Að toppa of snemma

Gaman að fylgjast með Reykjavíkurmótinu svona úr fjarlægð og sjá hin og þessi lið mótast hægt og rólega fyrir komandi átök. Átökin hefjast nú ekki að fullu fyrr en allt gras er orðið grænt en ekki bara þetta plast dót.  Það hefur verið stígandi í leik Framliðsins sían Þorvaldur Örlygs. tók við. Þó svo að sumir hafi viljað afskrifa þá á tímabili í fyrra. Líka gaman að sjá að frændi Þorvalds, Almarr, heldur áfram að standa sig og er á góðri leið með að verða ásinn í þessu liði.

Fyrsti leikur ÍBV í mótinu í sumar er við Fram ef að ég man rétt, rétt eins og í fyrra. Núna töpum við ekki, best að segja þetta núna þó svo að langt sé í leikinn.

Gaman líka í Reykjavíkurmótinu þegar eitthvað óvænt gerist eins og þegar ÍR varð Reykjavíkurmeistari í hitteð fyrra undir stjórn Guðlaugs Baldurssonar stríðsmanns. Gaman þegar það eru ekki alltaf sömu liðin að hirða þessar dollur.

Framarar komnir í undanúrslitin