Ekki gera lítið úr þessu

Hvaða máli skiptir að frímerkið sé að andvirði aðeins 10 líberíu dollara, 18 kr. Svo er sagt að það sé aðeins þetta margra króna virði!!! Hvað fæst fyrir 10 Líberíu dollara í Líberíu? Nei það varð allt í einu ekki merkilegt að forsetinn var á þessari frímerkjaörk heldur hversu verðlítill hann var. Er ekki bara verðgildi hans í takt við flest annað íslenskt?

Við skulum gera okur grein fyrir að í hínu fátæka landi Líberíu er verg landsframleiðsla á mann kannski 300 dollarar en hér á landi um 40-50 þús dollarar. (ef ég les rétt úr þessu) Fátæktin er mikil þarna og ekki eru mörg ár síðan George Weah knattspyrnukappi sem þaðan er ættaður keypti og gaf búningana á landslið landsins og hjálppaði til svo að það gæti keppt í Afríkumóti.

Þannig að kannski eru 10 dollarar bara nokkuð gott!!!

Líbería kannski ekki merkilegasta land í heimi en það er alltaf gaman af svona og þetta er gaman fyrir viðkomandi aðila, þjóð hans og svo eru safnarar sólgnir í svona, yfirleitt.

Frímerki frá Líberíu með forseta Íslands

Athugasemdir

[Ólafur Auðunsson (IP-tala skráð) 6.2.2010 kl. 12:38]

Mér sýnist þetta vera Ólafur Geir Ragnar Haarde Grímson.

[Anna Dóra Gunnarsdóttir, 6.2.2010 kl. 13:57]

Mér þykir bara gaman að frétta af þessu frímerki.  Átján íslenskar krónur eru örugglega mun meira virði í Líberíu en hjá okkur, svo að það er ékki réttlátt að gera lítið úr því.  Hins vegar má alveg henda gaman að skemmtilegri frétt og það er hægt án þess að gera lítið úr nokkrum manni.

[sigurður V Guðjonsson (IP-tala skráð) 6.2.2010 kl. 14:24]

Allt þurfa menn orðið að meta til fjár.Enginn er heiðurinn án hárrar krónutölu.

Mönnum mjög í muna er

hvert krónan kemur og fer

Í samhengi samt segðu mér

Hvert verðgildi heilla óska er.

[Brjánn Guðjónsson, 6.2.2010 kl. 15:51]

10 dollarar kannski ekki svo mikið ekki veit ég þó til að út hafi komið frímerki með Hádegismóanum, sem líklega skrifaði fréttina. hann er því verðlaus.