Þessu fagna ég!!!

Þetta þykja mér gleðitíðindi. Gaman að sjá að Ívar ætlar að vera áfram á fullu í þessu í einhvern tíma. Ekki spurning að hann mun koma til með að veita Ipswich liðinu hans Steina Mariner mikinn stuðning og ekki slæmt fyrir Gunnar son Steina að vera hjá Ipswich þegar reynslubolti eins og Ívar verður þarna til að spjalla við hann og leiðbeina honum. Flott færsla hjá Ívari. 

Ívar genginn í raðir Ipswich

Ekkert hljóð hinu megin?

Það er eins og fólkið sem er fast sé í Eyjum, sé eina fólkið sem er í vanda!!! ...og að það sé eina fólkið sem þarf að mæta til vinnu eftir helgina! Eyjamenn þurfa væntanlega ekkert að mæta!!  Auðvitað er þessi möguleiki að Simmi eða aðrir geti flutt fólk til lands, eitthvað sem má skoða að uppfylltum öryggiskröfum. En málið er ekki svona einfalt Simmi flytur enga bíla eða önnur farartæki þannig að það er ekki víst að það sé nema skammgóður vermir fyrir flesta að komast á milli ef farartækin eru skilin eftir hinumegin. Væntanlega er það nú vandamál sem Eyjamenn eiga auðveldara með að leysa, enda þeir komnir heim þegar þeir stíga í land

Til hvers þarf að vera að gera úlfalda úr þessu? Svona bilanir geta átt sér stað og lítið við því að gera að svo stöddu, annað en að kippa því í lagi og vonandi tekst það fyrir áætlun í fyrramálið.  Menn náttúrulega farnir að ræða nýtt skip en það er hægara sagt en gert að klára það mál geri ég ráð fyrir því menn eru væntanlega ekki vissir um hvort það dugar að hafa bara skip sem getur siglt í Landeyjahöfn eða þarf að gera ráð fyrir því að það sigli til Þorlákshafnar yfir vetrarmánuðina t.d. ? 

Strandaglópar í Vestmannaeyjum

Titill Dirk Nowitzki

Held að ég sé ekki að halla á neinn þegar ég segi að þetta sé titill Þjóðverjans frábæra. Hreint út sagt magnaður leikmaður. En hann er ekki liðið. Þarna er fleiri góðir spilarar þar á meðal hinn magnaði, en pínu aldraði, Jason Kidd, Það eru 9 leikmenn í Dallas liðinu sem eru með 10 ár eða meira í NBA og þeir urðu í kvöld allir meistarar í fyrsta sinn - takk fyrir.

Til hamingju með þetta Þorsteinn Hallgríms og aðrir Dallas menn á Íslandi

Dallas NBA-meistari í fyrsta skipti

Svissneska liðið.....

...er nú nokk meira en Shaqiri blessaður. Klárlega gott fótboltalið. Góðir menn í öllum stöðum og sennilegast eru þeir sterkari en við maður fyrir mann í kannski 8-9 stöðum af 11. EN það er ég að vona að styrkur okkar manni komi í ljós, þ.e.a.s. að þeir vanmeti á ekki og leggi sig 110% fram og kræki í góð úrslit. Ég á von á því sama gegn Dönum. Menn koma inn með minni væntingar í þann leik líka heldur en menn gerðu gegn Hvít-rússum og því fáum við stig.

Ekki það að maður hafi reiknað með neinum rósum af liðinu, og maður er í raun hrikalega sáttur að sjá liðið þarna, en það er gaman að láta sig dreyma um góð úrslit og en skemmtilegra ef það gengur eftir. Kvennaliðið okkar fór í úrslit á EM en náðu ekki í stig, sama er að segja um U-19 ef ég man rétt íkvenna en U-17 ára lið kvenna er komið í undanúrslit þar sem þær leika í lok júlí ef ég man rétt og þær eru nú þegar búnar að ná þeim ótrúlega árangri að komast í undanúrslit - sem er hreint magnaður árangur.

EN gleymum okkur samt ekki, það eitt að við skulum eiga lið sem komast í lokakeppnir sem þessar er stórt afrek út af fyrir sig.

Verða að hafa góðar gætur á Shaqiri (myndband)

Hljótum að geta...

...þvegið hendur okkar af þessu

Aska hefur áhrif á flug í Ástralíu

Því miður hr. Fölser

Á þessum Drottins degi í þessu líka blíðskaparveðri hér í Eyjum þá hef ég þá trú að Íslenska liðið taki þetta en ekki með meira en þremur mörkum. Allt annað yrði að ég held hneyksli   Vissulega hafa menn verið að kvarta undan því að einhverjir eigi við meiðsli að etja og svo framvegis, en þannig er þetta nánast undantekningarlaust. Er alveg viss um að einhverjir hjá Austurríkismönnum eru tæpir líka.

Þetta snýst um að koma á tánum til leiks og vera tilbúnir frá fyrstu mínútu, oftast nær hefur nú Gumma tekist að hafa liðin sín á tánum, vonandi verður svo í dag

Vonar að kveðjuleikurinn sé ekki í dag

Það hlaut að koma að því

Einhvern veginn kemur þetta manni ekkert á óvart. Hræddur um að það verði líf og fjör í kringum þetta og náttúrulega ekki allir á eitt sáttir um þennan gjörning. Ætli Al-kaída og Bandaríkjaher verði þarna sammála í einu máli? Er ekki viss um að þessar tvær fylkingar sætti sig við að þetta sé gert.

Bill Warren veit hvernig hann á að fá stuðning hjá ákveðnum hópum heima fyrir: „Við gerum þetta því við erum þjóðhollir Bandaríkjamenn og okkur finns að Obama forseti hafi ekki sýnt okkur sönnunargögnin,“

Leitar að líki bin Ladens

...koma svo Sæbjörg!!! ...og hún vann!

Alllar upplýsingar um tölur og tíma hér að neðan eru fengnar af http://iceland100k.wordpress.com/   en þar eru líka tenglar á fleiri uplýsingar

Serdeilis frábært hjá Sæbjörgu

Sæbjörg sigurvegari!!

Sæbjörg Logadóttir frá Vestmannaeyjum er Íslandsmeistari kvenna í 100 km hlaupi á tímanum 9.12.46 sem er bæting á fyrra meti um 1 klst og 23 mínútur. 

Staðan á hádegi -

Allir búnir með 45 km og eru frekar hressir. Bootcamphópurinn er á 4.40 og fylgist að.
Sigurjón er fyrstur á 4.40 eftir 60 km og heldur sínu striki.
Jóhann Gylfa er 8 mín á eftir honum.
Sæbjörg er fyrsta konan á 4.25 eftir 50 km og 7 mín á undan Elínu.

Sæbjörg vinkona mín aldeilis að standa sig frábærlega - frábært hjá þér ......koma svo. Heiðurinn er að klára, allt annað er bónus.

Staðan kl. 12.45

Sigurjón er búinn með 70 km á 5.29 og hefur örlítið hægt á honum.
Trausti og Kalli eru hættir vegna bakverkja og almennrar flensu. Pétur Helga er á 5.27 eftir 55 km.
Arnar á 515 eftir 50km
Gunnar á 5.28 eftir 65km
Björn er á 5.26 eftir 55km
Starri á 5.14 eftir 55 km
Davíð er á 5.15 eftir 50km.
Þórir á 5.23 eftir 50 km.
Höskuldur á 5.09 eftir 50km.
Jón Páll á 5.18 eftir 50km.
Anton á 5.03 eftir 55km.
Jói G á 5.18 eftir65 km.
Elín á 5.31 eftir60km
guðrún á 515 eftir 50km.
Sæbjörg er fyrst í kvennaflokki á 5.20 eftir60 km.

Keppt í 100 km hlaupi

Hvenær kemur Tarzan?

Skógurinn bara vex og vex!!! Brátt fer maður að ímynda sér að Tarzan í trjánum hafi  tekið sér búsetu á Íslandi - það verður nú aldeilis flott maður!

En það verður nú að teljast jákvætt að eitthvað er að lifna yfir blessuðum trjánum hér á landi, meira að segja hér í Eyjum hefur orðið mikil breyting á síðustu svona 10-15 árin. Man að hér á árum áður þá næstum brá manni þegar maður sá tré við hús hér, þá meina ég eitthvað sem var hærra en hrísla upp á 100-130 cm en nú er öldin önnur, ja kannski ekki önnur en alla vega skárri. Hitt er svo annað mál hversu mikil hamingju verður hjá öllum með þessari hlýnun og vexti og viðgangi gróðurs því þá er viðbúið aðhér fari að taka sér bólfestu einhver skorkvikindi og annað slíkt sem ekki allir eru hrifnir af.

Skógur á Skeiðarársandi

Það er nú svo...

....að það eru nokkur ár síðan að þetta breyttist og sælgætið þarnavarð t.d. alls ekkert hagstætt til innkaupa - þetta var ekki að gerast í gær eða fyrradag!!!! En það er gott að blaðamenn mbl.is eru að vakna af værum blundi.  Þetta er hætt að vera eins og áður þegar það var nokkur munur á þessum verðum.

Sælgætið er oft dýrara í Fríhöfninni

Af hverju er ekkert minnst á......

.....verð muninn á rauðvíni, hvítvíni og bjór í Fríhöfninni annars vegar og í verslunum ÁTVR hins vegar? Það er jú það sem vinsælast er í dag að drekka. Þessi sterku vín eru ekki drukkin eins mikið og áður og það hefur verið áberandi síðustu ár. Var kannski ritstjón mbl að koma til landsins og blöskraði verðmunurinn á sterku víni? Mér blöskrar hann líka. En af hverju að skoða bara lítið brot af þessu? Koma með fleiri dæmi. EÐa hentar það ekki?

Gífurlegur munur á verðinu hjá Fríhöfninni og ÁTVR

Lilja Rafney á handfærum!!!

Sko Lilju Rafney nú veit hún hvernig er að vera ein á skaki!!! Ég trúi því ekki að henni finnist þetta frumvarp falla að umræðunni og því sem fólk vill skoða sem breytingar eins og dropi í vatn.

Maður veltir fyrir sér hvort að Jón Bjarnason, sem ég kýs að kalla andstæðing samskipta Íslands við umheiminn, eigi ekki að segja af sér þegar frumvarp hans fær svona meðferð? Alla vega ætti hann að játa að hann hefur verið örlítið beygður og ætti því að opna umræðu á að skoða suma hluti í frumvarpinu betur.

Stjórnarþingmenn ósammála

...og er einhver hissa?

Mikið er ég hissa á þessum þvælingi á fólki - hvað gengur eiginlega á? Búið að vera sannkallað skítaveður það sem  af er sumri en samt æðir fólk af stað út í náttúruna eins og enginn sé morgundagurinn - sem er kannski ekki alveg rétt orðalag því fólkið ætlar nú sennilegast að eiga daga eða 3 í "góðu yfirlæti" einhversstaðar á klakanum. Vona bara að sem flestir fái gott veður þrátt fyrir að góða veðrið hafi falið sig það sem af er. - Góða helgi gott fólk

Þung umferð á þjóðvegunum