Skaflar hér og þar

Leiðin að heiman og niður í prentsmiðju var illfær en það kemur sér að maður þekkir leiðina og gat sirkað út hvar voru stórirskaflar og hvar ekki. Mætti tveimur konum á efri hlutaleiðarinnar sem óðu snjóinn eins og ekkert hefði ískorist. örlitlu neðar tók fram úr mér jepplingur sem sat svo fastur á næsta horni. á horninu þar fyrir neðan var annar jepplingurbúin að festa sig. Toppurinn var svo hérna fyrir neðan prentsmiðju þegar einn var að reyna að þeytast þetta á Volkwagen. Hann var lengi fastur og hreyfðist lítið en tók svo svakalegan kipp.....en það var þó reyndar jeppi sem dró hann af stað.

En þetta er allt að lagast byrjað að ryðja. Sérstakt að heyra að það er engin kennsla í Framhaldsskólanum en það heyrist ekki múkk úr Grunnskólanum en færðin til dæmis í kringum Barnaskólann var afleit vægast sagt.

Addi Pjé var að strauja hérna framhjá á leið sinni niður í Vinnsló og ég er búin að moka frá og taka úr lás ef einhver vill kíkja við!!!

Ófærð í Vestmannaeyjum

Athugasemdir

[Árni Sigurður Pétursson, 25.2.2010 kl. 08:17]

Ruðningtæki hérna í bæ eru alltaf jafn fljót af stað :)

[Gísli Foster Hjartarson, 25.2.2010 kl. 08:58]

Já mætti einu slíku tæki á móts við Heiðarveg og Hásteinsveg. Svo fór tæki hér framhjá þegar ég var búinn að vera hérna í einar 15 mínútur.

[Birkir Ingason (IP-tala skráð) 25.2.2010 kl. 09:36]

Tjahh það er spurning að setja upp skíðalyftur í helgafelli. Gera úr þessu business fyrst það er farið að festa snjó í eyjum á tveggja ára fresti. Fínt atvinnutækifæri fyrir sjómenn þegar steingrímur verður búinn að þurrka upp sjávarútveginn þá fara vestmannaeyskir sjómenn að vinna í snjónum en ekki á sjónum.

Lengi lifi eyjar!