Loksins eitthvað af viti!

Þetta lýst mér vel á. Held að þetta sé besti kosturinn af enskum stjórum ef frá er skilinn Glenn Hoddle. Held að menn fái engan alvöru stjóra frá öðru landi eftir framkomuna gegn Capello.

Fín lesning hér um Hodgson og hans feril. Hann hefur brallað margt og er alls ekki galinn sejóri.

Hodgson að taka við enska landsliðinu

Torres á tánum!

Það fór aldrei svo að Torres svæfi á verðinu allt helv.... tímabilið. Magnaður leikur hjá honum í dag og fyrsta markið alveg frábært.

Torres með þrennu í stórsigri Chelsea

Bjarni Ben að vakna

Það var svo sem kominn tími á að Bjarni vaknaði, rétt eins blómin sem eru að vakna til lífsins nú þegar hlýnar í lofti. Ferskasti aðilinn verður hann kannski aldrei en það er gott að sjá að þarna mælir hann nokkuð af viti. vandamál hans er náttúrulega það að trúverðugleiki hans er löngu horfinn og mistökin voru mikil hjá flokk hans að skipta honum ekki út þegar tækifæri gafst. Hann er einfaldlega of tengdur hruninu til að fólk þvert á línuna taki hann í sátt. Verst er kannski að hann og hans nánasta hjörð virðist ekki gera sér grein fyrir því. En ég er sammála honum þarna.

Alþingi ekki afgreiðslustofnun

Daprar fréttir, en........

Þetta þykja mér daprar fréttir. Hefði viljað sjá þessa breytingu ganga í gegn. Handboltinn er í hálfgerðri tilvistarkreppu að því er mér finnst og veitir ekkert af smá upplyftingu. Hefði svo sannarlega aukið áhugann að fá t.d. hingað stærstu lið landsins allavega einu sinni á vetri. Skal samt viðurkenna að ég skil að menn hafi lagst gegn þessum breytingum ef að það eru að koma 2-3 ný lið inn í deildina í haust. Önnur leið hefði kannski verið að fækka liðum í efstu deild og fjölga þannig í næst efstu deild og leika svo fjórfalda umferð - óbreytt ástand tel ég ekki vera handboltanum til tekna - en það er mín skoðun

Skal reyndar viðurkenna að ég hef þá trú að það lifni yfir handboltanum á næstunni þegar Árni Stefánsson nýskipaður útbreiðslufulltrúi greinarinnar tekur til starfa - þar fengu menn frábæran aðila til starfa fyrir hreyfinguna.  En það gerist ekki á einni nóttu og því hefði átt að búa til eina ofurdeild.

Svo er kannski spurning til að vekja upp áhugann hjá mönnum víðsvegar um alndið að stóruliðin mæti og spila deildarleiki á hlutlausum velli, þ.e.a.s. á þeim stöðum þar sem viðeigandi hús eru til staðar

Tillögu Víkings var vísað frá

Ding Dong enginn heima!!!

Hvað er þetta fólk eiginlega að spá - ef eitthvað? Það hefur margoft komið í ljós í skoðanakönnunum að fólk vill klára aðildarviðræðurnar - þó svo að það segist vera á móti. Sennilegast af því að fólk lifir ívoninni um að þarna verði eitthvað bitastætt. Kannski bara af því að fólk sér að með því að ræða málin betur og fá niðurstöður komi tækifæri til að berja á íslenskum pólitíkusum um að bæta þjóðarhag á einn eða annan hátt. Auðvitað eru margir þessir pólitíkusar hræddir því að innan ESB þá kæmust þeir ekki alltaf upp með  að láta eins og bjánar. Hvernig var það í könnuninni hjá SA, var það ekki þannig að fleiri voru á móti aðild en með en samt voru fleiri á því að klára viðræðurnar en að hætta - hvað segir það okkur?

 Svo er þetta náttúrulgea hlægilegt að vera að varpa þessu fram núna þegar langt er liðið á samningaferlið og að því er virðist hefur samninganefndin okkar staðið sig vel hingað til og því skyldi hún ekki gera það áfram? Svo er náttúrulega enn fyndnara að þetta kemur frá VG-liðum sem eru í ríkisstjórn og þetta var eitt af þeim markmiðum sem sú ríkisstjórn setti sér, þ.e.a.s. að fara í þessar viðræður ljúka þeim og síðan fær þjóðin að greiða um niðurstöðuna atkvæði. Ekki myndi ég nenna að starfa með liði sem lætur svona og veit aldrei í hvorn fótinn það á að stíga fyrst þegar það fer fram úr á morgnanna. Stærsti skaðinn í ESB viðræðunum hingað til hefur sennilegast verið Jón Bjarnason og hann er en galandi eins og hreinræktaður íslenskur hani á götum úti eins og hann eigi heiminn.

Hættið nú þessu væli - látið samningaferlið klárast og á meðan einbeitið ykkar af því að halda áfram að reyna að rétta þjóðarskútuna sómasamlega af.

Þjóðin verði spurð

þjóðin ekki svo galin eftir allt?

Er nú ángæður að heyra að það virðist vera svo að hljómgrunnur sé fyrir því að skoða þessar breytingartillögur og vinna að endurbótum á stjóranrskránni. Hið besta mál, þó menn geti náttúrulega ekki bara gert þetta með hangandi hendi. Á svo sem heldur ekki von á því.

66% styðja tillögur Stjórnlagaráðs

Ja hérna hvað skal segja.......

.....hef nú oft brosað allavega út í annað þegar Höskuldur talar, nú brosi ég hringinn og það eina sem að mér dettur í hug er þetta.........

Vill halda í íslensku krónuna

Einmitt já - þið segið það!!!

Á nú að fara að koma með einhver svona útspil! Held að þetta falli nú í grýttan jarðveg. Athyglisvert líka að með sum þessi spjöld þarna sem menn telja bara minni háttar og jafnvel klúður dómara voru leikmenn svo vissir um að þeir fengju spjöld að þeir báðust vægðar um leið og þeir höfðu brotið af sér!!! Þeir vissu að þeir höfðu gert eitthvað rangt og myndu missa af úrslitaleiknum - þeim var nær!!!!

Hlakka til að sjá niðurstöðuna í þessu frá æðri máttarvöldum innan knattspyrnuhreyfingarinnar.

Vilja að leikmennirnir fari ekki í bann

Lýst vel á þetta

Held að það sé alveg kominn tími á að gera þessa breytingu. þetta eru ekki það mörg lið sem er að keppa að staðaldri og þeim hefur ekki farið fjölgandi. Um að gera að skella þessu í eina deild. Þetta með leikmannaskiptin er örugglega eitthvað sem sumir munu geta pirrað sig á. Örugglega auðveldara fyrir liðin á höfuðborgarsvæðinu að fá leikmenn til liðs við sig með þessu. Ekki eins auðvelt að fá þessar elskur til að koma út á land og spila með liðunum þar. Það hefur alltaf verið ströggl. Staða Akureyrar styrktist þó nokkuð á sínum tíma með tilkomu Háksólans þar í bæ. En Selfoss og Eyjar en svolítið fyrir utan kortið en held að þau lið fari ekkert að væla undan þessu.

Bara koma þessu í gegn og byrja að undirbúa næsta vetur!!!!

Vilja fjölga liðum í efstu deild úr átta í fjórtán

Landsbankinn eða Arion banki.....

...á leið til Eyja?

Verða það ekki bara næstu skref að sameina Sparisjóðinn einhverri stærri og sterkari einingu? Við höfum Íslandsbanka nú þegar. Viljum væntanlega hafa smá samkeppni á svæðinu og því kannski tilvalið að sameinast kannski öðrum, þ.e.a.s. öðrum en Íslandsbanka?

Undir kröfum FME