Hefði kannski......

....mátt byrja á þessum enda varðandi þetta kvóta þras allt saman!!!

Því til hvers að vera að ráðast í að kúvenda einhverju ef að það er í lagi?

Vill úttekt á áhrifum núverandi kvótakerfis

Nútímalegar og til fyrirmyndar!

Ég et alveg tekið undir með honum að þetta eru nútímalegar aðferðir við að breyta stjórnarskránni. 3612 er mjög ánægður með þessa vinnu sem þarna fer fram. Hef reynt að fylgjast vel með sem fyrrum frambjóðandi og ég er enn þeirrar skoðunar að mörgum bölsýnismanninum eigi eftir að bregða þegar heildarniðurstöður stjórnlagaráðs liggja fyrir.  

En hvað gerðu menn ekki til þess að stöðva þetta ferli hér á landi? Hér var fólk sem í framboði var dregið í alls kyns dilka og orðspor þess siglt í kaf, jafnvel af fólki sem lítið sem ekkert þekki til viðkomandi aðila. Sumir sem buðu sig fram voru kallaðir landráðamenn og ég veit ekki hvað. Menn drógu hér á hendur sér pólitíska hanska og fóru um listann eins og verið væri að smala til alþingiskosninga. Sumir sem buðu sig fram og skoruðu svo ekki hátt í kosningunni eru en að gera aðsúg að stjórnlagaráði. Mikið af fólki var ekki svo ánægt með þetta ferli hér á landi? Var ekki mikið af grunninum hér á landi í sama afturhaldsgírnum og mikið af því fólki sem Zakaria er að tala til?

Auðvitað var umdeilt að fara þessa leið sem farin var til að koma þessu á koppinn en ég hef þá trú að það fólk sem þar starfar, og skoraði best í kosningunum muni skila góðu starfi og hana nú.

Zakaria lofar aðferðir Íslendinga

...ekki nóg með það

heldur sagði refurinn í morgun þegar ég talaði við hann að KR-ingar færu pottþétt til Færeyja!!!!

Auðvitað var þetta skársti kosturinn hjá ÍBV með það íhuga að komast áfram. ...og auðvitað fara menn áfram en þá fyrst vandast nú málið, ekki myndu menn vilja fara til Kazaksthan. Reyndar er Andrew "Siggi" Mwesigwa fyrrum leikmaður ÍBV að spila í Kazaksthan. Menn gætu þá kannski skroppið í kaffi til hans!!!!

Tryggva varð að ósk sinni

Norsku risarnir

Það er ekki amalegt fyrir Blika að fá norsku risana frá Þrándheimi. Held að ekkert lið frá Skandinavíu hafi gert það eins gott í gegnum árin í Evrópukeppnum og Rosenborg. Reyndar virtust þeir ætla að fara að gefa eftir fyrir nokkrum árum en spýttu aftur í lófana og fóru á flug, en þeir fengu náttúrulega norska meistaratitilinn í pósti í á annan áratug ef ég man rétt. Blikarnir svo sem ekkert líklegir til að fara áfram en ættu þó að geta strítt leikmönnum Rosenborg. - sjáið upptalninguna hér að neðan

• Norwegian Premier League:
  • Winners (22): 1967, 1969, 1971, 1985, 1988, 1990, 1992, 1993, 1994, 1995, 1996, 1997, 1998, 1999, 2000, 2001, 2002, 2003, 2004, 2006, 2009, 2010
  • Runners-up (5): 1968, 1970, 1973, 1989, 1991

• Norwegian Football Cup:
  • Winners (9): 1960, 1964, 1971, 1988, 1990, 1992, 1995, 1999, 2003
  • Runners-up (5): 1967, 1972, 1973, 1991, 1998

• Superfinalen:
  • Winners (1): 2010

• UEFA Fair Play League:
  • Winners (1): 2011

 

„Ekki ráðist á garðinn þar sem hann er lægstur“

Zamora gegn ÍBV?

Það yrði náttúrulega svakalega gaman að mæta Bobby Zamora og félögum. Líkurnar á að fara áfram kannski ekki miklar en fjörið við að sjá ÍBV mæta lið úr ensku úrvalsdeildinni þeim mun meira.

ÍBV getur dregist gegn Fulham

Keld á villigötum

Já já karlinn blessaður getur sagt það sem hann vill. Það á enginn skilið að fara áfram ef hann vinnur ekki til þess. Danir unnu ekki fyrir því að fara áfram, ekki frekar en við. Vissulega hefðu leikir geta þróast öðruvísi, en þeir gerðu það ekki. Það á við um alla leikina í riðlinum okkar, já og hinum leiknum og öllum leikjum er fara fram. Það er spurt að leikslokum og það er það sem telur, hvert sem Keld Bordinggaard líkar betur eða verr.

Þjálfari Dana: Áttum skilið að fara áfram

Lofsvert framtak

Það sýnir svo ekki verður um villst frábæran hug hjá félögum Sigursteins að skjóta á þessum leik. Gaman að sjá myndir af þessu á fótbolti.net - mörg margrómuð kempan sem þarna hefur látið sjá sig og hlaupið inn á völlinn og spriklað, já eða staðið á hliðarlínunni og stjórnað. Frábært að heyra af svona stórkostlegri mætingu fólks á völlinn til að styðja málefnið. Vona að allir hafi átt góðan dag.  Baráttu kveðjur til Steina Gísla og fjölskyldu héðan úr suðurhöfum.

Um 4000 manns mættu á völlinn

...nú skal pakkað niður!!!

Ætli það verði sumarið 2011 sem að Cesc Fabregas yfirgefur hefbúðir Arsenal og heldur aftur suður á bóginn? Verður nú gaman að sjá verðmiðann sem að menn næla í hnakkann á honum.

Barcelona spyrst fyrir um Fabregas

...og en eitt svona árið í gangi

Túrinn en í fullum gangi og lýkur ekki fyrr en eftir nokkrar vikur og það hefur ekki verið döpur aðsókn en. Þrennir tónleikar í Mexíkóborg um daginn - 300 þúsund manns - uppselt og það var í lok frábærs gengis í  Suður-Ameríku. Glastonbury framundan og svo endar túrinn úti á einhverju kanadísku engi þar sem að Arcade Fire munu hita upp fyrir þá.

U2 þénuðu mest

Takk fyrir skemmtunina

Vil nú bara byrja þennan pistil á að þakka fyrir skemmtunina. Strákarnir hafa staðið sig vel. Bara það eitt að komast í úrslitakeppnina er í mínum huga stórt afrek, og stærra en íslenskur karlafótbolti hefur gert áður. Þess vegna var ég nú pollrólegur þannig séð yfir þessari keppni. Vonaðist eftir stigi hið minnsta og það kom í dag og rúmlega það.

Frábær skemmtun leikurinn í dag. Opinn í báða enda og sigurinn hefði getað fallið Dana megin hefðu þeir t.d. skorað fyrst. Haraldur markvörður stóð sig frábærlega á bak við vörn sem var ansi opin og oft mislagaðar fætur, sérstaklega vinstra megin en Hjörtur Logi virkaði á stundum bara eins og vængjahurð, en hann náði nú samt að kæta mann í seinni með tveimur frábærum skotum og annað þeirra gaf frábært mark. - Held að við vitum öll að vörnin var okkar veikasti blettur og Bjarni Þór sem tekinn var út úr liðinu í dag. Það sást best í dag að hann er ekki nógu góður til að vera í þessu liði, og það var mjög sérstakt, að því er mér fannst að hann skyldi vera fyrirliði - svo kemur Rúrik inn af bekknum og er orðinn fyrirliði. Ég veit ekki mér finnst alltaf að einn af ásunum eigi að vera fyrirliði hvers liðs. Birkir Bjarna var mjög góður og Aron Einar var klassanum ofar og það verður forvitnilegt að sjá hvaða lið hreppir hann að afloknu þessu móti.  En liðið stóð sig alls ekki illa og það verður gaman að sjá þessa pilta koma inn í A-landsliðið af fullum þunga - held að við getum bara verið nokkuð brött á framtíðina ef þessir piltar halda áfram á þessari braut.

Hert stig, hvert mark, hvert bros og svo framvegis eftir að menn komu til Danmerkur var sigur. Mun stærri held ég heldur en við gerum okkur grein fyrir. Hefur einhver rifjað upp með sjálfum sér hvaða þjóðir voru ekki þarna? Ítalía, Þýskaland, Frakkland, Holland, Svíþjóð, Króatía, Portugal...........

En við tökum helling með okkur sem nesti úr þessu móti inn í framtíðina. Takk fyrir skemmtunina piltar og til hamingju - já og þið líka er að þessu komið.

Dönum skellt

Titillinn að ........

...renna úr höndum Liverpool manna nú þegar og samt 8 vikur í að mótið hefjist!!!!

.....en get samt alveg tekið undir með Dalglish, en hefði farið með mótið viku aftar.

Dalglish óhress með fyrsta leikdaginn

Jón forseti!!!

 Sé hann ekki á listanum yfir forseta lýðveldisins, af vikipedia.:

Forsetitók við embættiLausn frá embættiSat íKjörtímabilaldur í forsetatíð

1.	Sveinn Björnsson	17. júní 1944	25. janúar 1952✽	2.748 daga	2	63 til 70 ára
2.	Ásgeir Ásgeirsson	1. ágúst 1952	1. ágúst 1968	5.844 daga	4	58 til 74 ára
3.	Kristján Eldjárn	1. ágúst 1968	1. ágúst 1980	4.383 daga	3	51 til 63 ára
4.	Vigdís Finnbogadóttir	1. ágúst 1980	1. ágúst 1996	5.844 daga	4	50 til 66 ára
5.	Ólafur Ragnar Grímsson	1. ágúst 1996	Enn í embætti	4.383 daga✽✽	4	53 ára

 

Jónar Sigurðssynir mættu á Hrafnseyri

Allur fiskur á markað innanlands!!!

Eru menn að gefa í skyn að allur fiskur fari þá að fara á markað innanlands? Spurningin í sambandi við það er þá væntanlega hvort John Smith, Birdseye eða hvað þetta lið heitir sem er að kaupa fiskinn okkar þarna úti muni sjá sér hag í að kaupa bara fiskinn beint héðan og fá hann í gámi yfir hafið? Gæti það verið framtíðin? ...ég skal ekki segja enda þekki ég þennan markað og spjallið þar ekki eins vel og ég gerði á sínum tíma. Ef markaðnum hefur verið lokað hvar selja norðmenn þá fiskinn sinn? Getum við farið sömu leið og þeir við að selja hráefnið? (sem ég geri nú ráð fyrir að við séum að gera að þó nokkru leyti nú þegar)

Ég man þegar ég var að vinna þarna erlendis að ég var alltaf jafngáttaður á að hér heima fékkst ekkert verð fyrir fiskinn á meðan verðið í Englandi og Þýskalandi var mun mun betra.  Auðvitað eru ýmsar ásætður sem hægt er að telja upp fyrir þessu. Kannski er bara kominn tími á náið samstarf á milli vinnslunnar hér heima og þarna úti. þ.e.a.s. í þeim verkefnum þar sem að það er hægt. Gætu legið þarna tækifæri fyrir kraftmikla kaupendur/seljendur hér heima?

Margir hafa viljað sjá allan fisk fara á markað hér innanlands, kannski að þeim verði að ósk sinni?

Líklegt að Norðmenn hirði markaðinn