Máttvana

Það verð ég að segja að ég varð hálf máttvana eftir leikinn og er enn. Fyrst að ég er máttvana þá get ég ekki ímyndað mér hvrnig liðinu og þjálfaranum líður

Veit ekki hvað skal segja annað en að við vorum ekki að gera góðan dag alveg frá upphafi. Vörnin úti á þekju. Markvarslan oft verið betri en var samt alls ekki slök miðað við vörnina sem var fyrir framan hana. Arnór Atlason virðist ætla að vera vonarstjarna okkar í þessari keppni - svei mér þá - ég þakka honum hans framlag í dag.

Er ekki alveg viss með meistara Óla Stefáns hann virðist flökkta inn og út úr leiknum. Eitthvað sem að mig rámar í hjá honum fyrir mörgum árum síðan en ekki síðustu ár.  Snorri Steinn er ekki skugginn af sjálfum sér, samt var meira líf með honum í dag en í fyrradag kannski verður hann þá bara eldhress gegn dönum. Logi Geirsson, löngum verið kallaður maðurinn með skotræpuna, þorir varla að grípa og kasta. Ólíkt honum og ég trúi ekki öðru en að hann bæti sitt ráð því hann getur svo sannarlega látið til sín taka.

Síðustu 2 mörkin íleiknum voru náttúrulega gjöf af okkar hálfu.

En málið er einfallt. Sigur gegn Dönum og við förum með 3 stig með okkur í milliriðil. Þar þurfum við ekki nema að vinna 3 leiki og keppnin er okkar. Já ég heyri að þið hlægið en ég nenni ekki að vera svartsýnn yfir þessari keppni. Ég einfaldlega neita að trúa því að við höldum áfram að gefa svona eftir á lokasprettinum. 

Upp með andann piltar - Áfram Ísland

Guðjón Valur: Ég biðst afsökunar

Athugasemdir

[Viðar Friðgeirsson, 21.1.2010 kl. 20:24]

Það er allt í lagi að vera bjartsýnn fram á síðustu stundu Gísli Forseti. en eftir svaðalegt tap gegn dönum á laugardag er þetta mót einfaldlega búið hjá silfurdrengjunum okkar að þessu sinni. Því miður.

Aðeins ein spurning er að naga mig núna. Hvar var Hreiðar Leví síðustu 10 sekúndurnar í þessum leik? Farinn í sturtu?

[Gísli Foster Hjartarson, 21.1.2010 kl. 20:40]

Viðar ég þori ekki að hugsa hvað hann var að hugsa - menn voru ekki á tánum, því miður

[Birkir (IP-tala skráð) 21.1.2010 kl. 21:09]

Og hvað hafa menn að segja um dómgæsluna, hún var mjög undarleg.

Hinsvegar komu Austurríkismenn mjög á óvart greinilegt að Dagur er að gera góða hluti. Tók eftir því að hann fagnaði ekki, heldur gekk beint af velli. Örugglega nokkuð tilfinningaríkt augnablik hjá honum.

[Gísli Foster Hjartarson, 21.1.2010 kl. 21:52]

Dómgæslan var á stundum svolítið sérstök, og okkur ekki beint í hag.

Já Dagur straujaði beint út, örugglega hrærður en má vera stoltur af sínu liði,þeir lögðu sig 100% fram meira getur þjálfari ekki farið fram á. Finnst þetta afbrigði sem hann notar með markvöð í sókninni bráðskemmtilegt þegar liðið er einum færri stórskemmtilegt.

[Halldór Jóhannsson, 21.1.2010 kl. 22:02]

Sá ekki lokakaflann....og bara brotabrot á köflum af leiknum....ósköp voru þetta ...æi veit ekki hvernig á að segja þetta með viðtölin sem Adolf  var með við strákanna:)

[Gísli Foster Hjartarson, 21.1.2010 kl. 22:26]

Sá engin viðtöl eða neitt. Skaust í vinnu en er búinn að vera alveg máttvana eftir þetta. Hlustaði reyndar á fyrningarfund okkar manna hér í Eyjum í útvarpinu. Heyrði þar nokkra forvitnilega hluti sem að ég set ekki hér inn.

[Viðar Friðgeirsson, 21.1.2010 kl. 23:25]

Maður á aldrei að mála andskotann á vegginn fyrirfram eins og ég gerði hér áðan með því að spá svaðalegu tapi á laugardag. Hann birtist þar sjálfur hjálparlaust ef og þegar það hentar honum.

Hinsvegar er staðan í þessum riðli oðin nokkuð tvísýn og ómögulegt að sjá fyrir hvernig fer þegar upp verður staðið. Að við skulum enn eiga eftir möguleika á að vinna riðilinn og fara áfram í milliriðla og hinsvegar að sitja eftir og fara heim með skottið á milli lappanna er ótrúlegt, en þannig er það, sýnist mér, en til þess þurfum við að vinna Dani sem að mínu áliti eru sterkari en okkar menn um þessar mundir´.

Ekkert er þó ómögulegt og gleymum ekki leiknum fræga þegar Íslendingar höfðu skitið upp á bak með bakið upp við vegg mættu Frökkum í hreinum úrslitaleik á heimsmeistaramóti í Þýskalandi, og jörðuðu Frakkana. Brjálað!´Við skulum vona að Íslendingum takist að vinna Danina að þessu sinni, eiga harma að hefna og siðan að Degi og strákunum hans takist að sigra Serbana, það yrði frábær og fullkominn Dagur. Íslendingar þá í efsta sæti og Dagur áfram í milliriðla með sitt óþekkta lið.

Annars finnst mér að þetta sé mótið þar sem fyrrum risar í handboltanum eru í ströggli, Frakkar, Þjóðverjar, Svíar, Rússar eru allir í sama basli og Íslendingar og reyndir verri stöðu. Það skyldi þó ekki vera að við sæjum nýjan heimsmeistara krýndan að þessu sinni.

Áfram Ísland!

[Viðar Friðgeirsson, 21.1.2010 kl. 23:30]

Evrópumeistara átti þetta auðvitað að vera og með nýjum meistara átti ég við eitthvað lið sem aldrei hefur hampað þeim titli áður. Kanski Austurríki! Úps!!!

[Tryggvi (IP-tala skráð) 22.1.2010 kl. 00:17]

Við munum sjá nýja Evrópumeistara, Ísland!

[Halldór Jóhannsson, 22.1.2010 kl. 07:21]

Vona bara að Svíarnir taki Þjóðverjanna í dag..og þá komast Svíarnir áfram..og skilja Þjóðverjanna eftir..

[Björn Ingimarsson (IP-tala skráð) 22.1.2010 kl. 10:15]

Auðvitað skiptir máli hvort okkur gengur vel, melló eða hreinlega illa. En það sem skiptir höfuðmáli er að þessir drengir eru frábærir hvernig sem litið er á það. Ef að allar hinar þjóðirnar eru bornar saman við okkur þá erum framar en þær allar í þessari íþrótt í dag ef Frakkland og Króatía eru teknar útúr þeim samanburði. þær eru tvær langsterkustu þjóðirnar handboltalega séð.

Áfram Ísland , ALLTAF ekki bara þegar vel gengur.