Hvenær hefjast aftökurnar?

Ég velti en fyrir mér hvenær aftökurnar á embættismönnum, bankamönnum og öðrum er mögulega tengjast því að gengistryggðu lánin fóru á flot hefjist. Hvenær verða þeir sem ekki stóðu sig betur ívinnunni en svo að hér viðgengust ólögleg lán í mörg ár látnir sæta ábyrgð? Fylgir kannski engin ábyrgð störfum hjá ríki og bönkum?

Vel rekin fyrirtæki falla einnig

Sjónvarpsrétturinn!

Ég bara velti því fyrir mér hvar þetta verður sýnt? Leikir Íslenska liðsins hljóta að vera sýndir í beinni svo við á landsbyggðinni getum notið þess að horfa á þetta í þægilegum sófa heima við.

Ísland á heimavelli á EM í futsal

Maður verður hugsi......

....og sífellt meira hugsi. Er maður á röngum stað á jarðskorpunni?

Viðtalið við konuna í Kastljósi í gær og sagan sem hún sagði fékk mig til þess að halda að megnið af hyskinu vinni hjá bönkunum - saga hennar var með ólíkindum.

Staðan er skelfileg, eins og við höfum vitað lengi. Sumir fóru óvarlega aðrir ekki en það ótrúlega er að þeir sem fremstir fóru og tóku stöðu gegn þjóðinni labba en um á lakkskónum eins og ekkert hafi í skorist. Í bönkunum er  í dag jafnvel sama fólkið að berja á fólkinu sem að það plataði lánin inná. Nú er það ekki sleikjugangurinn og skýjaborgirnar sem talað er um heldur helvíti og þeir er þar eru sagðir búa og svo framvegis. Ekki hefði ég sómatilfinningu í að vinna svona vinnu - svei mér þá.

Svo er níðst á litlum fyrirtækjum, bankarnir jafnvel búnir að vera að reka stór fyrirtæki í samkeppni við þau. En eigendur litlu fyrirtækjanna reyna að sleppa við höggin frá bönkunum en gengur misjafnlega. Á sama tíma eru afskrifaðir jafnvel 50 milljarðar hjá sumum heyrir maður og þeir stjórna en sínu.  Hefur einhver af þessu fólki heyrt talað um réttlæti? Get ekki sagt að mér sé kannski illa við allt þetta fólk en hvar er sóma tilfinningin? Hvar er sanngirnin? Hvar er heiðarleikinn? Hvar er samviskan?

Baráttu kveðjur til þeirra er eiga erfitt vegna þessara mála.

Hugsið ykkur staðan er svona og þingheimur getur ekki einu sinni ákveðið hvort þau geti greitt atkvæði um það hvort einhver hafi brugðist í aðdraganda hrunsins, það þarf ekki endilega að fangelsa heldur ávíta fólk sem ekki var á tánum. Þingmenn geta sagt já eða nei eftir eigin sannfæringu en þora því ekki, reyna að svæfa málið.

Fjöldi heimila á uppboð

Guð blessi Ísland!

Hvað er þetta með þetta lið þana á Alþingi? Það þorir ekki að greiða atkvæði um mál af því að það er hrætt um að vinna ekki atkvæðagreiðsluna og nú verða allar aðgerðir og aðgerðaleysi sett undir þennan hatt og væntanlega þingmannanefndir skipaðar um hverja færsluna á fætur annarri.

Veit formaður Sjálfstæðisflokksins en að þjóðin stendur en á braðfótum eftir afrek undangenginna ára. Og gerði það væntanlega en þó svo að hann færi með ferðina.

Miklu frekar vildi ég fá að heyra mat hans á t.d. sögunni sem konan sagði í Kastljósi í gær. Hvað honum finnst um afskriftir til handa stórum aðilum sem samt eiga að halda sínu og svo framvegisþ

Menn eiga bara að drífa í að greiða atkvæði í þessu blessaða máli varðandi þessa 4 ráðherra. Niðurstaðan kemur svo bara í ljós og þá tekur við eitthvað annað ferli sama hvort sekt eða sakleysi verða niðurstaðan.

Það er held ég kominn tími á: Guið blessi Ísland á ný - því ekkert hefur breyst. Ætli maður geti orðað þetta sem svo: Guð opnaðu hlerann!!!

„Alvarleiki draup af andlitum“

Að láta sig dreyma um betri heim!

Kannski var það það sem að fulltrúar Íslands voru að gera þarna og það undir orðum harðstjórans Robert Mugabe. Hefur þá kannski verið líkara martröð ef að Mugabe sjálfur var með í draumnum!!!!

 

Dottuðu undir ræðu Mugabe

Endilega hrekjum hana af landi brott!

Hverslags rugl er þetta eiginlega? Er ekkert mannlegt orðið eftir í þessu kerfi? Jussnam da Silva varð náttúrulega 3 flokks borgari um leið og hún skyldi við manninn sinn!!! Hverslags skekkja er þetta eiginlega í nútíma samfélagi?  Mér finnst í lagi að mann hafa varann á varðandi svona atvinnuleyfisveitingar en hefur ekki þessi elska verið að vinna hér undanfarin misseri og staðið fyrir sínu og vel það? Þó svo að hún hafi skilið við mann sinn þá finnst mér þetta ekki alveg ganga.

Trúi ekki öðru en að menn kippi þessu í liðinn. Eða vilja menn kannski fá svona "græna korts" giftingu til að geta látið hana hafa atvinnuleyfi?

Starf Jussanam er sérhæft

Hið besta mál

Nú er bara að láta sökudólagana borga og læra af mistökunum.

Veit að við Eyjamenn lærum af þessu spurning með KR-ingana

KR og ÍBV fengu sekt

Air air

Samkvæmt Matthíasi Imsland er sem sagt óhætt að kalla Icelandair Air-air. Ef staðan er svona eins og þarna er sagt þá hlýtur maður að spyrja sig hvað var framtakssjóður Lífeysisjóðanna að spá og spekúlera með þessum kaupum? Loft er ekki orðið svona dýrt!

Önnur spurning sem að vaknar er sú, já og er varðandi framtakssjóð Lífeyrissjóðanna, er sú hvort að fólkið í stjórn þess sjóðs hafi séð sæng sína útbreidda í að verða að fjárfesta í einhverju í atvinnulífinu?  Ég hefði haldið að fyrir eþnnan sjóð væri það happafengur að vera bara að berajst um bitana en tapa þeim. Með því væru þeir ekki að eyða fé úr sjóðum Lifeysissjóðanna út í bláinn og menn gætu þá bara ávaxtað féð á skynsaman áhættulausan hátt. Það hefur ekki hvarflað að neinum?

Mín skoðun er enn sú að Lífeyrissjóðirnir eiga ekki að vera úti í atvinnulífinuá þann hátt sem menn eru þarna að gera.

Icelandair fullt af lofti

Hingað og ekki lengra

Þetta er nú ekki flókið. Málið á hvorki að fara til hægri né vinstri heldur beint í atkvæðagreiðslu. Það á ekki að flækja þetta neitt frekar. Menn eiga að vera búnir að kynna sér þetta nóg og nú á bara að greiða um þetta atkvæði og þá bara um hvern og einn einstakling fyrir sig. Ekki flókið.

En ekki reikna með neinu öðru en ruglið haldi áfram og verði þingheim til vansa.

Atkvæðagreiðsla um hvert málið fer

Það getur ekki verið í húfi.....

....sem löngu er horfið. Það er tregara en tárum taki að horfa upp á menn og konur tala um að trúverðugleiki Alþingis sé í húfi í þessu máli. Bjarni Ben. Jóhanna Sig og fleiri eru fyrir margt löngu búin að jarða það litla sem eftir var af trúverðugleika Alþingis. Þetta fólk er greinilega komið lengra úr sambandi við íbúa þessa lands en mig óraði fyrir. já já ég veit þau voru komin langt í burtu en eru núkomin í ljósára fjarlægð.

Þetta fólk þyrfti að heyra hvernig er talað um það og vinnubrögð þess eftir að þessi skýrsla kom út. Útkoma hennar var svona eins og eftir úrslitaleik í Heimsmeistaramóti á Ítalíu eða annarsstaðar í Suður-Evrópu, já eða Suður-Ameríku. Fólk flykktist út á götur í búningum síns flokks og byrjaði að gaspra og góla það var hann en ekki þessi og svo framvegis - algjörlega áttavillt umræða. Þeir sem voru í brúnni þegar þjóðarskútunni var strandað kenn áhöfninni um sem var á skipinu þar á undan og svo framvegis. Hvernig í ósköpunum ætlast fólk til þess að nokkur trúverðugleiki sé í boði handa fólki sem getur ekki verið fagmannlegra í sínum störfum eftir útkomu skýrslu þingmannanefndarinnar?

Best hefði bara verið að gefa vikufrí á þingi. Allir heim að lesa skýrsluna og svo bara mætt og greitt atkvæði ekkert svona karp um ekki neitt. Bara láta fólk gæla við sína eigin samvisku, já og tuða með sínu fólki úti í horni og koma svo og skila sínu atkvæði.

Trúverðugleiki Alþingis í húfi

Ekki bara reiði innan VG

Það er líka mikil reiði úti í samfélaginu yfir þessari endaleysu sem er í gangi á þingi. Þetta fólk virðist vera gjörsamlega óhæft til að taka á nokkru máli. Þjóðin er orðin virkilega pirruð út í þetta lið sem það eitt virðist kunna að pissa í skóinn sinn.

Jóhanna Vigdís Hjaltadóttir þingfréttaritari kom með ágætis pistil um þetta á RÚV i morgun. Í ljósi þess sem hún fór yfir og sagði er það sífellt að koma betur og betur í ljós að Alþingi er óhæft til að taka á þessu máli.  Þetta mun því bara fjara út eins og svo mörg önnur þjóðþrifamál í þessu samfélagi.

Mikil reiði innan VG

Að pissa í skóinn sinn

En og aftur verða stjórnmálamenn á Íslandi eins og kettir. Nú er sjálfur kattasmalinn kominn búinn að pissa í skóinn sinn. Hvatti til þess að þessi mál yrðu krufin til mergjar, tók þátt í að setja á laggirnar nefnd sem átti að skoða málin og koma með tillögur eftir forskrift þingsins.

Niðurstaðan er komin og hvað gerist? Jú nú stígur hver kötturinn fram á fætur öðrum og þykist vera varðhundur og geltir í áttina að nefndinni.

Hvar endar þessi hringavitleysa eiginlega?

Efins um stuðning við ákæru

Eins og lauf í vindi!!!

Þingheimur sérstraklega þeir er hafa setið lengur en tvo vetur ef svo má að orði komast eru margir hverjir komnir í varnarstellingar, fyrir sig og vini sína og félaga! Þess vegna verður framhaldið fróðlegt, já og jafnvel pínu kjánalegt.

Ég sé ekki endilega að það eigi að dóma þetta lið en það er nokkuð klárt að það þarf að ávíta þetta lið, þó ekki væri nema þeim er á eftir koma til varnaðar. Það gengur ekki að við fáum aftur eitthvert gengi í stjórnarstólana sem gleymir að sinna skyldu sinni og halda vöku sinni við yfirstjórn samfélagsins. Það held ég að hljóti að vera sá lærdómur sem að við viljum draga af þessu. Hvort sem þetta nær aftur til 1999, 2003, 2007 eða hvaða ár sem menn viða með. Það er aga og festuleysi sem þarf að taka á og ávíta fólk fyrir skaðinn er skeður og rúmlega það.

Gagnrýnir málsmeðferð