Bull er þetta!

Menn búnir að svitna við að mæra danska liðið undanfarna daga, lið sem er svo vart betra en það íslenska í þessum leik. Áttu að vísu hættulegri færi en ekki var það svo sem mikið meira en það. En samt átti Birkir sennilega besta færið en svona er boltinn og við verðum bara að sætta okkur við tapið. Þegar talin verða saman færin verður sennilega ekkert ósanngjarnt að sjá stigin fara til Dana þó vissulega sé það svekkjandi. Ef menn nýta ekki færin sín þá eiga þeir lítið skilið úr leikjunum.

Það er aftur á móti gleðiefni að sjá þær framfarir sem íslenska liðið hefur sýnt í tveimur síðustu leikjum eftir hörmungina þar á undan. Nú er bara að koma vel stemmdir til leiks gegn Portúgölum í byrjun næsta mánaðar. Portúgalir virðast eiga erfitt með að komast í gang og því er vonandi að við náum að stríða þeim ærlega.

Vona að Maggi Gylfa sem var gráti nær á stöð 2 sport núna áðan nái því að sofna í kvöld. En þeir sögðu þar að við gætum tekið helling með okkur úr þessum leik - ég veit það ekki snýst þetta ekki um að safna stigum? Við fengum ekkert úr þessum leik og fáum varla héðan af.

Grátlegt tap gegn Dönum á Parken

Ótrúlegt...

....og í raun skammarlegt fyrir Vegagerðina og aðra er þessu tengjast að ekki skuli hafa verið búið að ganga frá samkomulagi um að hægt væri að sigla til Þorlákshafnar fyrir löngu. Það reiknuðu flestir, ja ef ekki allir, með því að til þess gæti komið að sigla þyrfti til Þorlákshafnar og því áttu þessir hlutir að vera á hreinu fyrir löngu. Blýantsnagarar fá ekki plús í kladdann fyrir að hafa ekki verið búnir að ganga frá þessu. ...en nú er þetta komið í farveg fyrir það ber að þakka.

Herjólfur til Þorlákshafnar

Sérkjör?

Önnur kjör?  Engin kjör?

Hvar draga menn línuna þegar kemur að svona kjörum á hinu og þessu? Eiga allir að sitja við sama borð? Eða er þetta duttlungum háð? Eftir hverju á að fara? Á kannski að kíkja á nafn fyrirtækisins?, veltu? Aldur?  á kannski að semja um sérkjör útaf efnahags- og atvinnuástandi? Hvernig bakka menn svo út úr þeim kjörum?

Fyrirtæki hætta við verkefni í Verne Holding

Auðfengin stig þá

Þetta auðveldar okkur bara að ná í þessi 3 stig sem í boði eru. Sommi Sir var ein stærsta hindrunin í veg okkar fyrir því að þeta gengi eftir og því grátum við þetta ekki.

Annars hefur mér fundist alveg sérstakt í umfjöllun í aðdraganda þessa leiks hversu mikið menn eru að velta sér upp úr því hversu góðir Danirnir eiga að vera og að við eigum ekkis éns og ég veit ekki hvað.

Hvar er 2007 hrokinn hjá mönnum? ...leikurinn byrjar eins og aðrir leikir 0-0 og þaðan leggjum við af stað og aðeins með eitt að leiðarljósi og það er að vinna leikinn, allt annað er óásættanlegt, löngu kominn tími á að sigra þessa gömlu herraþjóð!!!

Sørensen úr leik hjá Dönum

Háklassa mella gerir það gott?

Jenny Thompson er sögð hafa sængað hjá þeim nokkrum úr úrvalsdeildinni. Þannig að einhverjar haf tekjurnar verið því ekki var hún ódýr þessi elska samkvæmt fyrstu fréttum af málinu. Talað hefur verið um að mönnum hafi verið heitið því að þögn myndi ríkja um þetta og þessu ekki verða lekið í fjölmiðla af henni, einhversstaðar las ég að það hefði verið skilyrði - hvort sem það er rétt eða ekki. Það er hins vegar ljóst að þessar stúlkur geta gert góðan bisness úr tuðruspörkurum það hefur marg oft komið í ljós og á örugglega eftir að koma í ljós oftar.

Það sem ég er aftur á móti að velta fyrir mér er hvort að það hafi sé farið að fækka viðskiptavinunum og því hafa þessi elska farið þessa fjölmiðlaleið til að drýgja tekjurnar á ný!! - hver veit?

Ástkona Rooney með þrennu?

Falleg sýn Haraldar!

Ætla ekkert að setja út á sýn Haraldar af því að ég tel hana ekkert ósennilegri en margt annað í þessum heimi, og finnst hún síður en svo verri en margt annað. Víst er að framburðurinn mun skapa þarna nýtt umhverfi með tímanum, og höfnin mun hafa þar einhver áhrif . Svo gæti líka gosið á svæðinu og það gjörbreytt mynstrinu.

Þetta gerist nú ekki á þeim tíma sem ég verð ofan jarðar nema að náttúran muni allt í einu ýta á "fast forward" og ferlið gangi hraðar fyrir sig en nú er. sumsstaðar étur sjórinn sig inn í landið, rétt eins og sunnan við Vík í Mýrdal og ég held að við séum líka að horfa á að geti gerst suður á Heimaey og Stórhöfði gæti skilist frá Heimaey. Það getur margt gerst í blessaðri náttúrunni og oft á tíðum, sem betur fer, fær mannskepnan ekki við neitt ráðið.

Mun Bakkafjara umlykja Eyjar?

Úlfur, úlfur.....

..að ástæðulausu.

Þá er búið að þagga þetta niður - hið besta mál - Þá er bara að koma á tíðari ferðum á dýpkunarskipi í Landeyjahöfn.

Vestmannaeyjabær ekki í fjárhagsvanda

Þá hlýtur...

...önnur hvor konan að hreppa hnossið! Var það ekki kerfið sem verið var að reyna að koma á? Ekki endilega sá hæfasti heldur sá vinveittasti!!! Engin ástæða til þess að fara eftir þessari Dómnefnd!!!  ....Nema að menn ætli nú að reyna að breyta af þeirri slóð er áður var fetuð!

Viðar Már og Þorgeir metnir hæfastir

Glæsilegt - til hamingju

Flott að enda sumarið á ða krækja i dolluna sjálfa. Gengið hefur var gott í riðlakeppninni, flogið í gegnum undanúrslitin og nú þetta. Eins og það hafi ekki verið nóg þá náðu þessar elskur alla leið í undanúrslit í Visa-bikarnum þar sem að þær töpuðu fyrir Stjörnustúlkum, sem að þær munu nú berjast við í Pepsi-deildinni næsta sumar.

Til hamingju stelpur, Jón Óli og öll þið er að þessu komið

Áfram ÍBV  alltaf allstaðar og um alla eilífð

e.s. nú er vika í slaginn gegn KR í Pepsi-deild karla, bið Eyjaskeggja um að byrja andlegan undirbúning strax eftir Hvaleyjar á RÚV í kvöld. Sjónvarpsvísir verður með sérstaka "umfjöllun" um KR-inga í þessari viku!!!  Athugið að uppselt er orðið með Herjólfi til lands eftir leik á sunnudaginn

ÍBV sigurvegari 1. deildar

Bjart yfir flugeldum, en bæjarkassanum?

Er nema von  að fólk velti þessu upp eftir umræðu síðustu daga?

Myndbandið kemur fréttinni ekkert við.

Bjart yfir flugeldum í Reykjanesbæ

Rooney í tjóni - linkur hér + meira

Þetta eru leiðindasögur af meistara Wayne Rooney. Maður getur svo sem lítið tjáð sig umþetta mál en hér er linkur á frétt Mirror

...og svo þessi bráðskemmtilega Nike auglýsing með Rooney

Óvissa með Rooney vegna blaðaskrifa

Áfram Þór!!!

Skrýtið að segja þetta en það vona ég svo sannard að þessu sinniega að Þórsarar komist upp í efstu deild. Finnst alveg kominn á það og ekki myndi ég gráta það þó að Leiknismenn myndu fylgja þeim upp. Leiknismenn ekki verið þarna áður og veit ekki með ykkur en mér finnst alltaf gaman þegar ný lið skrá sig á spjöld sögunnar. Félagi Guðlaugur og hans menn hjá ÍR eru alveg úr leik og eru væntanlega bara byrjaðir að spá í jólainnkaupim,

Víkingur og Leiknir efst í 1. deild

Go Villi

Það gleður mig að sjá að langhaluparinn Vilhjálmur Bjarnason, fyrrverandi bankastjóri í Vestmannaeyjum er á tánum og neitar að láta þetta lið sem tók þátt í að fara með þjóðina í ruslflokk standa upp frá borðinu án þess að reynt sé að halda því niðri.

Svo er náttúrulega grátlegt að sjá að hjá sumu þessu fólki sem dró okkur í svaðið er verið að afskrifa skuldir, en ekki breytist hjá viðkomandi fólki það bara spígsporar um og lætur eins og ekkert sé á meðan aðrir þurfa að herða sultarólina. Lánin hækka, matarverð hækkar, hreinlega allt hækkar sem er bein afleiðing hegðunar þessara gengja. 

Svo er nú annað sem er alveg sér íslenskt í þessu að þegar maður ræðir þetta við sumt fólk að þá virðsit það taka afstöðu með afskriftum eftir pólitískum skoðunum þess er af skrifað er hjá, já eða búsetu. Það er ekki talað af sömu festu um þennan af því hann er hér eða þarna en hinn við hliðina á honum er algjört fífl, fáviti og aumingji jafnvel!!! þrátt fyrir að afskriftirnar hjá honum séu jafnvel minni!!!  - þetta er svo kostulegt, og er ein af ástæðunum að við verðum í sömu hjólförunum í langan tíma, sennilega að eilífu

Stálu frá og eyðilögðu FL