Fengur í Hirti

Það held ég að sé nokkuð ljóst að ef að Hjörtur Júlíus er að fara að skipta niður um deild að þá verði að teljast mikill fengur að fá hann til liðs við sitt lið. Svona miklir markaskorar liggja ekki á lausu á Íslandi. Það yrði ekki árennilegt ef að hann færi til Selfoss og yrði þar í fremstu víglínu með Sævari Þór, sem hefur nú aldeilis raðað inn mörkunum í sumar. Það held ég líka að Skagamenn, sem yfirleitt eru gulir og glaðir, myndu fagna að fá pilt til liðs við sig.

Hjörtur á leið frá Þrótti

......1 stig of lítið

Það var okkur dýrkeypt að vera ekki komnir í gír í upphafi leiks, þó svo að við ættum nokkur áhlaup áður en Keflvíkingar skoruðu þá var eins og við værum ekki alveg vaknaðir - 0-2 fyrir Keflavík og Pumasveitin komin á flug, en alveg eins og á móti FH um daginn þá hættu menn ekki og við skoruðum 2 mörk á nánast sama andartakinu í fyrra markinu skoraði Eiður Aron eftir hornspyrnu var mættur ásamt Andra Ólafs á fjærstönginni og svo slæm var völdun Keflvíkinga í því marki að ég er viss um að þeir hefðu getað tjaldað Þjóðhátíðartjaldi á meðan þeir biðu eftir boltanum en suðurnesjamenn voru en að skoða landskikan fyrir framan þá í teignum væntanlega í þeirri vona að hann væri eign HS veitna!!! - svo var það aukaspyrna hinu megin frá á fjær einnig og Andri Ólafs var þar eins og vitinn í Herjólfsdal gnæfði yfir aðra á svæðinu og skallaði í netið. Verð reyndar að minnast á að seinna mark Keflvíkinganna kom eftir skemmtilegt spil hjá þeim - það var vel gert, en samt algjör óþarfi.

Eftir að hafa jafnað 2-2 voru Eyjamenn miklu betri aðilinn og áttu skilið að vinna - Tonny, sem lék einn sinn besta leik í sumar átti frábært skot undir lok fyrri hálfleiks, ef ég man rétt,  sem að Lasse varði hreint stórkostlega með því að blaka boltanum yfir. Ætla ekkert að tjá mig sérstaklega um Keflvíkurliðið gaman reyndar eins og alltaf að hitta Jón Örvara Arason Leedsara og Kristján Guðmunds og Puma sveitinni ber að þakka fyrir góða skemmtun í stúkunni - lang skemmtilegasti stuðnigsmannahópurinn sem hingað hefur komið í sumar, by far. Bjarni Hólm vinur minn fær líka hrós fyrir að fagna ekki villt og galið þegar Keflvíkingar skoruðu sín mörk, austfirðingurinn var eki að núa sínum gömlu félögum því um nasir að hans nýja lið skoraði.

Fengur okkar í strákunum frá Crewe er mikill og ég veit ekki hvort allir gera sér grein fyrir því að þeir eru aðeins 19 ára og því en gjaldgengir í 2. flokk. Það er þó nokkuð af ungum strákum í ÍBV-liðinu og þar er bara gaman að eiga þá til - þeir eru ekki allir einhverjar stjörnur en með réttu hugarfari og vinnusemi munu þessir peyjar halda merki ÍBV á lofti á komandi árum, rétt eins og þeir lögðu sig fram við í dag. -Jú og gott ef Garner var ekki kominn í fluggírinn upp og niður vinstri vænginn sem aldrei fyrr.

Brottrekstur Viðars Kjartanssonar pirraði ansi marga og Kristinn Jakobsson fékk að heyra það óþvegið - það kom stunga og varnarmaður og Viðar rákust saman, ekki viljandi held ég, Viðar féll en ekkert var dæmt, hann stendur síðan upp en kastar sér svo á hnén og fóranr höndum - þar sem ég sat gat ég ekki greint hvort hann sagði eitthvað eða ekki, en hann var klárlega svekktur og það má vel líta á þetta sem mótmæli við því að fá ekki dæmt - og það má svo sannarlega gefa gult spjald fyrir að mótmæla því að fá ekkert dæmt og það gerði dómarinn í þessu tilfelli, varla spjaldið hann fyrir leikaraskap því hann aðhafðist ekkert fyrr en leikmaðurinn var búinn að kasta sér á hnén og fórna höndum!!!!!  - rétt líka að benda á að dómarinn spjaldið Keflvíking stuttu síðar fyrir að mótmæla því að fá ekki víti!!!! - EN mér fannst við eiga að fá víti í fyrri hálfleik egar knötturinn fór klárlega í hönd Keflvíkings inni í teig en dómarinn sá það greinilega ekki sömu augum og ég og því flautaði hann ekki.

En  við áttum skilin 3 stig svo mikið er víst - 

Eyjamenn fengu dýrmætt stig gegn Keflvíkingum

Ágæt skemmtun en......

...leggur klárlega endanlega línurnar fyrir það að FH er í algjörum sérflokki í deildinni, maðu rgældi við að sigur hjá KR-ingum myndi kveikja í þeim og efla, nei nei þá dettur þeim bara í hug að tapa og það í Frostaskjólinu. Þessi leikur var fín afþreying og ágæt skemmtun fyrir mig sem hlutlausan aðila og slétt sama um hvernig leikurinn færi. Valsmenn sýndu seiglu með því að koma út á sléttu í fyrri hálfleiknum og svo gerðu þeir vel í seinni hálfleiknum og kláruðu dæmið. Gleðst fyrr hönd Jeffsy en ekki eins fyrir hönd Atla Jóh sem spilaði mjög vel framan af í leiknum og var með betri mönnum í KR-liðinu - en það dugði til lítils, og svo eins og úr kennslubók þá var hann tekinn útaf hefði getað sagt ykkurþað fyrir leik.

Valssigur á KR-velli

Fimleikafélagið er gott...

.... en það er ekki ósigrandi - það er ekkert lið ósigrandi.

Þolinmæði, agi,  skipulag og að spila fótbolta gegn fótbolta hefur alltaf verið farsælast - það er til  lítils að koma inn á og ætla að sparka í allt sem hreyfist - það skilar engu gegn góðu fótboltaliði.  Verður gaman að sjá hvað trukkurinn Óli Þórðar galdrar fram úr erminni í kvöld hjá sínum mönnum. Spái reyndar 3-1 fyrir FH!!!!!

Óli Þórðar: „Reynum að hægja á FH-ingunum“

Samningaviðræður standa yfir

Ég geri bara ráð fyrir því að menn geri gagntilboð þó svo að tilboð Halmstad hafi verið lágt, þeir buðu nú ekki háar tölur í Gunnar Heiðar á sínum tíma, til að byrja með en samnignurinn sem að náðist á endanum var margfallt betri en það tilboð sem fyrst leit dagsins ljós - það er bara eðli þessara mála - en þessir hlutir þurfa ekki að fara fram fyrir opnum tjöldum - það er óþarfi nema að menn séu búnir að loka málinu og ætli ekkert að skoða neitt frekar þá geta menn sagt að samnignaviðræður hafi farið út um þúfur.

Óásættanlegt tilboð frá Halmstad

Verð að segja það að......

....ég vona að þetta sé rétt. Hef trú á Gumma Ben afbragsknattspyrnumaður og hefur góða þekkingu á hlutunum og getur lesið leikinn. Veit ekki alla söguna með það hvaða þjálfaramenntunar hann er búin að afla sér en geri ráð fyrir að kappinn hafi lokið nokkrum námskeiðum, ef ekki flestum. - en ekki er búið að gefa neitt út en sem komið er og alls ekki víst að þetta sé rétt, en líst vel á þessa pælingu.

Guðmundur í sigti Valsara

Er Atli Eðvalds að taka við Valsliðinu?

Getur einhver svarað því?

Nú sagði Willum ekki upp samkvæmt yfirlýsingunni og því hljóta Valsmenn að þurfa að ráða þjálfara með fulla menntun?  Æi nei var búin að gleyma þú getur ráðið hvern sem er því KSÍ mun aðeins aðvara þig en ekki sekta fyrir að gera það - meira grínið hjá þeim þarna í Laugardalnum, en atvinnulaus leikmaður getur ekki fengið leikheimild af því að það stríðir gegn hugmyndafræði þessara háu herra. AUðvitað eiga reglurnar að vera klárar ef að þjálfari segir ekki upp starfinu  heldur er látinn fara af félaginu/stjórn eða þá í sameiginlegri ákvörðun  (í farsælu samstarfi) þá áekki að vera nein miskun það á að þurfa að ráða mann með fulla menntun í starfið - til hvers að vera að láta menn taka öll þessi námskeið ef svo er hægt að beygja reglurnar svona - skil þetta ekki.

Þorgrímur stýrir Val gegn FH

Farsælt samstarf.....endar á miðju tímabili!!!

Willum hefur gert fína hluti á Hlíðarenda, en ég er ekkert hissa þó ekki sé sátt um liðið þessa stundina, enda liðið af mörgum talið dýrasta lið landsins - svona Real Madrid Íslands - en liðinu ekki vegnað sem skyldi það sem af er.

Verður forvitnilegt að sjá hvað tekur við að Hlíðarenda!

Willum hættur sem þjálfari Vals

Yfirklór

Finst þetta ansi ódýrt hjá framkvæmdastjóranum segi nú ekki meir. 

„Notað í sérstökum tilvikum“

Regluverk eða ekki...

Sagt er að samningslausir leikmenn eigi að geta gengið til samninga við lið og fengið leikheimild einn, tveir og þrír. Auðvitað verða menn líka að skoða formála málsins það gengur náttúrulega ekki að leikmaður segi bara upp samningi og ætlist til þess að geta gengið til liðs við annað lið og fá leikheimild strax, þ.e.a.s. utan félagsskipta glugga - hitt er svo í mínum huga annað mál ef bæði félag og leikmaður eru sammála um að rifta samningi við leikmann - t.d. vegna langvarandi meiðsla eða einhvers slíks, þá sé ég ekkert því til fyrirstöðu að leikmaður fái leikheimild strax. Eins finnst mér að ef að leikmaður sem spilað hefur erlendis, hvort sem um er að ræða á langtíma samningi eða skammtíma samningi, losnar undan samningi, verður atvinnulaus, eða er að flytja heim til Íslands af einhverjum ástæðum fái leikheimild þó svo að utan félagsskiptaglugga sé. Guðmundur hefði samkvæmt minni skoðun átt að fá leikheimild. Hvernig hefði þetta mál t.d. verið tæklað í Englandi? - Ég hélt að þar væri það þannig að samningslausir leikmenn fá leikheimild strax að því að ég best veit - er samt ekki viss hvort einhver tími þurfi að líða frá uppsögn samnings til undirritunar nýs samnings.

Guðmundur ósáttur við KSÍ