Kraftaverk!!!

Teir sigurleikir í röð hjá Suns! Fyrst gegn Lakers og svo gegn Wizards. Ja hérna hér maður er eiginlega alveg gáttaður. Nú stefnum við á 3 sigurleiki í röð því við eigum Warriors heima á morgun. Pólska leggjan í fyrsta skipti á ferlinum með 3  20 stiga leiki í röð. Nash sáttur við að vera valinn í stjörnuliðið og fer því hamförum í stoðsendingum leik eftir leik og er með 11 stoðsendingar að meðaltali í leik - magnaður skrattakollur. Grant Hill búinn að vera sprækur í vörninni í síðustu leikjum, náði meira að segja að taka Kobe Bryant alveg úr jafnvægi í fyrradag sem gerði það að Bryant var með 10 tapaða bolta!!!! - Nú er bara að krossa fingur og vonast eftir 3 í röð

Ellefti sigur Spurs í röð

Lifi Akureyri!!!

Veit ekki með þig, eða þennan sem er næst þér en verð að segja að það hefur í mínum huga verið ákeðinn sjarmi yfir því að halda þetta þarna fyrir norðan. Gott að brjóta munstrið upp og vera ekki með allt á höfuðborgarsvæðinu sem viðkemur öllu. Hef ekki trú á öðru en að fólk þarna fyrir norðan og austan leggjist á eitt um að reyna að halda þessu. Þómenn þurfi að leggja eitthvað í púkkið. Veit ekkert hvað krökkunum hérna í Eyjum finnst um þetta en þau eru nú með eitt lengsta ferðalagið þegar kemur að þessu. Held að þeim hafi þótt þetta skemmtilegt hingað til. Persónulega finnst mér flott að miða við að hafa þetta fyrir norðan, en ég er ekki keppandi, né framhaldsskóla nemandi.

Fyrir mína parta er staðan samt eitt núll fyrir Akureyri.

Vilja söngkeppnina á Akureyri

Vel valið!

Djö.... er ég ánægður að sjá að Elísa er valin í þennan hóp. Stelpa sem er með 100% hugarfar og metnað. Gefur ekki tommu eftir. Er reiðubúin að hlusta og læra. Ég er þess fullviss að hún á eftir að spjara sig fái hún tækifæri, sem ég er reyndar ekki í vafa um að verði

Litla systir Margrétar í landsliðið

Á hvaða lyfjum er fólk?

Fólk kannski líka búið að fá þessi nöfn skráð sem vörumerki?

Nöfnin Ermenga og Úlftýr samþykkt

Auðvitað og kominn tími til

Það verð ég að segja ða ég er ekki alltaf hrifinn af því  þegar rætt er að koma til móts við hina og þessa í samfélaginu í þessum lánamálum. Þarna á náttúrulega að gilda það sama fyrir alla. Á ég t.d. ekki að fá að njóta neins af því að ég fór varlega á þessu tímabili? En svo er eru einhverjir sem misstu sig gjörsamlega sem eiga að fá hjálp!!! Hvaða sanngirni er í því? Á að fara að mismuna fólki svona? Það gengur ekki. Í fréttinni segir: 

Helgi sagði mikilvægast að hjálpa þeim sem keyptu húsnæði á árunum 2004-2008 þegar fasteignabólan var í hámarki og lánin hækkuðu vegna verðbólgu á árunum 2009-2010. Kristján sagði að aðgerðirnar yrðu að vera almennar og ná til fleiri.

Ég bið Helga Hjörvar bara vel að lifa ef þetta er hans afstaða. Ef að það á bara að fara að hjálpa einhverjum sem eltu loftbólu, sem margir höfðu enga trú á og eltu ekki, þá er betur heima setið en af stað farið svo mikið er víst. Ef einhver sem tók verðtryggt lán á þessu tímabili sem hann nefnir á að fá leiðréttingu en t.d. ekki ég þá er núeðli manna orðið heldur skítlegt verð ég að segja.  Ekki það að það komi mann i neitt sérstaklega á óvart miðað við ýmiselgt sem gengið hefur á í samfélaginu.

Hllustaði einhver á viðtalið við Bjarna Ben um daginn? þegar félagið sem stofnað var með lágmarks tilkostnaði (500 þús) átti engar eignir eða neitt fékk 10 milljarða hjá Glitni!!!!!! Hvernig er slíkt hægt. Hvað voru margir reknir fyrir vanrækslu í starfi  fyrir þann gjörning? Hvert er siðferði allra þeirra er að þessu mali komu? ....eins og svo margt annað sem Bjarni Ben virðist hafa komið nálgæt, verið í stjórn fyrir, þá fór þetta yfir um. Mikið af þessu drasli eignalaust og við sem ekki vorum í þessu þurfum að taka þátt í að borga upp ósómann, eins og ekkert sé. Ótrúelgt rugl sem var í gangi og enn ótrúlegra að hugsa sér að fólk skuli sjá mann sem var á kafi í svona viðskiptum fyrir sér sem jafnvel ráðerra á Íslandi - erum við algjörlega úti á túni?  ....það verður gaman að sjá hvort eitthvað af þessu liði sem fór með ferðina í bönkunum verður ekki líka lokað inni svona eins og Baldur Guðalugsson ....eða á þjóðarskútuna bara að reka áfram í sömu átt?

Verðtryggð lán verði lækkuð

Liverpool úr leik eða..........

Mínir menn að spila við púllana í dag og því kannski við hæfi að setja þetta allt sem hér fer á eftir inn á bloggið. Á nú ekki von á að mínir menn slái púllana úti en veit að vði fáum gott í kassann peningalega séð og ekki veitir okkur af. Frekar en mörgum öðrum liðum. ...en njótið hér er sumt gamalt og annað nýtt.

 

 

Skrtel: Gætum okkar á Brighton

Fyrirsláttur hjá Bobby!

Það er ótrúlegt hvernig fólk lætur þegar að það´man allt í einu að það á eftir að lotta!!!!   ...það halda sumum engin bönd, staður og stund skipta einfaldlega ekki máli.

Brown stormaði út úr kirkjunni

Hvað varð um að....

....koma bara rétt fram og greina bara rétt frá? Er það kannski ekki inn lengur? Á maður bara að vera í eilífium feluleikjum? Spila sig annan en maður er? Það má vel vera að Gunnar sé hinn vænsti piltur og allt það. Til hvers þá að fela svona hluti? Það getur endað eins og núna Gunnar minn, það er búið að taka niður um þig buxurnar og allir að hía á þig - það er ekki gott.

Gat ekki um félög á Guernsey

Blaðamennskan á mbl.is í nýjar hæðir!!!!

Púff er nema vona að maður hristi stundum hausinn? Blaðamaðurinn klárlega ekki með stærðfræðina á hreinu!!  Skelfilegt að tapa þessum leik samt, ekki hægt að kenna stærðfræðikunnáttu blaðamanns um þessa útreið!!!

Frétt af mbl.is

Arnar Jón með 14 í sigri á ÍBV
Íþróttir | mbl.is | 18.2.2012 | 15:25
Arnar Jón Agnarsson skoraði rúman helming marka Stjörnunnar, eða 14 talsins, þegar liðið vann góðan sigur á ÍBV, 37:30, í 1. deild karla í handknattleik í Garðabænum í dag.

Arnar Jón með 14 í sigri á ÍBV

Vetur konungur!!!

Það er ekki að því að spyrja árangur Suns heldur áfram að vera undir pari. Menn þurfa nú að fara ða byrja þessa uppstokkun á félaginu sem þarf að eiga sér stað hið fyrsta til þess að menn verði ekki bara lið sem ekki kemst í Play-offs. Hlutfalið orðið 12-19 og Nash en burðarásinn 17 stoðsendingar í nótt og pólska sleggjan svo með 21 stig. Shannon Brown og Markieff Morris komu inn af bekknum og gerðu 14 og 15 stig aðrir voru bara eins og elikskólabörn svei mér þá. Menn hefðu átt að skipta út Nash þegar einhver vildi hann í sumar eða síðasta vetur og hefja uppbygginguna en því miður varð það ekki niðurstaðan. Jújú auðvitað er heiður að hafa Nash innanborðs en það er kominn tími á breytingar og hefði verið gott að geta skipt honum út fyrir yngri og efnilega spilara. Hann á nú undir 450 stoðsendingar í 10 þúsund slíkar og vantar 45 leiki til að hafa byrjað inná í 1000 leikjum - ekki amalegt það

Lin og félagar stöðvaðir á heimavelli

Er á lausu

Ég get fengið mig lausan ef að menn elita til mín með þessa stöðu. EN ég á nú ekki von á því, bara svo það sé á hreinu. Víst er það rétt að Gunnar Andersen kom ekki vel útúr þessari umfjöllun um hann í Kastljósinu á sínum tíma. Vona bara að ferlið sem að fór í gang og menn eru að fara eftir hafi verið faglega unnið frá A til Ö. Í svoleiðis vinnubrögðin höfum við lengi verið vel fyrir neðan meðaltal 3ja heims þjóða. 

Forstjóra FME sagt upp

Næsti gjörðu svo vel!!!

Baldur er nú pottþétt ekki sá eini sem hægt er að saka um innherjasvik í þessu samfélagi það er nóg að horfa á strúktúrinn í banka- og embættismannakerfinu, já og víðar til að sjá að svo sé. Er ánægður með að dómurinn féll á þennan veg sá í raun ekki hvernig hann hefði átt að geta fallið á annan veg.  Nú er bara spurning hvort hann fer með þetta fyrir mannréttindadómstól Evrópu, og menn bera við einhverjum formsgalla - klúður í þá átt gæti verið svolítið Íslenskt!!!

Dómur yfir Baldri staðfestur

Wulff einstaklega óheppinn!!!!

Það verður að segjast eins og er að Christian Wulff, nú fyrrverandi forseti Þýskalands, er einstaklega óheppinn að vera ekki í hinu siðblinda Íslenska embættismanna kerfi. Þá hefði hann getað setið sem fastast og bara reynt að benda á hina og þessa,  janvel einhverja sem áttu að hafa gert eitthvað verra en hann, t.d. þegið hærri styrki, gist í stærra húsi, falsað fleiri skjöl, höndlað með hlutabréf með innherja upplýsingar í rassvasanum og svo framvegis - og þá bara geta setið áfram - eins og það að ef einhver annar geri eitthvað verra þá sért þú saklaus og laus allra mála.......

Forseti Þýskalands segir af sér