Kæri Jón

Þín skoðun er ekki endilega skoðun þjóðarinnar orð sem þessi: 

 ......og þjóðarinnar allrar að þessi vegferð inn í Evrópusambandið verði stöðvuð

Skondið að vera að þessu hjali þegar margoft hefur komið í ljós að mikill meirihluti þjóðarinnar vill klára aðildarviðræðurnar. Það eitt segir mér að Jón talar ekki fyrir hönd þjóðarinnar. En að sjálfsögðu má hann hafa sína skoðun en það er óþarfi hjá honum að láta líta svo út að þjóðin og hann séu saman í liði. Jón endilega hafðu skoðun en í guðanna bænum talaðu fyrir þig, og láttu þér það duga. Ekki þykjast vera að tala fyrir okkur hin líka.

Eigum ekkert erindi í ESB

Here we go again!!!

Nú á að byrja að berja á United mönnum aftur með alls kyns snögusögnum. Rooney sektaður/hvíldur, liðið hikstar og heldur ekki alveg jafnvægi - eru samt í öðru sæti. Þá ætla menn að ýta af stað sögusögnum. ....Hvaða lið hefur efni á að kaupa Rooney?  stormur í tebolla!

United neitar óbirtri Rooney-frétt

Sagan endalausa?

Man ekki alveg í svipinn hvaða atvik það var á síðasta tímabili sem að maður kallaði söguna endalausu. En þetta Evra - Suaréz mál er orðið svolítið þreytt og ætti í raun að vera komið ofan í kassa eftir að Liverpool menn ákváðu að áfrýja ekki. Þeir og Suaréz og sendu frá sér yfirlýsingarnar í kjölfarið, sem féllu misvel í ensku þjóðinaa og knattspyrnuáhugamenn um allan heim. En þetta mál virðist ætla að enda sem ...............

Ferguson hafnar friðarviðræðum

Gott að leggja stólana

Er sáttur við þennan sigur gegn Stólunum. Allir sigrar vel þegnir. Þetta ekki beint verið okkar vetur það sem af er. En það er langt til mótsloka og því en hægt að klóra aðeins í bakkann og rétta okkar hlut. Vona að það takist. Sé að Stjarnan vinnur líka með einu stigi. Ef ég man rétt þá mætast þessi lið um helgina í bikarnum - leikurinn verður í beinni á RÚV - ...áfram Snæfell

Óskar tryggði Snæfelli sigur í framlengingu

Ekki slæmt val

Til hamingju Heiðar Helguson. Þetta er ekki slæmt val hjá íþróttafréttariturum. Árið í ár ekkert risa íþróttaár. Heiðar hefur staðið sig vel í ENglandi og nýtur náttúrulega líka góðs af því að hann er tuðrusparkari - sem menn telja alltaf vinnsælustu íþróttagreinina. Hélt reyndar personulega að Kári Steinn Karlsson yrði ofar, hef annars lítið út á þetta að setja svo sem. Er mjög sáttur við að Heiðar vann þetta.

Langar í staðinn að benda á áhugaverða grein sem ég komst yfir í dag og tengist valinu. Finnst þetta áhugaverð pæling sem Leifur Geir Hafsteinsson setur þarna fram. - birti þetta án leyfis frá honum

Eftir Leif Geir Hafsteinsson, eiganda og yfirþjálfara CrossFit Sport.

Frá því að Anníe Mist Þórisdóttir sigraði Heimsleika CrossFit í ágúst 2011, hefur talsverð umræða farið fram um það, hvort hún komi til greina í kjöri á íþróttamanni ársins. Allmargir hafa haldið því fram að Anníe væri ekki kjörgeng, þar sem íþróttin CrossFit heyrir ekki undir ÍSÍ. Því miður virðast íþróttafréttamenn hafa farið eftir þessum röddum og sniðgengið Anníe í kjörinu, að því er virðist ranglega.

Í reglugerð um kjör íþróttamanns ársins, sem birtar eru í heild sinni neðst í þessum pistli, segir m.a.:

Í 1. grein: "Samtök íþróttafréttamanna (SÍ) kjósa ár hvert íþróttamann ársins sem skarað hefur framúr."

Í 2. grein: "Við val á íþróttamanni ársins skulu atkvæðisbærir félgar inna SÍ taka tillit til árangurs á árinu sem kjörið á við um. Einnig skal tillit tekið til reglusemi og ástundunar, prúðmennsku og framfara"

Í 4. grein: "Aðeins íþróttamenn sem tilheyra sérsambandi innan ÍSÍ koma til greina í kjörinu. Ef íþróttamaður utan ÍSÍ fær atkvæði er sá atkvæðaseðill ógildur."

Skoðum þetta lið fyrir lið.

Varðandi 1. grein.

Það hvort íþróttaafrek Anníe skaraði framúr á árinu er auðvitað matsatriði, og í sjálfu sér ekki efni þessa greinarkorns. Hins vegaru eru greinilega ýmsir á þeirri skoðun að svo sé, í ljósi þess að hún var t.d. valin íþróttamaður ársins á ýmsum miðlum, svo sem af lesendum visir.is og hlustendum Bylgjunnar, á www.sport.is og líklega víðar. Það má því færa allgóð rök fyrir því að hún hefði átt góða möguleika á að hljóta eitt af 10 efstu sætunum, og jafnvel að sigra, sérstaklega þar sem óvenju fáir einstaklingar í öðrum og hefðbundnari íþróttagreinum unnu til afreka á heimsmælikvarða.

Varðandi 2. grein

Fyrir utan að sigra heimsmeistaramót í sinni íþróttagrein, er Anníe til fyrirmyndar í reglusemi, ástundun, prúðmennsku, og hún hefur sýnt jafnar og stöðugar framfarir á þeim stutta tíma sem hún hefur einbeitt sér að CrossFit. Það undirstrikar reglusemi hennar að hún fór í tvö lyfjapróf á árinu 2011, annað framkvæmt af lyfjanefnd ÍSÍ eftir sigur hennar á CrossFit leikum EAS Þrekmótaraðarinnar í maí 2011. Í hvorugt skiptið fundust nein merki um ólöglega lyfjanotkun.

Varðandi 4. grein

Hún tilheyrir sérsambandi innan ÍSÍ, Lyftingasambandi Íslands, og var valin lyftingakona ársins 2011 eftir að hafa sett þrjú Íslandsmet og orðið Íslandsmeistari í 69 kg þyngdarflokki kvenna.

Samantekt

Eins og sést, uppfyllir Anníe Mist öll þau skilyrði sem þarf til að koma til greina í kjöri á Íþróttamanni ársins 2011. Það kemur líka skýrt fram að það er ekkert í reglugerðinni um kjör á íþróttamanni ársins sem krefst þess að íþróttaafrekið sem verðlaunað er fyrir sé í íþrótt sem heyri undir ÍSÍ. Þessi leiði misskiliningur virðist því miður hafa kostað Anníe Mist möguleikann á að verða kjörin Íþróttamaður ársins 2011.

Leifur Geir Hafsteinsson, PhD.

Eigandi og yfirþjálfari CrossFit Sport

[e-mail]

REGLUGERÐ UM KJÖR ÍÞRÓTTAMANNS ÁRSINS

1. Samtök íþróttafréttamanna (SÍ) kjósa ár hvert íþróttamann ársins sem skarað hefur framúr. Hlýtur sá titilinn ÍÞRÓTTAMAÐUR ÁRSINS.

2. Við val á íþróttamanni ársins skulu atkvæðisbærir félgar inna SÍ taka tillit til árangurs á árinu sem kjörið á við um. Einnig skal tillit tekið til reglusemi og ástundunar, prúðmennsku og framfara.

3. Kjörið fer fram í desembermánuði ár hvert, atkvæðisrétt hafa meðlimir í Samtökum íþróttafréttamanna samkvæmt lögum félagsins.

4. Kosningin fer þannig fram að félagar SÍ fá þar til gerðan atkvæðaseðil. Á hann rita þeir nöfn tíu bestu íþróttamanna ársins að sínu mati. Sá sem settur er í fyrsta sætið hlýtur 20 stig. Sá sem settur er í annað sæti hlýtur 15 stig. Sá sem settur er í þriðja sæti hlýtur 10 stig. Sá sem settur er í fjórða sæti hlýtur 7 stig, sá í fimmta 6 og þannig koll af kolli. Verði tveir eða fleiri íþróttamenn jafnir að stigum í efsta sæti verður sá íþróttamaður ársins sem oftast hefur verið settur í fyrsta sæti. Verði enn jafnt skal talið hvor er oftar í 1. og 2. sæti. Ef enn er jafnt er talið hvor er oftar í 1. 2. og 3. sæti og svo framvegis niður listann þar til niðurstaða fæst. Ef þetta dugar ekki skal almennur félagsfundur ákveða hver verður íþróttamaður ársins. Aðeins íþróttamenn sem tilheyra sérsambandi innan ÍSÍ koma til greina í kjörinu. Ef íþróttamaður utan ÍSÍ fær atkvæði er sá atkvæðaseðill ógildur.

5. Atkvæðaseðlum skal skila í lokuðu umslagi til stjórnar ekki síðar en 15. desember ár hvert. Tveir fulltrúar stjórnar og fulltrúi frá skrifstofu Sýslumannsins í Reykjavík skulu telja atkvæðin við fyrstu hentugleika. Niðurstöðu talningar skal haldið leyndri. Hóf þar sem úrslitin eru tilkynnt skal síðan haldið á milli jóla og nýárs, eða sem fyrst eftir áramót. Í hófið skulu auk annarra vera boðnir tíu efstu íþróttamenn á listanum yfir íþróttamann ársins.

6. Sé íþróttamaður ársins ekki viðstaddur hlýtur hann verðlaun sín við fyrsta hentuga tækifæri.

7. Stjórn SÍ ákveður að öðru leyti hvernig framkvæmdinni er háttað, og sker úr um vafaatriði sem upp kunna að koma.

Samþykkt á aðalfundi 20. apríl 1994, breytingar á 4. grein voru samþykktar á aðalfundi 21. febrúar 2007. Breytingar á 3. grein voru samþykktar á aðalfundi 22. apríl 2009.

Aðgengilegt á:

http://sportpress.is/logfelagsins.htm

Heiðar íþróttamaður ársins

Jiiiiibbbbííí

Þetta eru nú góðar fréttir. Komi loðnan fagnandi! Á maður kannski að segja komi bátarnir fagnandi, er ekkert svo viss um að loðnan komi fagnandi þó hún svamli hamingjusöm um Íslandsmið. Frábær fengur fyrir byggðarlögin þar sem loðnan er unnin að þetta skuli vera að fara af stað. Hlakka til að sjá skipin koma drekkhlaðin til hafnar hér í Eyjum. Það lifnar alltaf yfir þegar þetta fer af stað.

Loðnu landað

Hörmungin ein!!!

Þar fór þessi ágæti dagur í vaskinn. Tap fyrir Dallas táknar stöðugar símhringingar frá Þorsteini Hallgríms. þar sem spurt er hvernig leikur okkar manna fór - þoli ekki þegar þetta gerist. Suns liðið svo sem ekki upp á marga fiska þennan veturinn, ekki frekar en í fyrra. Kominn tími á algjöra uppstokkun og endurnýjun og því lengur sem menn fresta því að byrja því sársaukafyllra verður það að vera Suns aðdáandi.

NBA: LeBron var öflugur

Sannleikanum er hver.....

...sárreiðastur!!!

Þessi mynd sem þarna var dreginn upp er svo sannarlega sú mynd sem ansi margir hafa a f flessuðum Sjálfstæðisflokknum. Menn höfðu þennan fína landsfund, já og prófkjör fyrir síðustu kosningar til að taka til, en hvað gerðist? Það þarf að moka flórinn hjá þeim, eins og öðrum flokkum, menn hljóta að fara að sjá það. Hefðu menn viljað öðlast traust utan (vel)inn múraðra hefðu menn kosið hinn mjög svo álitlega kost Hönnu Birnu í formannssætið en ..........svo fór um sjóferð þá.

En það er hárrétt hjá Styrmi að það þýðir ekki fyrir Sjálfstæðisflokkinn að benda á það sem miður er að fara hjá öðrum, og líta ekki í eigin barm ..........en ég vil bæta við þetta hjá Styrmi að það sama á við um hina flokkana þeir geta ekki bara horft á blessað íhaldið og hrist hausinn, það þarf nefnilega að moka flórinn á fleiri stöðum.

 

Ónotatilfinning sjálfstæðismanna

Hvaða babb?

Sé nú ekkert þarna sem að getur kallast babb í bátinn - hagræðing og skynsemi í uppsetningu hélt ég að væri nærri lagi? Það er ekki eins og maraþonið í Miami  hafi verið "maraþonið" sem þurfti að hlaupa.

Babb í bátinn í undirbúningi Kára fyrir ÓL

Óvænt fyrirsögn!!!

Það held ég að væri nú saga til næsta bæjar ef menn töluðu um að útsölur byrjuðu illa!!!! er eþtta ekki eitt af fáu sem menn geta nokkurn veginn gulltryggt að byrjar yfirleitt vel? Hef allavega ekki svo ég muni eftir heyrt talað um ústölu eftir jólin sem byrjar illa!!!!

Kannski á þetta myndabnd ekki alveg við en.....

 

Útsölur fara vel af stað

Karlinn samur við sig!

Fólk getur sagt hvað sem það vill um Bono blessaðan. En það má hann eiga að hann er duglegur við að koma aurum áfram til þeirra sem eiga bágt, á enda meira en nóg sjálfur!!! Hræsnari að margra mati Bono, en er það ekki alltaf þannig, við gerum ekki alltaf svo að öllum líki.  En karlinn er ótrúlega ötull talsmaður Afríku og þeirra sem minna mega sín það má hann eiga, hvort sem okkur líkar betur eða verr.

 

Lögreglan stöðvaði Bono

Getur ekki einhver ýtt á.......

....bílinn hjá Jóni Bjarnasyni svo að hann komist upp úr hjólförunum? Hann veit vonandi að það eru til vegir í dag? Engin ástæða til að fara alltaf einhverja hestatroðninga og vera sífellt á rúntinum úti í móa.   ...hefur þessi maður enga trú á þjóð sinni?

Jón: ESB hluti af forsetakjöri

Í startholunum....

....nú verður maður að leggjast undir feld og hugsa sinn gang. Það er annað hvort að bjóða sig fram núna eða bara sleppa því alfarið og fara aðrar leiðir.

Embættið pólitískt eftirsóknarverðara