Er að rofa til?

...eða má reikna með að þokan setjist aftur á alla tinda og byrgi fólki sýn? Ég vona ekki. Vona að þetta frumvarp Eyglóar fari alla leið og verði samþykkt með öllum greiddum atkvæðum. Á maður kannski að reikna með að einn eða tveir verði á móti. Sé ekkert að þessu, bara hið besta mál. Er það kannski bara svo af því að ég hef í raun ekkert að fela?

Samstaða um birtingu mikilla afskrifta

Að bera viðeigandi nafn

Það er víst nokkuð víst að fáir, ef nokkur íþróttamaður, ber nafn sem er eins viðeigandi og hjá blessuðum World Peace. ......gaman hvað sumir leikmenn geta verið grillaðir, alveg svakalega grillaðir.

Metta World Peace fékk sjö leikja bann

Magnað

En og aftur gerist það í boltanumsem fáir reiknuðu með. Þetta er það sem að maður elskar við fótboltann. Viðurkenni að það er samt ekkert gaman þegar liðið manns verður fyrir barðinu á svona. En þar sem ég held með hvorugu liðinu þannig séð þa´var gaman að sjá þróunina á leiknum í kvöld. Það verður að segjast eins og er að árangur Chelsea er magnaður. Það verður gaman að sjá hvernig þeim mun vegna í úrslitaleiknum. 4 úr byrjunarliðinu í kvöld í leikbanni þegar liðið mætir til Munchen, og jafnvel eitthvað um meiðsli, en maður kemur í manns stað.

Samt ekki svo víst að allir séu kátir með þetta. Því ef Chelsea vinnur úrslitaleikinn þá þýðir það að aðeins 3 efstu liðin í ensku úrvalsdeildinni fara í meistaradeildarhattinn næsta haust, ásamt Chelsea þannig að það gæti farið svo að hið dýrmæta 4 sæti sem svo mikið hefur verið rætt um sem meistaradeildarsæti verði það alls ekki.

Tíu Chelsea-menn slógu út Barcelona

Kúlið skynseminni ofar?

Maður veltir þessu bara fyrir sér því sýnt og heilagt þegar við erum í deilum eru hinir fíflin. Stundum  þaf að skoða hlutina frá fleiri hliðum og það getur verið gott stundum að efast um eigið ágæti!

„Skiptir mestu að halda „kúlinu““

Er það ekki einmitt málið

Held að Sigurður Líndal sé með þetta

„Dómurinn hefur sakfellt en refsar ekki, þetta fer þannig nokkuð nærri því sem ég bjóst við. Mín fyrstu viðbrögð eru þau að þetta sé að sumu leyti áfellisdómur yfir stjórnsýslunni almennt, ég held að þetta sé það sem hefur viðgengist, kemur fram í rannsóknarskýrslunni og þingmannaskýrslunni og öllu því sem hefur verið farið í saumana á,“ 

Er það ekki einmitt málið hér er alltof mikill losarabragur á hlutunum - svona áhugamennska og kæruleysi. Það hefur kostar okkur mikið. Geir sagði réttilega að ef hann væri sekur um vanrækslu við þetta þá gilti það sama um alla forsætisráðherra frá upphafi!!! Er það ekki bara partur af málinu - En það fríar engan ábyrgð að benda alltaf á næsta mann á undan. Þetta er enn ein ábendingin til manna um að taka til hjá sér

Þetta má ekki kalla léttvægt

Áfellisdómur yfir stjórnsýslunni

Vel til fundið

Þetta var góð hugmynd að skunda með hópinn til Færeyja og taka lagið. Alveg hreint hið besta mál. Skemmtilegt að svona margir hafi viljað fara með í ferðina, held að það hafi meira að segja ekki allir komist með sem langaði. Vel að verki staðið. Það veit ég að vinur minn og nágranni Grímur kokkur Gíslason hefur ekki verið í vandræðum með að elda ofan í mannskapinn.

Rétt kannski að taka fram að posterarnir fyrir túrinn voru prentaðir í prentsmiðjunni hjá mínum - þannig að jújú maður verður víst að teljast útrásarvíkingur - reikna samt ekki með að fá neitt afskrifað!!

Halda 200 manna veislu í Færeyjum

Frábært framtak

Alltaf gaman að frétta af svona jákvæðum hugmyndum sem komast svo í framkvæmd - snilldin ein.

Ætli höfuðborgin sé að eignast sinn eigin græna her? Það er ekkert verra.  hvernig var það á sínum tíma fóru ekki Stuðmenn um landið með einhvern grænan her? Eins og mig minni það.

 Njótið dagsins gott fólk - hvar sem þið eruð og hvað svo sem þið eruð að dunda við.

 

 

Margir á ferð með svarta ruslapoka

Snilldin ein

Til lítils að vera að sýna fólki þetta blessaða Ker. Á hvort eð er ekki að fara að hleypa vatninu úr því!!! Glæsilegt þegar menn hafa svona perlur til að sýna að þá er aðgengi að þeim heft og enginn hefur í sér manndóm til að hafa samband við fólk til að fá leyfi til að skoða blessað svæðið. Er þess fullviss að sá kínverski hefði viljað leggja Kerfélaginu lið við að byggja upp svæðið hefðu menn gefið sér tíma í að opna svæðið og ræða við hann!!!!

Höfðu ekki áhuga á heimsókn Wen

Frábærar fréttir

Það er gaman að sjá að það er líf og fjör í hótel og gistiheimilabransanum. Þessi ört vaxandi atvinnugrein er sífellt að bæta sig. Gæðin hafa aukist og svo virðist sem markaðssetningin sé að skila sér betur og betur. - Bara flott - það er ekki eins og þessir túristar allir skilji ekki eftir sig aura hér og þar.

Það væri gaman að sjá hverju t.d. átak eins og Inspired by Iceland hafa skilað í markaðssetningu. Hef orðið var á því í kringum mig að ólíklegasta fólk virðist hafa dottið inn á hinn eða þennan link þaðan. Fengið hann sendan, eða séð á síðu hjá einhverjum. Er þess fullviss að þeir aurar sem settir voru í átakið í upphafi og margir bölsóttuðust yfir hafa nú þegar skilað sér margfallt í ríkiskassann og það er en verið að setja í baukinn - frábært og vel lukkað framtak.

Gaman fyrir okkur hér í suðurhöfum, í Eyjum, að sjá lífið sem færist í bæinn þegar menn opna fyrir Landeyjahöfn. Bæjarbragurinn verður bara allt annar og hagkerfið fyrir ofan Strandveg tekur kipp og það er okkur öllum til tekna og gerir ekkert annað en að styrkja stoðir samfélagsins. Bara flott.

Hótel þegar víða fullbókuð á álagstímum

Góður sigur strákar

Nú þýðir ekkert væl, nú er bara að halda haus og klára þetta. Senda fimleikafélagið í sumarfrí og hananú.  ....koma svo

Stefán: Stemningin ávallt góð