Brothætt höll

Simon Jordan eigandi Palace virðist vera að missa tökin á glerhöllinni sinni. Það hefur reyndar lengi verið talið að Palace hafi staðið tæpt en nú virðist endanlega vera komið í ljós að framtíð liðsins er ekki björt. Palace lengi verið aðalóvinur minna manna í Brighton og því ekki gaman að sjá liðið í þessum hremmingum. Það yrði lítið varið í að þurfa að fara að finna sér nýtt lið til þess að hata.

Jordan var bara að því er manni fannst krakki þegar að hann keypti Palace. Ron Noades hvarf þá á braut, þetta var ekki löngu eftir að hann hafði keypt Hemma frá ÍBV. Strax þá var talað um að hann yrði ekki langlífur í þessu starfi en hann hefur nú gert betur en margur þorði að vona.

Vona að menn finni einhvern til að taka liðið yfir eða koma að því þannig að ekki þurfi að leggja félagið niður. Þá yrði sorg hjá okkur Brighton aðdáendum.

Vona að romsan hér að ofan sé alveg rétt höfð eftir hjá mér.

Crystal Palace í greiðslustöðvun

Athugasemdir

[Gunnar Friðrik Palace maður (IP-tala skráð) 27.1.2010 kl. 20:49]

Takk fyrir kær orð Gísli við vonum að það komi inn fjársterkir menn sem hafa áhuga á þessu  þegar skuldirnar eru núna orðnar minni.:)