaboð Birgittu

Sagnfræði klúbbur?

Rauðu herinn á merka sögu að baki. Einn merkasti klúbbur sem að England hefur alið af sér og á köflum í sögunni voru þeir risar sem vart voru snertanlegir. Það á þeim tímum þegar ekki voru einhverjir ríkir útlendingar, ja eða falsarar eins og komu að West Ham,  komnir í stjórnir að dæla peningum í tóma sjóða félagsins til að reyna að halda því úti heldur þegar menn ráku þetta af "meiri skynsemi" en gert er í dag.

Aldrei hef ég verið Liverpool maður en hef tvisvar orðið þess heiðurs aðnjótandi að fara á leiki á Anfield og ef frá er talin St. James's Park í Newcastle þá hef ég hvergi upplifað aðra eins stemningu, hef samt komið á einhverja 30 velli. Þetta hefur mér alltaf líkað við Liverpool. Verkamannaborg sem þekkt var, og er jafnvel en, fyrir að menn voru fastir fyrir og verkföll og annað voru ekki óþekkt fyrirbæri í borginni - en ætla ekkert að ræða það um of enda þekki ég það ekki alveg nógu vel.

En það sem ég er að reyna að segja að eins og staðan er í dag þá er þetta spurning hvort að Liverpool er að verða klúbbur sem lifir á fornri frægð, sagnfræði klúbbur,  eða hvort hann muni rísa upp aftur og ná svipuðum hæðum og hér á árum áður.

Sem stuðningsmaður Brighton and Hove Albion langar mig að skella hérna inn skemtilegum myndskeiðum frá þeim tímum er Liverpool var það besta sem þekktist í Englandi.

 

Fann Liverpool-lag frá 1907

Þetta var snilldarskaup

Bráðskemmtilegur húmor og beitt ádeila einkenndu kaupið og annað árið í röð hittir maður nánast ekkert nema fólk sem er yfir sig ánægt með skaupið og þá óháð stétt, stöðu, pólitískum siðum og matarvenjum. Það voru þarna frasar sem munu lifa - hafði alveg gleymt að þakka þeim er að skaupinu stóðu - takk fyrir mig. Veit að menn töluðu um að láta þessi tvö skaup duga en með þennan stuðning á bakinu væri alveg þess virði að setjast yfir gerð þess þriðja.

75% áhorf var á Skaupið í fyrra

Shit

Maður vonaði auðvitað að til svona hörmuna kæmi ekki en því miður er þetta staðreynd - skelfilegt alveg hreint. Meira að segja hérna í Eyjum í morgun var mikið sand/öskufok. Fór í ræktina og labbaði framhjá nokkrum bílum rétt fyrir 11 labbaði síðan framhjá þeim aftur  12.30 og þá var komið gott lag á þá hafði bætt vel á á þessum 90 mínútum rúmlega. Það er nú svo sem ekkert nýtt að hingað berist sandur ofan af landi það hefur gert það  frá því að ég man eftir mér í þessum norðan áttum en núna er náttúrulega askan í bland. 

Auðvitað er gríðarmikið uppgræðslustarf óunnið þarna á sandinum en svo held ég að það sé nú nokkuð ljóst að menn komast nú aldrei alveg í veg fyrir þetta þá þarf að taka ærlega til hendinni óg bæta það sem hægt er að bæta

Bílar skemmdust í sandfoki

Mogginn að meika það?

Get ekki að því gert en mér finnst þetta kostuleg skrif hjá blaðamanni:

 Henao var á lista alþjóðalögreglunnar Interpol yfir 10 eftirlýstustu konurnar.

Eftirlýstustu!! er þá einhver meira eftirlýstur en annar? Ég hélt að fólk væri flokkað eftir því hversu alvarlegir glæpirnir eru. En þarna er látið líta út eins og hún sé ein af þeim sem hvað oftast hefur verið lýst eftir!!!

Amfetamíndrottning framseld til Bandaríkjanna

Þessu ber að fagna þó....

....svo að ég hefði viljað sjá hann vera að skrifa undir hjá ÍBV til 2000 og eitthvað á þessum tímamótum. Hefði getað séð fyrir mér að hann væri jafnvel að verða sparisjóðsstjóri eða eitthvað álíka hér í Eyjum. Til hamingju með þetta Birkir klárar þetta kannski með ÍBV í efstu deild 2012-1013 tímabilið

Magnaður leikmaður Birkir Ívar. Topp eintak sem persóna og einn af þessum köppum sem eru svo góðar fyrirmyndir fyrir þá sem yngri eru, alveg sama í hvaða íþrótt er. Þarna er nefnilega á ferðinni leikmaður sem leggur sig alltaf 100% fram, veit að árangur kemur ekki af sjálfu sér heldur þarf að sá til að uppskera. það eru svona kappar með þetta hugarfar sem veita öldnum jöxlum eins og mér ánægju. Strákur sem að maður hefur fylgst með í gegnum árin og hefur séð hvað hann er að leggja á sig í baráttunni og án þess að sjá eftir því. Til hamingju Haukamenn með þetta, og til hamingju með að vera að hlúa að ungviðinu, það mun skila sér.

Birkir Ívar hjá Haukum til 2012

Leiknum frestað!

Vangaveltur eru nú uppi í Englandi um það að Liverpool hafi beðið um að fá leiknum frestað gegn United!!! Menn hræðast það að verða niðurlgæðir af liði Ferguson og það vilja þeir ekki svona í upphafi árs!!

nei annars veit ekkert um þetta en nú helgina fá leikmenn Liverpool tækifæri til að sýna að eitthvað sé í þá spunnið..... það fer hver að verða síðastur í því á þeim bænum.  Hlakka til að sjá hver niðurstaðan verður.

Liverpool aflýsti fréttamannafundi

Beckham á ferð og flugi

Það verður á ekki á kappann logið, ja eða þau hjónin, endalaust á ferð og flugi yfir Atlantshafið. Yrði  vissulega kostur fyrir Spurs að fá Beckham, nema fyrir honum fari eins og Eiði Smára þ.e.a.s. að hann verði bara til uppfyllingar hjá Harry Redknapp.Held nú að Harry ætli Becks stærra hlutverk en hann ætlaði Eiði Smára og held að Becks sé hugsaður til þess að reyna að festa liðið inni á topp 3.

Það verður eitthvað hljóðið í stuðninsmönnum L.A. Galaxy þegar þetta verður klárt.

Spurning er hvort Beckham hjónin séu að flytja heim til Englands nú á næstunni því eins hversstaðar sá ég að peyjarnir væru nú skráðir í skóla í Englandi, hvort sem það er nú rétt eða ekki.

 

e.s. Mætti líka laga þarna í greininni þar sem stendur:

... um helgina en hann kæmi þá til Lundúnaliðsins að láni frá LA Galaxy í tvo til mánuði.

Beckham færist nær Tottenham

Gæti fengið, hefði fengið og svo frv.

Vá hvað þetta eru orðnar pínlegar fréttir af drengnum. Liggur við að mér finnist blaðamenn komnir í einelti á kappann. Er ekki nóg að fá svo bara fréttir þegar og ef hann spilar, ekki einhverjar tréverks fréttir.

Svo er bara vonandi að hann skipti um lið og fari í lið sem þarf virkilega á honum að halda, og hann standi sig svo eins og hetja. ......koma svo drengur

Eiður gæti fengið tækifæri

2007 eltir menn lengi!

Stofnfjáraukningar í hinum og þessum Sparisjóðum alndsins fóru nánast allar út um gluggann, og vel það. Kannski ekki alveg rétt að segja það ef að þessir hlutir braggast einhvern tíma í framtíðinni en virði bréfanna er víða búið að keyra niður í nánast ekki neitt. Hef nú ekki heyrt hvað þetta eltir menn lengi hér í Eyjum, en væntanlega er það svipað þessu ef hlutirnir hafa verið gerðir á sam hátt

En hér finnst mér það sorlegt að vestmannaeyjabær sé að kaupa sí sjóðnum að því er mér skilst fyrir yfir 100 miljónir. Verður gaman ef að bærinn ætlar að fara að koma að öllum fyrirtækjum sem lenda í vandræðum, maður hlýtur þá að fá aðstoð ef til þess kemur.  Jú jú það má vel vera að bærinn græði á þessum bréfum einhvern tíma, þ.e.a.s. ef að leyfirlegt verður að selja þau, en á bærinn að vera að leika sér svona með peninga bæjarbúa? Á bærinn að vera að blanda sér í rekstur fyrirtækja í bænum?  gaman verður að sjá hvernig verður svo skipað í nýja stjórn Sparisjóðsins varla heldur sama fólk í stjórnartaumana áfram eftir niðurstöðu síðustu ára, alveg burtséð frá því hvort hlutirnir hafi komið mönnum á óvart eða ekki.

Borgi 50.000 á mánuði fyrir tapað fé

Hafa rafmagn....

...en ekki álver!

Vonandi fer veðrið að ganga niður þarna svo hlutirnir komist á eðlilegt ról.

Húsvíkingar með rafmagn