Íllt í efni!

Ekki það að þetta sé það sem að maður vill heyra. Trúi ekki öðru en að menn finni á þessu góðan og ásættanlegan flöt áður en allt fer í óefni. Verð nú líka að segja að það hryggir mig að vissu leyti að heyra Arnar Sigurmunds vera að tjá sig í fjölmiðlum í þessu máli. Maður sem er svo hinn daginn að eyða peningum verkafólks í nafni Lífeyrisjóðanna í landinu. Ekki hægt að gera þetta og ekki hægt að gera hitt svo tapa menn milljörðum af fé verkafólks í einhverjum leikjum sem þeim finnst gaman í. Þessir menn eins og Arnar verða að átta sig á því að þeir geta ekki frontað alls staðar.

...og hvað var þetta sem var í fréttunum í hádeginu frá verkalýðsforkálfunum að menn vilji ekki semja fyrr en málin varðandi fiskveiðistjórnunarkerfið séu klár en samt bjóða þeim starfsmönnum í fiskimjölsverksmiðjum samning!!!! Eru menn ekki alveg búnir að ákveða sig eða?

Sem aðili  með fyrirtæki í hef ég sagt að það voru mistök hjá SA að stilla þessu svona upp og ég held að menn eigi eftir að fá að heyra það á næstunni en frekar en nú er orðið - því miður. fyrir þá.

Vonandi finna menn fljótlega farsæla lausn í þessu máli.

Vinnustöðvun samþykkt í Eyjum

Þó fyrr hefði verið!

Árangur Wolfsburg hefur verið langt undir væntingum í vetur og það hefur oft á tíðum verið aumkunarvert að fylgjast með störfum McClaren á hliðarlínunni í gegnum sjónvarpsskjáinn. Þetta leit illa út strax í upphafi  og McClaren leit einhvern veginn alltaf út eins og hann væri ekki hjá réttu liði. Það hefur nú komið á daginn að þetta átti ekki við hann að mati stjórnar liðsins og því náttúrulega best að hann yfirgefi liðið. Hvort litli hjólbeinótti karlinn, Littbarski, kemur til með að reynast eitthvað betur á eftir að koma í ljós. Ég vona fyrir hönd hins magnaða spilara Diego að það birti til hjá þeim.

Steve McClaren sparkað hjá Wolfsburg

Tévez kaupir sér stuðning!

Carlos Tévez viet hvað hann syngur. Vika í leikinn stóra gegn Manchester
United í leikhúsi draumanna og hann tryggir sér það að stuðningsmenn
City geti ekki efast um hollustu hans og í leiðinni ýtir Untied
stuðningsmönnum lengra frá sér. Það verður ekki auðvelt fyrir hann að
mæta núna á Old Trafford, frekar en áður, en mikið er undir og í raun má
kannski segja að City sé þarna að reyna að berjast fyrir tilveru rétti
sínum á meðal þeirra efstu í deildinni, og þeirra bestu. Tap í þessum
leik skaðar ímyndina en jafntefli og sigur gefur byr.  ...Held að þetta
geti orðið skemmtilegur leikur. Hef þá trú að United vinni en að svo
muni liðin mætast í bikarnum áður en yfir lýkur og þar fari City með
sigur af hólmi. - Sjáum hvað setur.  Tévez er allavega búinn að tryggja
sig fyrir komandi átök.

Tévez: Ég elska þetta félag

Vantar ekki eitthvað þarna?

Afar villandi fyrirsögn þarna, í raun blekking. Ekkert hefur verið ákveðið samkvæmt greininni sem á eftir fylgir heldur aðeins að rætt hafi verið við Karabatic um þann möguleika að hann gangi til liðs við AG.  Allt á þetta nú eftir að koma í ljós. Það er nú ekki einu sinni víst að AG verði til í núvernadi mynd árið 2013.

Karabatic til AG?

Snillingur kveður

Einn mesti gítarsnillingur allra tíma hefur yfirgefið okkur. Mikil sorgartíðindi. Það var Phil Lynott bassaleikari Thin Lizzy, sem lést fyrir rúmum 25 árum,  sem plataði Gary til liðs við þá sem ungan pilt sem þá var að spila með Skid Row. Samstarf þeirra átti eftir að koma og fara í gegnum árin. Gary Moore átti nú lengstum samt nokkuð góðan sólóferil fyrst sem (þunga)rokkari en síðar meir sem blúsleikari sem tekið var eftir. Varð þess heiðurs að njótandi að sjá hann spila á tónleikum tvisvar á ferlinum fyrst á Milton Keynes Bowl þar sem að hann og band hans hituðu upp fyrir Marillion á þeim tíma sem að þeir voru að leggja af stað við að kynna Wild Frontier plötuna. Sá hann svo síðar í blúes fílíng í Stuttgart í Þýskalandi. Frábær á báðum sviðum. Gary var svona ein af hetjunum í partýunum hjá okkur peyjunum í gegnum tíðina og síðast um síðustu helgi hlaut hann verðskuldaðan  sess í miklu þungarokkspartýi sem haldið var. - Snillingur hefur kvatt. Blessuð sé minning þessa mikla meistara

Gary Moore látinn

Batnandi mönnum....

Veit ekki hvort Björn Bjarnason fór öfugu megin fram úr eða ekki en það er aldeilis komið nýtt hljóð í skrokkinn ef að gamalgrónir jálkar eins og hann eru farnir að aðhyllast þjóðaratkvæðagreiðslur um mál. Á það kannski bara við í þessu mál af því að hann er ekki sammála formanni flokksins? Hefur Björn kannski alltaf haft þessa skoðun en bara ekki þorað að segja hana útaf ofríki annarra innan flokks hans?

Jú forsetinn og þjóðin komu þessu máli á margan hátt í þennan farveg sem málið er núna, en hafa ber í huga ef að regluverk og eftirlit hefði verið faglega sett upp á vakt Björns Bjarnasonar í ríkisstjórn og á þingi þá hefði sennilega aldrei komið til þessa Icesave klúðurs. Kannski er karlinn bara með móral?

Þjóðin eigi síðasta orðið

Freisting!

Það hlýtur að vera freisting hjá Belganum að halda áfram að hlaupa daglega og bæta metið bara þannig að hann tryggi að einhver þurfi þá að hafa meira fyrir því að bæta metið hans!!!! Ótrúlegt að detta þetta í hug.

365 maraþonhlaup á 365 dögum

Þá er það á hreinu

United menn fara ekki taplausir í gegnum mótið. Úlfarnir vinna öll stóru liðin en eru samt í fallsæti - sérstakt svo ekki sé meira sagt en það er nákvæmlega þetta sem gerir fótboltann svo skemmtilegan.  Arsenal menn anda örugglega aðeins léttar að vita af því að United fer ekki taplaust í gegnum mótið, þrátt fyrir ógnvænlegt klúður hjá Arsenal í dag þá nálguðust þeir United um eitt stig.

Hlakka til að heyra í Arsenal og United mönnum á morgun og svo er að sjá hvernig leikur Chelsea og Liverpool fer.

Úlfarnir fyrstir til að vinna United

Mávarnir enn efstir og fleira

Góður sigur hjá Brighton í dag á útivelli gegn Bristol Rovers, 2-4. Erum en efstir, þremur stigum á undan næsta liði og eigum 2 leiki til góða. Eigum reyndar bara einn leik inni á Huddersfield en 4 stig.

Steve Cotterill virðist vera að átta sig á mikilvægi Hemma Hreiðars í liði Portsmouth og þeir náðu jöfnu gegn Derby County í dag á heimavelli. Nugent jafnaði fyrir Portsmouth.

Ajay Leitch-Smith skoraði mark Crewe í dag sem tapaði 3-1 á útivelli. Ajay var í byrjunarliðinu  hjá Crewe.

Huddersfield stigi frá 2. sæti

Bjarni í góðum gír

Hef bloggað um það áður í dag og í gær að ég tel að þessi fundur hafo styrkt stöðu hans sem formanns. Hann hefur jafnvel sent sumum hælnögurum sínum innan flokksins langt nef og rúmlega þar. Ekki má gleyma að þó nokkrir af þingmönnum flokksins standa við bakið á formanni sínum í þessu máli og það hlýtur að teljast styrkur. Svo er líka að sjá að margir af þessum mönnum séu að stíga fram og hrópa á móti orðum Staksteinahöfundar og þeirra er aðhyllast þá línu. Bjarni er með þessu í mínum huga að skilja ritstjóra MBL að lokum frá formannsstólnum. En svo getur náttúruelga vel verið að það sé komið fullt af andstæðingum Bjarna þarna inn sem dreymir ekkert frekar en að sjá þann gamla með krullurnar koma til baka, með sín vinnubrögð. Gaman væri að vita hvort margir af hinum hörðu stuðningsmönnum gamla formannsins hafi verið í Valhöll í dag og ætlað að skapa usla, en ekki tekist!!!!

Eins og lesendur þessa bloggs vita þá hef ég nú ekki alltaf verið hrifin af ákvörðunum og gjörðum Bjarna Ben en ég og hann erum saman í liði þarna. Held að þetta sé eitt af þeim skrefum. því miður að mörgu leyti,  sem þjóðin þarf að stíga til að öðlast frelsi, traust og samherja á alþjóðavettvangi. Það er ekki alltaf auðvelt að kyngja en stundum er eftirbragðið gott þó bitinn hafi verið seigur - vona að svo verði í þessu tilfelli - hef þá trú.

„Sætti mig við þessi málalok“

...að senda langt nef!!!

Bjarni stendur á sínu og sendir þarna t.d. Staksteinahöfundi MBL og öðrum gagnrýnendum langt nef. Ég hef nú ekki alltaf verið hrifinn af Bjarna og hans störfum en þarna sýnir hann festu og áræðni og ég held að staða hans styrkist við þetta - svei mér þá - þrátt fyrir ýmsa vafninga.  ....eflaust er fullt af fólki sem er bara alls ekki sammála mér en það verður bara að vera svo.

Sumir munu segja að hann sé að ganga veg atvinnurekanda og hástéttarfólks með þessu. Það má vel vera en þannig hefur nú flokkurinn oft gert er það ekki, enda oft sakaður um að ganga erinda ákveðins hóps innan flokksins.  Kannski verður þetta þá til þess að fram komi hægri flokkur fyrir hinn almenna íbúa þessa lands.

Ekki gegn ályktun landsfundar

Jón flón

Ég er nú einn af þeim sem vil alveg sjá ákveðnar breytingar á fiskveiðistjórnunarkerfinu. EN þetta rugl um að skerða kvótann en frekar til að legga inn sem byggðakvóta eða hvað menn vilja kalla þetta er náttúrulega ekki í lagi. Allar svoleiðis pælingar eiga að vera aukakvóti, eins og staðan er ídag. En ef að það er ESB andstæðingnum og einkavinaráðningar gaurnum Jóni Bjarna svona mikið keppkefli að leggja niður útgerðina í landinu - þá held ég að menn ættu að taka hann útaf og setja einhvern annan inn á.

Það er bara ekki endalaust hægt að skerða kvótann.

Frekari skerðing þýðir endalok

Er Finnbogi pappakassi?

Velti fyrir mér hvað Finnbogi er að gefa út með það hvernig framtíðin eigi að líka út hjá Icelandic!!! Er hann að reyna að segja okkur að Framtakssjóðurinn ætli að sitja á stórum part af félaginu til frambúðar? Væntanlega er hann þarna aðeins að hugsa um sjálfan sig. Það hlýtur að vera markmið Framtakssjóðsins og þar með Lífeyrisjóðanna að selja sinn hlut. Lífeyrissjóðirnir hafa ekkert með það að gera að vera í fyrirtækjarekstri.

Kom aldrei til greina að selja fyrirtækið í heilu lagi