Skiptir engu máli

Það skiptir engu máli hvað Boldsen segir. Spilað vel eða illa! Hverjum er ekki sama við unnum leikinn. Nú og að það er eins og hann segir að við höfum ekki átt neinn snilldarleik þá myndi maður ætla að við ættum eitthvað inni sem er okkur þá bara til tekna. Við skulum vona að hann hafi rétt fyrir sér og við eigum en eftir að bæta okkar leik. Stóra atriðið er þetta við erum með Danina fyrir aftan okkur þegar milliriðlar hefjast og vonandi verðu svo í gegnum milliriðilinn því þá erum við í 1 eða 2 sæti og þar af leiðandi í undanúrslitum!!!!

En það er best að fara ekki fram úr sjálfum sér - tökum einn leik í einu - Áfram Ísland

Boldsen: Enginn stórleikur hjá Íslandi

Athugasemdir

[ThoR-E, 24.1.2010 kl. 17:18]

Þvílíkt mjálm í manninum.

Það er nú varla hægt að segja að danirnir séu að spila illa á mótinu. Unnu fyrstu 2 leikina sæmilega sannfærandi, en í leiknum gegn Íslandi lentu þeir bara á vegg.

Áttu aldrei möguleika.

Alveg merkilegt þegar Ísland vinnur dani að þá er það alltaf eitthvað að hjá þeim... ekki má tala um að Ísland sé að spila vel.

Annaðhvort töpuðu þeir út af því að þjálfarinn móðgaði dómaraparið á ÓL í Peking, eða að liðið er slappt. Eins og þessi maður segir í bloggfærslunni sinni, að ekki er hægt að skrifa sigurinn á að íslenska liðið hafi spilað vel, heldur það danska lék illa.

Þvílíkur hroki.

p.s

við erum með eina bestu markatöluna í keppninni, sem og að það er flott mál að hafa 3 stig í milliriðli.

[Gísli Sigurðsson, 24.1.2010 kl. 20:29]

Halló, er það ekki nákvæmlega það sem við segjum alltaf ef við töpum, strákarnir voru bara ekki nógu góðir, vörnin ekki sannfærandi, engin vörn, Óli sýndi ekki sitt besta o.s.frv. Skoðið bara ummælin eftir jafnteflisleikina á móti Serbum og Austurríki. Nákvæmlega svona var skrifað um okkar lið, ekki að andstæðingarnir hafi verið svo góðir. Áfram Ísland.

[ThoR-E, 24.1.2010 kl. 20:49]

Veit nú ekki hvort ég mundi segja að íslenska liðið væri að spila illa ef það hefði unnið 2 fyrstu leikina í mótinu og síðan tapað þeim þriðja. Og komið áfram í milliriðil.

Það er bara staðreynd að danirnir eru væluskjóður.

Það er kannski annað með gagnrýnina eftir leikina 2 hjá íslandi því þar henda þeir sigrinum frá sér tvo leiki í röð.

Missa unna leiki niður í jafntefli. Láta skora hjá sér 3 mörk á 40 sec eða eitthvað fáránlegt.