Þó svo að....

....mér hafi fundist Jolli svara hálf kjánalega spurningum á Stöð2 áðan þá ætla ég að vera jákvæður og með bros á vör fram yfir leik á morgun og spái okkar mönnum sigri í leiknum á morgun. 2-1 fyrir okkur.

Eyjólfur hyggur á breytingar

Mafíuvinnubrögðin....

....tengjast sem sagt ekki bara FIFA. Alveg eru svona vinnubrögð með ólíkindum. Ef að hitt er í reglunum þá er með ólíkindum að þátttöku þjóðirnar allar nema kannski Þýskaland skuli ekki mótmæla svona, ja og meira að segja Þýskaland líka því þeir gætu átt eftir að lenda í þessu.

Rýr svör og gamall sóðaskapur hjá EHF

Hvað er þetta með hina íslensku fálkaorðu?

Kannski er minni mitt arfa slakt eða ég með svona brenglað veruleikaskyn - þið verðið að dæma um það því mér finnst ég ekkert galnir en flestir aðrir. En hvernig stendur á að mér finnst ég aldrei sjá t.d. fiskverkafólk eða sjómenn heiðraða og fá blessaða fálkaorðuna. Fólk sem hefur unnið baki brotnu jafnvel allt að heilli mannsævi við þessi störf auk þess sem það hefur verið við störf í hinum og þessum samtökum jafnvel sem koma að viðkomandi stéttum. Bæði til þess að bæta aðbúnað sjómanna og fiskverkafólks sem dæmi. Jafnvel komið mikið af íþróttamálum og svo framvegis. Verð ekki mikið var við þetta fólk á þessum listum. Fólk sem menn kalla oft hinn almenna Íslending. Ég hef ekkert á móti því að fólk sé heiðrað fyrir góð margra ára störf að hinum og þessum málum, finnst bara vanta smá vídd í þetta.

Kannski er þetta bara væll í mér en það verður bara að hafa það þá.

11 sæmdir fálkaorðu

Sko minn mann

Hlakka til að sjá hvernig félaga Basta gengur að halda Framliðinu á flugi. Flottur strákur Basti. Með mikinn metnað og ætlast til þess sama af leikmönnum og sjálfum sér þ.e.a.s. rúmlega 100% vinnuframlagi. Svo er bara að sjá hvernig til tekst.

Sebastian til Framara

Karlinn er hræddur!!!

Eiður Smári klárlega ekki til í að binda sig hjá Fulham á þeim forsendum að þeir geta mætt ÍBV í evrópukeppninni   .....í þeirri niðurlægingu vill hann ekki lenda!!!

Vona að piltur finni sér lið þar sem hann mun spila yfir 80% af leikjunum sem byrjunarliðsmaður.

Eiður Smári sagður hafa hafnað Fulham

Ekkert að frétta hjá HK og KA?

Það er ekki mikið loft undir vængjum KA og HK manna þessa dagana. Þeir fara að minna á Kiwi fuglana fljótlega ef að þeir spýta ekki í lófana, ekkert flug bara rólegt um á jörðu niðri.  Veit ekki alveg hvað er að gerast hjá þessum liðum. En ljóst að eitthvað verður að fara ða gerast hjá þeim. Hinir gulu og glöðu virðast vera kátir þessa dagana eins og lengi vel var siður karlanna á Akranesi. Nágrannar mínir frá Selfossi virðast líka vera að finna sig í deildinni og eru ekki ólílegir til að fara upp og þá með liðinu sem að é spáði að myndi rúlla deildinni upp, ÍA

Sigurganga Skagamanna heldur áfram

Er þetta nú málið?

Jú jú blessaður karlinn beitti sér fyrir sjálfstæði þjóðarinnar af miklum krafti og allt það. Sumir nánast rifna af stolti þegar á kappann er minnst. Bjó hann svo ekki lengstum sjálfur bara erlendis meðan þjóðin barðist um á hæl og hnakka? 

Ansi margir eru nú  á því að sennilegast væri nú betur fyrir þjóðini komið ef hún væri bara en undir verndarvæng danskra!!!!!   ....en við verðum nú sennilegast aldrei öll sammála um það.

Líst vel á að prófessorsstaðan verði með aðsetur vestur á fjörðum - það er vel til fundið.

Prófessorsstaða stofnuð

Léttur riðill

Verðum nú ekki í vandræðum með að ná öðru, jafnvel fyrsta, sætinu í þessum riðli. Mætum þá Frökkum, Spánverjum og Ungverjum. Slóvenar og Rússar fara heim.

Ísland mætir Króatíu, Noregi og Slóveníu

Engan veginn nógu góðir

Einfalt fannst mér þetta. Við erum einfaldlega skör neðar en þetta lið frá Sviss. Auðvitað er erfitt að lenda undir eftir innan við eina mínútu en við getum engum öðrum en sjálfum okkur um kennt. Við meira að segja byrjuðum með boltann. Maður gerði sér nú ekki miklar vonir fyrir þetta mót, var í raun bara vel sáttur að liðið skyldi komast í úrslitakeppnina því það er árangur útaf fyrir sig. Maður hélt kannski eftir leikinn gegn Hvít-Rússum að menn kæmu dýrvitlausir til leiks. - Hef nefnilega þá trú að innst inni hafa strákarnir talið sig vera betri en Hvít-Rússa og að það hafi að vissu leyti orðið þeim að falli. EN í dag hefði andinn átt að vera allt annar. 110% hugarfar frá 1. mínútu en því miður var það ekki svo. EN við eigum leik við Dani á laugardaginn, er það ekki þá, og við komum í fluggírnum í þann leik og fáum allavega stig. Aron kemur aftur inn, við getum hvílt Bjarna Þór og Hólmar Örn t.d.. Hleypt Þórarni Inga og Almarri inná og komið þannig blóðinu á hreyfingu í liðinu!!!! 

Sömu úrslit gegn Sviss á EM í Danmörku

Kemur á óvart......

......NOT. Eftir allt sem á undan er gengið er þetta ekki óvænt niðurstaða. Er mest hissa hvað kirkjan heldur haus en það gæti nú breyst eftir það sem verið er að ræða um þessa dagana. Er ansi hræddur um að hún sé komin í nauðvörn eftir að hafa verið í vörn ansi lengi.

Traust eykst á flest nema Alþingi

Hvíla Bjarna Þór?

Veit ekki hvað öðrum fannst en mér fannst hann nú einn af slakari mönnum liðsins gegn Hvít-Rússum og finnst því alveg mega hvíla hann í dag. Reyndar kannski erfiðara að ætla sér að hvíla Bjarna Þór fyrst að Aron er í banni. Þannig að hann fær þá tækifæri til að bæta sinn leik í dag.

Bjarni Þór heldur áfram að bæta metið

Bíddu nú við er þetta ekki .....

...málið? Er þetta ekki sannleikurinn um sumarið.

Notaðu sumarið í botn

Já sæll 118 metrar!!!

Þarna segir að skipið sé 118 metrar á Breidd, mínar upplýsignar eru þessar:

Upplýsingar um skip

Skipsgerð: Passenger
Byggingaár: 2009
Lengd x Breidd: 289 m X 42 m
Dauðvikt: 10000 t
Skráður hraði (Mesti / Meðal): 21.5 / 15.3 knots

Hræddur um að menn hafi eitthvað að eins breikkað skipið á ritstjórninni

Risavaxið skemmtiferðaskip